Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

Language
Чым Вам дапамагчы?

Карпаратыўныя навіны

Жнівень

  • 29 жніўня 2019
    З 2 верасня 2019 года пасажыры БЧ пры куплі білета ў касе змогуць дадаткова аплаціць пасцельную бялізну

    У мэтах паляпшэння якасці абслугоўвання пасажыраў і пашырэння пераліку паслуг Беларуская чыгунка ўкараняе паслугу аплаты камплектаў пасцельнай бялізны пры куплі праязных дакументаў у білетнай касе. Яна прадастаўляецца па жаданні пасажыра і распаўсюджваецца на купэйныя, плацкартныя вагоны і вагоны «СВ» цягнікоў фарміравання Беларускай чыгункі, якія курсіруюць унутры рэспублікі.

    У цяперашні час Беларуская чыгунка таксама праводзіць работы па ўкараненні дадзенай паслугі пры куплі білетаў на афіцыйным сайце.

    Нагадаем, што ў міжнародных зносінах кошт камплекта бялізны ўжо ўключана ў кошт білета.

    Чытаць далей…
  • 28 жніўня 2019
    23-27 верасня Беларуская чыгунка прыме чэмпіянат Міжнароднага спартыўнага саюза чыгуначнікаў (USIC) па спартыўным арыентаванні

    Спартыўны форум пройдзе на базе адпачынку «Белае возера» Брэсцкага аддзялення Беларускай чыгункі. У чэмпіянаце прымуць удзел 9 каманд, якія прадстаўляюць чыгуначныя адміністрацыі з Беларусі, Бельгіі, Балгарыі, Вялікабрытаніі, Даніі, Нарвегіі, Чэхіі, Польшчы і Швейцарыі.

    Чыгуначнікі паспаборнічаюць у спрынце, на сярэдняй дыстанцыі і ў эстафеце.

    Ацэньваць узровень аматарскіх каманд будуць кваліфікаваныя суддзі міжнароднай катэгорыі Беларускай федэрацыі арыентавання.

    Трэба адзначыць, што для жанчын цяперашні чэмпіянат МССЖ па спартыўным арыентаванні ў Брэсце стане пятым па ліку, мужчыны сустрэнуцца ў сёмы раз.

    Чытаць далей…
  • 28 жніўня 2019
    Дзіцячая чыгунка імя К.С. Заслонава запрашае правесці апошні дзень канікул разам

    1 верасня з 12.00 да 13.00 на станцыі Заслонава Дзіцячай чыгункі (ДЧ) наведвальнікі змогуць паглядзець канцэрт, падрыхтаваны калектывамі Культурна-спартыўнага цэнтра Мінскага аддзялення БЧ «Заўтра ў школу». У праграме — выступленне ўзорнага ансамбля танца «Цягнічок», вакальнага ансамбля «Зорачкі», Заслужанага аматарскага калектыву Рэспублікі Беларусь ансамбля эстраднага танца «Гарэзныя агеньчыкі», вакальнай студыі «Лемары».

    Акрамя таго, 1 верасня з 11.00 да 16.40 па Дзіцячай чыгунцы будзе курсіраваць цягнік «Сталічны экспрэс». Ён традыцыйна правязе пасажыраў па маршруце — ад станцыі Заслонава праз станцыю Піянерская да станцыі Сасновы Бор і назад.

    Працягне сваю працу Дзіцячая чыгунка і ў верасні. Рух цягнікоў будзе арганізаваны па суботах і нядзелях з 11.00 да 16.40. Завершыцца 64-ы сезон 22 верасня.

    У кастрычніку пачнуцца заняткі ў гуртку «Юны чыгуначнік». Хлопцы будуць асвойваць асноўныя чыгуначныя дысцыпліны: «Агульны курс чыгунак», «Вагонную гаспадарку», «Лакаматыўную гаспадарку», «пуцявую гаспадарку», «Арганізацыю пасажырскіх перавозак».

    Чытаць далей…
  • 27 жніўня 2019
    Больш за 4,5 тысячы памятак «Бяспека на чыгуначным транспарце» было ўручана падчас акцыі «Стоп – няправільны крок»

    Беларуская чыгунка сумесна з галіновым камітэтам ГА «БРСМ» і аддзеламі ўнутраных спраў на транспарце Міністэрства ўнутраных спраў Беларусі 23 жніўня 2019 года правялі акцыю «Стоп – няправільны крок», падчас якой грамадзяне былі дадаткова праінфармаваны аб правілах паводзін пры знаходжанні на аб'ектах чыгуначнага транспарту.

    Чытаць далей…
  • 26 жніўня 2019
    29 жніўня на Беларускай чыгунцы стартуе акцыя «Дзеці і бяспека»

    Напярэдадні навучальнага года Беларуская чыгунка правядзе акцыю «Дзеці і бяспека». Прафілактычныя мерапрыемствы пройдуць з 29 жніўня па 8 верасня. Мэта акцыі — прыцягнуць увагу бацькоў і падлеткаў да праблемы няшчасных выпадкаў з удзелам непаўналетніх на аб'ектах чыгуначнага транспарта і прадухіліць іх. Работнікі БЧ сумесна з членамі грамадскіх фарміраванняў, супрацоўнікамі органаў унутраных спраў арганізуюць рэйды, падчас якіх нададуць асаблівую ўвагу дзецям і падлеткам, якія знаходзяцца без нагляду дарослых паблізу чыгуначных пуцей, на вакзалах, станцыях і ў цягніках. Акрамя таго, на вакзалах і ў цягніках грамадзян дадаткова праінфармуюць пра меры бяспекі пры знаходжанні на аб'ектах чыгуначнага транспарта, правядуць тлумачальна-прафілактычную працу ў працоўных калектывах прадпрыемстваў і ва ўстановах адукацыі. У акцыі прымуць удзел усе аддзяленні Беларускай чыгункі.

    Праца па папярэджанні няшчасных выпадкаў з удзелам непаўналетніх на аб'ектах чыгуначнага транспарта праводзіцца рэгулярна і знаходзіцца на асаблівым кантролі. У летні перыяд — гэта сустрэчы з падлеткамі ў навучальных установах і дзіцячых аздараўленчых лагерах, размешчаных у непасрэднай блізкасці ад чыгункі.

    Беларуская чыгунка заклікае грамадзян быць больш уважлівымі на аб'ектах чыгуначнага транспарта і нагадвае аб адміністрацыйнай адказнасці за парушэнне правілаў пераходу чыгуначных пуцей або знаходжанні на іх у неналежным месцы.

    Чытаць далей…
  • 20 жніўня 2019
    Беларуская чыгунка прыме ўдзел у мерапрыемствах Беларускага транспартнага тыдня

    Беларуская чыгунка прыме ўдзел у XIII Міжнароднай спецыялізаванай выстаўке «Транспарт і лагістыка-2019» і Беларускім транспартным кангрэсе. Міжнародны транспартны форум пройдзе ў Рэспубліцы Беларусь з 1 па 3 кастрычніка ў Мінску.

    На адной пляцоўцы размесціцца выставачны стэнд Беларускай чыгункі і дзяржаўнага прадпрыемства «Белінтэртранс — транспартна-лагістычны цэнтр» (БТЛЦ), якія будуць аформлены ў адзіным стылістычным выкананні.

    Чытаць далей…
  • 19 жніўня 2019
    Затрымак цягнікоў з-за лжэмініравання вакзалаў на Беларускай чыгунцы не было

    У сувязі з паведамленнем, якое паступіла ў 8 гадзін 56 мінут 19 жніўня па электроннай пошце ў Кантакт-цэнтр Беларускай чыгункі аб мініраванні 6 чыгуначных вакзалаў у гарадах: Мінск, Гродна, Брэст, Гомель, Магілёў, Віцебск, супрацоўнікамі праваахоўных органаў былі арганізаваны праверачныя мерапрыемствы, падчас якіх небяспечных прадметаў не выяўлена.

    Чытаць далей…
  • 15 жніўня 2019
    Дэлегацыя Беларускай чыгункі прыме ўдзел у найбуйнейшым міжнародным форуме ў г. Маскве

    Дэлегацыя Беларускай чыгункі з 28 па 31 жніўня прыме ўдзел у Міжнародным чыгуначным салоне прасторы 1520 «PRO//Рух. ЭКСПА», які пройдзе на тэрыторыі эксперыментальнага кальца АТ «ВНІІЖТ» у Шчэрбінке.

    Салон з'яўляецца унікальнай міжнароднай камунікацыйнай пляцоўкай для сустрэчы прадстаўнікоў найбуйнейшых кампаній, экспертаў і спецыялістаў у галіне чыгуначнага транспарту, а таксама дэманстрацыі і прасоўвання сучасных тэхналогій. Свае дасягненні і распрацоўкі ў галіне чыгуначнага машынабудавання, будаўніцтва, электронікі і сістэм кіравання прадставяць найбуйнейшыя кампаніі транспартнай галіны.

    Важнае месца ў рамках салона адведзена выставачнай экспазіцыі. Яна з'яўляецца самай маштабнай на прасторы каляі 1520, яе плошча складае 20 000 кв. м., дзе размесцяцца больш за 100 натурных узораў тэхнікі. Экспазіцыя будзе падзелена на пэўныя тэматычныя зоны.

    Дзелавая праграма салона «PRO//Рух. ЭКСПА» пройдзе ў фарматах пленарных сесій, круглых сталоў і дыскусій. У парадак праграмы ўключаны пытанні стратэгічнага значэння: лічбавая трансфармацыя чыгуначнай галіны, грузавыя і пасажырскія цягнікі новага пакалення, маркетынг і збыт рухомага саставу, інавацыі і мадэрнізацыя інфраструктуры, інфарматызацыя і кібербяспека чыгуначнага транспарту і шэраг іншых.

    Чытаць далей…
  • 15 жніўня 2019
    У сувязі з правядзеннем планавых тэхнічных работ 17.08.2019 у перыяд з 01:30 да 05:00 продаж і вяртанне білетаў у Сістэме продажу праязных дакументаў праз Інтэрнэт будуць недаступныя

    Паважаныя пасажыры!

    У сувязі з правядзеннем планавых тэхнічных работ 17.08.2019 у перыяд з 01:30 да 05:00 продаж і вяртанне білетаў у Сістэме продажу праязных дакументаў праз Інтэрнэт будуць недаступныя.

    Чытаць далей…
  • 14 жніўня 2019
    Беларуская чыгунка інфармуе

    15 жніўня 2019 года ў сувязі з правядзеннем работ па абнаўленні праграмнага забеспячэння магчымы часовыя збоі ў прадстаўленні інфармацыі і работы сэрвісаў, размешчаных на афіцыйным інтэрнэт-сайце Беларускай чыгункі.


    Чытаць далей…
  • 12 жніўня 2019
    Беларуская чыгунка рыхтуецца сустракаць гасцей Дня беларускага пісьменства

    БЧ завяршае падрыхтоўку станцыі Слонім Баранавіцкага аддзялення Беларускай чыгункі да XXVI Дня беларускага пісьменства.

    Абноўлены фасад пасажырскага будынка, праводзіцца касметычны рамонт унутры яго, ідзе праца па стварэнні насценнага барэльефа. На сценах унутры будынка і ў холе з'явяцца рэльефныя карціны, якія будуць знаёміць гасцей горада з яго славутасцямі, а ў зале чакання — палатно з адлюстраваннем сям'і буслоў у гняздзе, як знака дабрабыту і росквіту. Таксама для зручнасці пасажыраў у зале чакання ўсталююць новыя мяккія крэслы.

    Палепшаны ўмовы і для людзей з абмежаванымі фізічнымі магчымасцямі: на ўваходзе ў пасажырскі будынак усталяваны пандус, нанесена дарожная разметка на прывакзальнай плошчы з вылучэннем месцаў для гэтай катэгорыі грамадзян, выкладзена тактыльная плітка ўздоўж перона і на выхадзе з пасажырскага будынка.

    Для зручнасці жыхароў і гасцей горада ў пасажырскім будынку размешчаны стэнды з інфармацыяй пра галоўныя славутасці Слоніма і схемай праезду да іх, а на прывакзальнай плошчы — кампазіцыйная тумба з такой жа інфармацыяй.

    Чытаць далей…
  • 09 жніўня 2019
    За 7 месяцаў 2019 года Беларуская чыгунка перавезла 46,7 млн пасажыраў

    Беларуская чыгунка ў студзені—ліпені 2019 года перавезла на 305 тысяч пасажыраў больш, чым за аналагічны перыяд 2018 года.

    У міжнародных зносінах праехала 2,3 млн пасажыраў. У міжрэгіянальных зносінах паездкі здзейснілі 6 млн чалавек (або 101,5% да ўзроўню мінулага года), паслугамі цягнікоў гарадскіх і рэгіянальных ліній эканомкласа скарысталіся 38,5 млн пасажыраў (або 100,7% да ўзроўню 2018 года). Пасажыраабарот склаў 3,7 млрд пас-км (або 100,6% да ўзроўню мінулага года).


    Чытаць далей…
  • 09 жніўня 2019
    Відэанавіны Беларускай чыгункі, жнівень 2019 (Выпуск 112)

    Сёння ў выпуску:

    • Аб'ядноўваючы ўсе віды руху і пуцей. 80 гадоў споўнілася Міністэрству транспарту і камунікацый Беларусі.
    • Амаль 2 мільёны запытаў за год працы — паступіла ў Кантакт-цэнтр Беларускай чыгункі. 

    Чытаць далей…
  • 05 жніўня 2019
    Беларуская чыгунка ў 1-м паўгоддзі 2019 года забяспечыла ўсе заяўкі прадпрыемстваў на перавозку прадукцыі

    Пра гэта падчас урачыстага сходу, прысвечанага Дню чыгуначніка, паведаміў Начальнік беларускай чыгункі Уладзімір Марозаў. Перавезена 72 млн тон грузаў і 39 млн пасажыраў, грузаабарот склаў больш за 24 млрд тона-км, пагрузка дасягнула 42,4 млн тон, пасажыраабарот перавысіў 3 млрд пас-км.

    «Даходы Беларускай чыгункі па асноўных відах дзейнасці за 6 месяцаў 2019 года па параўнанні з аналагічным перыядам мінулага года выраслі на 3,1 % і склалі 1,7 млрд рублёў, аднак гэтага аказалася не дастаткова з улікам расходаў па рэалізацыі ўсіх намечаных планаў», — адзначыў кіраўнік галіны.

    Падчас свайго выступу Уладзімір Марозаў завастрыў увагу на тым, што вельмі важныя інвестыцыі ў чалавечы капітал, паколькі толькі згуртаваны і мабілізаваны калектыў, які здольны паспяхова вырашаць бягучыя і перспектыўныя задачы, якія стаяць перад чыгункай.

    Найважнейшай задачай для кіраўніцтва чыгункі з'яўляецца ўдасканаленне сістэмы аплаты працы, надаецца вялікая ўвага здароўю, харчаванню і адукацыі работнікаў.

    Чытаць далей…
  • 02 жніўня 2019
    Напярэдадні Дня чыгуначніка Беларуская чыгунка падвяла вынікі штогадовага рэспубліканскага агляду санітарнага стану і добраўпарадкавання чыгуначных вакзалаў

    У штогадовым рэспубліканскім аглядзе санітарнага стану і добраўпарадкавання чыгуначных вакзалаў прымалі ўдзел пазакласныя вакзалы, а таксама вакзалы I, II і III класаў.

    Сярод пазакласных вакзалаў першае месца заняў вакзал станцыі Мінск-Пасажырскі. Другое месца па выніках штогадовага рэспубліканскага агляду санітарнага стану і добраўпарадкавання чыгуначных вакзалаў прысуджана вакзалу станцыі Брэст-Цэнтральны.

    Чытаць далей…
  • 02 жніўня 2019
    Відэанавіны Беларускай чыгункі, жнівень 2019 (Выпуск 111)

    Сёння ў выпуску:

    — Новыя сэрвісы для пасажыраў. Электронныя квіткі можна купіць ужо ў шляху пасля адпраўлення цягніка, і тэрміналы самаабслугоўвання, якія прымаюць манеты і даюць здачу.

    — Забава малышам і адпачынак бацькам. Абноўлены пакой для пасажыраў з дзецьмі адкрылі на вакзале станцыі Мінск-Пасажырскі.


    Чытаць далей…
  • 02 жніўня 2019
    Дарагія ветэраны! Паважаныя калегі, пасажыры і дзелавыя партнёры!

    Ад усяго сэрца віншуем вас з Днём чыгуначніка! Першую нядзелю жніўня па праву сваім прафесійным святам могуць лічыць сотні тысяч жыхароў нашай краіны. Гэта работнікі Беларускай чыгункі і іх сем'і, ветэраны чыгуначнага транспарту, работнікі сумежных транспартных арганізацый, кліенты і дзелавыя партнёры. Па сутнасці, кожны жыхар Беларусі хоць раз у жыцці карыстаўся паслугамі чыгункі, а значыць мае дачыненне да гэтага свята. Бо галоўным для нас заўсёды быў і застаецца пасажыр.

    Чыгункі іграюць асаблівую ролю ў жыцці кожнай дзяржавы. У Беларусі — гэта найважнейшая транспартная артэрыя, якая злучае разам людзей, гарады, прадпрыемства і краіны. Гістарычна мы знаходзімся ў цэнтры Еўропы на скрыжаванні ажыўленых транспартных калідораў на стыку тэхнічных і прававых сістэм, і наша зладжаная і прафесійная работа шмат у чым вызначае імідж нашай краіны на міжнароднай арэне.

    Чытаць далей…