.png)
Затрымак цягнікоў з-за лжэмініравання вакзалаў на Беларускай чыгунцы не было
19 жніўня 2019
У сувязі з паведамленнем, якое паступіла ў 8 гадзін 56 мінут 19 жніўня па электроннай пошце ў Кантакт-цэнтр Беларускай чыгункі аб мініраванні 6 чыгуначных вакзалаў у гарадах: Мінск, Гродна, Брэст, Гомель, Магілёў, Віцебск, супрацоўнікамі праваахоўных органаў былі арганізаваны праверачныя мерапрыемствы, падчас якіх небяспечных прадметаў не выяўлена.
У перыяд правядзення аператыўна-следчых мерапрыемстваў адхіленні ў графіку руху цягнікоў не дапушчаны. З 9 гадзін 45 мінут да 11 гадзін 30 мінут адсутнічала магчымасць прадстаўлення інфармацыі Кантакт-цэнтрам БЧ па тэлефонах 105, 151, электроннай пошце і месенджэрам Viber, Telegram і WhatsApp, а таксама па званку з інфармацыйна-даведачных тэрміналаў, устаноўленых на вакзалах рэспублікі.
Чыгуначныя вакзалы працуюць у штатным рэжыме.
Інфармацыя падрыхтавана прэс-цэнтрам БЧ
Да спісу навін за 2019 год
