Грузавыя перавозкі

Беларуская чыгунка перавезла 1,5 мільёна кантэйнераў у ДФЭ

7 снежня агульная колькасць перавезеных з пачатку 2024 года па Беларускай чыгунцы кантэйнераў у дваццаціфутавым эквіваленце (ДФЭ) перавысіла 1,5 мільёна.

Рэкордны 1,5-мільённы кантэйнер у ДФЭ даставіць прадукцыю ААТ «Гарадзейскі цукровы камбінат» у адрас грузаатрымальнікаў Хабараўскага краю Расійскай Федэрацыі.

Дасягнуты вынік у чыгуначных кантэйнерных перавозках у чарговы раз пацвярджае стабільнае развіццё эканомікі і ўстойлівую работу прадпрыемстваў Рэспублікі Беларусь. Для параўнання папярэдні рэкорд устаноўлены ў 2021 годзе, калі па яго выніках аб'ём перавезеных кантэйнераў склаў 1,25 мільёна кантэйнераў у ДФЭ.

З пачатку 2024 года ў міжнародных зносінах Беларуская чыгунка перавезла 50 мільёнаў тон грузаў

6 лістапада 2024 года аб'ём перавезеных Беларускай чыгункай у міжнародных зносінах грузаў перавысіў 50 мільёнаў тон. Асноўныя наменклатурныя групы грузаў – будаўнічыя, лясныя і нафтавыя грузы, хімічныя і мінеральныя ўгнаенні, а таксама чорныя металы.

Дасягнуты аб'ём перавозкі стаў адлюстраваннем устойлівага развіцця эканомікі і ўдзелу беларускай магістралі ў праектах па арганізацыі новых міжнародных маршрутаў.

Для стварэння трывалых гандлёвых сувязяў Беларуская чыгунка прадастаўляе якасны сэрвіс і цэласную сістэму лагістычных паслуг.