Грузавыя перавозкі

Беларуская чыгунка перавезла 1 мільён кантэйнераў у ДФЭ

26 жніўня перавозка кантэйнераў на Беларускай чыгунцы з пачатку 2024 года дасягнула 1 мільёна кантэйнераў у дваццаціфутавым эквіваленце (ДФЭ). Пры гэтым экспартна-імпартныя перавозкі займаюць больш за 60% ад агульнага аб'ёму перавозак.

Юбілейны мільённы кантэйнер даставіць у Кітай малочную прадукцыю адкрытага акцыянернага таварыства «Бабушкина крынка» – кіруючая кампанія холдынгу «Магілёўская малочная кампанія «Бабушкина крынка».

Для параўнання летась узровень у 1 мільён перавезеных кантэйнераў у ДФЭ на беларускай магістралі быў дасягнуты ў снежні. Дадзены аб'ём перавозкі з'яўляецца адлюстраваннем развіцця эканомікі і ўстойлівай работы прадпрыемстваў Рэспублікі Беларусь.

Беларуская чыгунка ў 2023 годзе перавезла больш за 1 млн кантэйнераў

Па папярэдніх выніках работы за 2023 год БЧ перавезла больш за 1 млн кантэйнераў у ДФЭ (дваццаціфутавым эквіваленце) ва ўсіх відах зносін.

Развіццё экспартных перавозак і прасоўванне беларускай прадукцыі на знешнія рынкі збыту з'яўляюцца найважнейшымі стратэгічнымі напрамкамі дзейнасці Беларускай чыгункі. Асаблівая ўвага была ўдзелена стварэнню неабходных умоў для нарошчвання аб'ёмаў экспартных паставак прадукцыі беларускіх прадпрыемстваў у кантэйнерах.

Дзякуючы эфектыўнаму ўзаемадзеянню Беларускай чыгункі з грузаадпраўшчыкамі, грузаатрымальнікамі, транспартна-лагістычнымі кампаніямі і чыгуначнымі адміністрацыямі агульны аб'ём экспартных перавозак грузаў у кантэйнерах у 2023 годзе ў параўнанні з 2022 годам павялічаны больш чым на 60%.