.png)
Карпаратыўныя навіны
Кастрычнік
-
30 кастрычніка 2023Каманда Баранавіцкага аддзялення – пераможца спартакіяды сярод моладзі Беларускай чыгункіВа ўпартай і відовішчнай барацьбе 27–29 кастрычніка 2023 г. на базе санаторыя «Магістральны» (аддзяленне «Свіцязь») УП «Баранавіцкае аддзяленне Беларускай чыгункі» прайшла спартакіяда сярод моладзі беларускай магістралі.
Стартаваў турнір са стрытбола. Спаборніцтвы праводзіліся па кругавой сістэме. Перамагала каманда, якая першай набірала 21 ачко або за 10 мінут закідвала найбольшую колькасць мячоў. У прызавую тройку гэтага віду спаборніцтваў увайшлі гульцы Мінскага, Гомельскага і Віцебскага аддзяленняў.
Чытаць далей… -
30 кастрычніка 2023Беларускія і расійскія чыгуначнікі працягваюць рэалізацыю сумеснага турыстычнага праекта «Беларускі ваяж»4 лістапада 2023 года ў рамках праекта «Беларускі ваяж» Турыстычны цэнтр «Дартур» Беларускай чыгункі прыме 10-ы рэйс круізнага цягніка, якім у нашу краіну прыбудуць 100 расійскіх турыстаў.
У праграме двухдзённага знаходжання прадугледжаны пазнавальныя экскурсіі, знаёмства з беларускімі славутасцямі, культурай і традыцыямі, а таксама дэгустацыі страў нацыянальнай кухні.
Так, у Брэсце ў праграму ўключана аглядная экскурсія па горадзе, наведванне мемарыяльнага комплексу «Брэсцкая крэпасць-герой», экскурсія ў Нацыянальны парк «Белавежская пушча», а таксама прагулкі па гістарычным цэнтры.
У Мінску для турыстаў правядуць экскурсію па горадзе, а таксама арганізуюць наведванне замкавых комплексаў «Мір» і «Нясвіж».
Чытаць далей… -
25 кастрычніка 2023Беларуская чыгунка падвяла вынікі конкурсу на лепшае дзіцячае аздараўленчае падраздзяленне ў 2023 годзеПершае месца заняў аздараўленчы лагер «Лясныя далі» Гомельскага аддзялення чыгункі, другое месца прысуджана дзіцячаму аздараўленчаму лагеру ім. Гастэла Мінскага аддзялення і трэцяе месца ў аздараўленчага лагера «Магістраль» Віцебскага аддзялення чыгункі.
Мэтай правядзення гэтага агляду-конкурсу, які стаў ужо для Беларускай чыгункі традыцыйным, з'яўляецца павышэнне эфектыўнасці аздараўлення дзяцей работнікаў беларускай магістралі і ўмацаванне матэрыяльна-тэхнічнай базы дзіцячых аздараўленчых устаноў.
У аглядзе-конкурсе прымалі ўдзел усе 8 дзіцячых аздараўленчых падраздзялення Беларускай чыгункі – лагера ім. Гастэла і «Лясное возера» (Мінскае аддзяленне БЧ), «Іса» і «Азёры» (Баранавіцкае аддзяленне), «Вярба» (Брэсцкае аддзяленне), «Лясныя далі» (Гомельскае аддзяленне), «Дубровенка» (Магілёўскае аддзяленне) і «Магістраль» (Віцебскае аддзяленне).
Чытаць далей… -
25 кастрычніка 202324 кастрычніка ў Мінску пачала работу ХХХІІ Тарыфная Канферэнцыя чыгуначных адміністрацый краін СНД24-27 кастрычніка ў г. Мінску Беларускай чыгункай арганізавана правядзенне ХХХІІ Тарыфнай Канферэнцыі чыгуначных адміністрацый (Чыгунак) краін Садружнасці Незалежных Дзяржаў – удзельніц Тарыфнага Пагаднення чыгуначных адміністрацый (Чыгунак) дзяржаў – удзельніц Садружнасці Незалежных Дзяржаў.
У рабоце канферэнцыі прымаюць удзел прадстаўнікі чыгуначных адміністрацый дзесяці дзяржаў – Азербайджанскай Рэспублікі, Рэспублікі Арменія, Рэспублікі Беларусь, Грузіі, Рэспублікі Казахстан, Кыргызскай Рэспублікі, Расійскай Федэрацыі, Рэспублікі Таджыкістан, Туркменістана, Рэспублікі Узбекістан, а таксама Савета па чыгуначным транспарце дзяржаў – удзельніц Садружнасці.
Беларускую дэлегацыю ўзначальвае першы намеснік Начальніка Беларускай чыгункі Пётр Дулуб.
Чытаць далей… -
23 кастрычніка 2023Сельскагаспадарчыя арганізацыі Беларускай чыгункі завяршылі сяўбу азімых культурУ цяперашні час у складзе Беларускай чыгункі ажыццяўляюць сваю дзейнасць пяць сельскагаспадарчых арганізацый зямельнай плошчай больш за 27 тысяч гектараў.
На бягучы момант завершана сяўба азімых збожжавых культур і рапсу. Пасеяны такія віды збожжавых, як жыта, пшаніца, ячмень і трыцікале.
Травяных кармоў нарыхтавана 121,3% да плану, што складае амаль 35 цэнтнераў кармавых адзінак на 1 умоўную галаву, пры плане 30,9.
Чытаць далей… -
23 кастрычніка 2023Каманда Магілёўскага аддзялення – пераможца адкрытага чэмпіянату Беларускай чыгункі па настольным тэнісе20-22 кастрычніка 2023 г. на базе культурна-спартыўнага цэнтра Магілёўскага аддзялення Беларускай чыгункі адбыўся адкрыты чэмпіянат Беларускай чыгункі па настольным тэнісе. У чэмпіянаце прынялі ўдзел 6 каманд аддзяленняў Беларускай чыгункі, а таксама каманды ААТ «Гомельскі вагонабудаўнічы завод» і ААТ «Гомельскі электрамеханічны завод».
У выніку ўпартай барацьбы каманда Магілёўскага аддзялення заняла першае месца. На другую ступеньку п'едэстала паднялася каманда гомельскіх вагонабудаўнікоў, на трэцюю – прадстаўнікі Мінскага аддзялення чыгункі.
У асабістым першынстве сярод жанчын перамогу атрымала Данілеўская Наталля (Магілёўскае аддзяленне), на другім месцы – Кажэўнікава Кацярына (ААТ «Гомельскі ВСЗ»), на трэцім – Вегеро Людміла (Гомельскае аддзяленне).
Чытаць далей… -
20 кастрычніка 2023Дарагія мужчыны! Паважаныя ветэраны і працаўнікі Беларускай чыгункі!Прыміце самыя сардэчныя віншаванні з цудоўным святам – Днём бацькі!
З'яўленне такога яркага свята ў нашым календары цалкам заканамерна. Ён падкрэслівае высокую значнасць для грамадства інстытута традыцыйных сямейных каштоўнасцяў, важнасць удзелу абодвух бацькоў у гарманічным выхаванні і развіцці дзяцей.
Дзень бацькі – даніна павагі мужчынам, якія добрасумленна працуюць, ствараюць моцныя сем'і, служаць надзейнай апорай і абаронай для сваіх родных. Бацька – гэта той чалавек, які натхняе, усяляе веру ў сябе, акружае клопатам сваіх блізкіх і нясе за іх адказнасць, падае годны прыклад падрастаючаму пакаленню.
Для многіх мужчын быць добрым бацькам гэтак жа важна, як і здзейсніцца ў прафесіі. Без гэтага немагчыма паўнавартасна рэалізавацца ў жыцці. Сёння ў арганізацыях Беларускай чыгункі працуюць больш за 1700 шматдзетных бацькоў. І ў гэты святочны дзень мы дзякуем усім бацькам за іх чуласць і пяшчоту, любоў і спагадлівасць, а таксама неацэнны ўклад ва ўмацаванне інстытута сям'і і захаванне маральных каштоўнасцяў.
Чытаць далей… -
19 кастрычніка 2023Беларуская чыгунка перавезла ўжо больш за 500 тысяч тон цукровых буракоў новага ўраджаюЗ пачатку ўборачнай кампаніі Беларуская чыгунка перавезла ўжо больш за 560 тысяч тон буракоў, што на 20,8% больш, чым за аналагічны перыяд мінулага года.
У гэтым годзе Беларуская чыгунка ажыццяўляе перавозку буракоў на ААТ «Гарадзейскі цукровы камбінат», ААТ «Жабінкаўскі цукровы завод» і ААТ «Слуцкі цукрарафінадны камбінат».
У цяперашні час пагрузка буракоў працягваецца, яе штосутачны аб'ём у сярэднім складае звыш 300 вагонаў. У асобныя суткі ён дасягае 370 вагонаў. Найбольшы аб'ём пагрузкі ажыццяўляецца на станцыях Магілёў, Баранавічы-Цэнтральныя і Пагодзіна.
Чытаць далей… -
17 кастрычніка 2023Беларуская чыгунка прымае ўдзел у XXXII пленарным пасяджэнні Міжнароднага Каардынацыйнага савета па транс'еўразійскіх перавозкахXXXII пленарнае пасяджэнне Міжнароднага Каардынацыйнага савета па транс'еўразійскім перавозках (КСТП) праходзіць 17-18 кастрычніка 2023 года ў г.Маскве (Расійская Федэрацыя) у гібрыдным фармаце (частка дэлегацый прымае ўдзел у мерапрыемстве ў фармаце відэаканферэнцыі).
Дэлегацыю Беларускай чыгункі ўзначальвае першы намеснік Начальніка Беларускай чыгункі Пётр Дулуб.
Падчас пасяджэння яго ўдзельнікам трэба будзе абмеркаваць развіццё транс'еўразійскіх маршрутаў, вызначыць прыярытэтныя вектары і пункты росту. У ліку пытанняў – планы па развіцці чыгунак, якія ўваходзяць у міжнародныя транспартныя калідоры «Усход-Захад» і «Поўнач – Поўдзень», развіццё чыгуначнай і партовай інфраструктуры, спрашчэнне мытных працэдур, забеспячэнне бесперабойнай арганізацыі чыгуначных і мультымадальных кантэйнерных перавозак у еўра-азіяцкіх зносінах. Важнымі тэмамі стануць новыя лічбавыя рашэнні ў сферы міжнародных перавозак грузаў, меры па забеспячэнні бяспекі перавозак грузаў у міжнародных зносінах, пытанні «зялёнага» парадку дня КСТП і развіццё прафесійных кампетэнцый у сферы лагістыкі і арганізацыі перавозак грузаў у еўра-азіяцкіх зносінах.
Чытаць далей… -
17 кастрычніка 2023З 19 па 28 кастрычніка 2023 года Беларуская чыгунка правядзе акцыю «Дзеці і бяспека»Традыцыйна напярэдадні школьных восеньскіх канікул на аб'ектах чыгуначнага транспарту будзе ўзмоцнены кантроль за выкананнем мер бяспекі непаўналетнімі.
На вакзалах, станцыях і ў цягніках работнікі БЧ сумесна з супрацоўнікамі органаў унутраных спраў арганізуюць рэйды, падчас якіх нададуць асаблівую ўвагу дзецям і падлеткам, якія знаходзяцца без нагляду дарослых, у працоўных калектывах прадпрыемстваў і ва ўстановах адукацыі, размешчаных паблізу чыгункі, правядуць тэматычныя прафілактычныя гутаркі.
На беларускай магістралі работа па папярэджанні няшчасных выпадкаў з удзелам непаўналетніх на аб'ектах чыгуначнага транспарту праводзіцца рэгулярна і знаходзіцца на асаблівым кантролі.
Чытаць далей… -
13 кастрычніка 2023Беларуская чыгунка павіншавала 50-мільённага пасажыра 2023 года13 кастрычніка 2023 года на вакзале станцыі Мінск-Пасажырскі адбылася ўрачыстая цырымонія ўшанавання 50-мільённага пасажыра Беларускай чыгункі 2023 года.
У выніку праведзенага маніторынгу рэалізаваных Беларускай чыгункай з пачатку 2023 года праязных дакументаў быў вызначаны 50-мільённы пасажыр. Ім стала выхавальніца дзіцячага саду №398 г. Мінска Таццяна Лапінская, якая набыла электронны білет з дапамогай мабільнага дадатку «БЧ.Мой поезд» да г. Жлобіна на цягнік міжрэгіянальных ліній бізнес-класа №748 Мінск-Гомель адпраўленнем з Мінска 13 кастрычніка 2023 года ў 14.48.
Памятны сертыфікат і падарунак 50-мільённаму пасажыру ад Беларускай чыгункі ва ўрачыстай абстаноўцы ўручыў начальнік пасажырскай службы Упраўлення БЧ Аляксандр Захарэвіч.
Чытаць далей… -
13 кастрычніка 2023Чыгуначны конкурс дэкаратыўна-прыкладнога мастацтва «Кірмаш фантазій» прайшоў у Баранавічах12 кастрычніка 2023 года на базе санаторыя «Магістральны» Баранавіцкага аддзялення прайшоў конкурс дэкаратыўна-прыкладнога мастацтва «Кірмаш фантазій» сярод работнікаў арганізацый Беларускай чыгункі. У гэтым годзе ён стаў адным са шматлікіх мерапрыемстваў, прымеркаваных да Года міру і стварэння.
Свае работы на конкурс прадставілі 45 чыгуначнікаў, якія былі прызнаны лепшымі ў ходзе адборачных тураў на аддзяленнях Беларускай чыгункі. У фінале на суд журы было прадстаўлена больш за 150 работ. У гэтым годзе на выбар удзельнікаў было абвешчана 9 намінацый, якія дапускаюць прымяненне розных тэхнік і матэрыялаў, такіх як мастацкая вышыўка і работа з тканінай, пляценне і вязанне, работа з паперай, кераміка, дэкаратыўныя цацкі, макетаванне, мастацкая апрацоўка дрэва, металу, скуры, а таксама нетрадыцыйныя тэхнікі, фларыстыка і вырабы з натуральных камянёў і фруктаў.
Удзельнікам неабходна было прэзентаваць свае работы і расказаць пра сваё захапленне. Выбраць самыя яркія з іх і вызначыць наймацнейшых стала няпростай задачай для журы. У выніку па суме набраных балаў былі вызначаны лепшыя творы ў кожнай з намінацый, аўтары якіх былі ўзнагароджаны дыпломамі і каштоўнымі падарункамі.
Чытаць далей… -
13 кастрычніка 2023Дарагія жанчыны! Паважаныя працаўніцы і ветэраны Беларускай чыгункі!
Прыміце самыя шчырыя віншаванні з цудоўным святам – Днём маці!
Гэты ўрачысты дзень для кожнага з нас прасякнуты асаблівым святлом і цяплом. У свеце няма нічога важней і даражэй сям'і, бацькоўскага дома і мацярынскай любові.
На беларускай зямлі Дзень маці традыцыйна адзначаецца як агульнанацыянальнае свята. Гэты дзень – сведчанне прызнання велізарнай ролі жанчыны ва ўмацаванні сям'і і выхаванні дзяцей, захаванні духоўных каштоўнасцей і маральных ідэалаў беларускага народа, а для мужчын – яшчэ адна нагода выказаць вам, мілыя жанчыны, сваё захапленне за ваша дзіўнае ўменне спалучаць прафесійную дзейнасць са сваім галоўным прызначэннем – быць захавальніцамі хатняга ачага.
Чытаць далей… -
09 кастрычніка 2023Відэанавіны Беларускай чыгункі, верасень 2023 (158 выпуск)
– Станоўчая дынаміка. Пагрузка грузаў на Беларускай чыгунцы пераадолела адзнаку ў 50 мільёнаў тон.
– Кітайскі вектар – больш за 1000 кантэйнерных цягнікоў адпраўлена з Беларусі ў Паднябесную за 9 месяцаў.
– Больш за 8 мільёнаў электронных білетаў аформілі пасажыры з пачатку года.
Чытаць далей… -
06 кастрычніка 2023Моладзь Беларускай чыгункі прыняла ўдзел у складзе дэлегацыі Рэспублікі Беларусь у Міжнародным патрыятычным форуме «Мы памятаем»З 2 па 4 кастрычніка 2023 года ў горадзе Пскове (Расійская Федэрацыя) прайшоў трэці Міжнародны патрыятычны форум «Мы памятаем», у рабоце якога прынялі ўдзел сакратар галіновага камітэта ГА «БРСМ» Беларускай чыгункі, дыспетчар па сігналізацыі і сувязі Мінскай дыстанцыі сігналізацыі і сувязі Павел Рандоўцаў, старшыні Каардынацыйных саветаў Баранавіцкага, Магілёўскага і Віцебскага аддзяленняў БЧ: дырэктар Культурна-спартыўнага цэнтра Баранавіцкага аддзялення чыгункі Арцём Бутусаў, вядучы інжынер аддзела капітальнага будаўніцтва і праектавання Магілёўскага аддзялення чыгункі Антон Шнэйдэраў, электрамеханік сувязі Віцебскай дыстанцыі сігналізацыі і сувязі Аляксандр Прастакоў.
Чытаць далей… -
02 кастрычніка 2023Беларуская чыгунка прадставіць свой транзітны патэнцыял на Казахстанскай Міжнароднай выставе «Транспарт і лагістыка 2023», а таксама правядзе Круглы стол па прасоўванні транспартна-лагістычных магчымасцяўБеларуская чыгунка 3 кастрычніка 2023 года сумесна з Казахстанскімі чыгункамі правядзе ў Астане (Рэспубліка Казахстан) Круглы стол па прасоўванні транспартна-лагістычнага патэнцыялу чыгуначнага транспарту пры перавозцы грузаў у зносінах паміж Рэспублікай Беларусь і Рэспублікай Казахстан.
У рамках мерапрыемства Беларуская чыгунка і АТ «НК «Казахстанскія чыгункі» прэзентуюць свае тэхналагічныя і лагістычныя магчымасці ў забеспячэнні перавозак казахстанскіх і беларускіх знешнегандлёвых грузаў. Таксама ўдзельнікі сустрэчы абмяркуюць перспектывы развіцця ўжо існуючых праектаў і актуальных транспартна-лагістычных рашэнняў, абмяняюцца думкамі і прапановамі па развіцці экспартна-імпартных і транзітных перавозак грузаў.
Круглы стол пройдзе пад старшынствам Першага намесніка Начальніка Беларускай чыгункі Пятра Дулуба і кіраўніка дырэктара па вытворчых пытаннях АТ «НК «Казахстанскія чыгункі» Баўыржана Урынбасарава. У мерапрыемстве запланаваны ўдзел Надзвычайнага і Паўнамоцнага Пасла Рэспублікі Беларусь у Рэспубліцы Казахстан Паўла Уцюпіна.
Чытаць далей…
