Беларускія і расійскія чыгуначнікі працягваюць рэалізацыю сумеснага турыстычнага праекта «Беларускі ваяж»

30 кастрычніка 2023

4 лістапада 2023 года ў рамках праекта «Беларускі ваяж» Турыстычны цэнтр «Дартур» Беларускай чыгункі прыме 10-ы рэйс круізнага цягніка, якім у нашу краіну прыбудуць 100 расійскіх турыстаў.

У праграме двухдзённага знаходжання прадугледжаны пазнавальныя экскурсіі, знаёмства з беларускімі славутасцямі, культурай і традыцыямі, а таксама дэгустацыі страў нацыянальнай кухні.

Так, у Брэсце ў праграму ўключана аглядная экскурсія па горадзе, наведванне мемарыяльнага комплексу «Брэсцкая крэпасць-герой», экскурсія ў Нацыянальны парк «Белавежская пушча», а таксама прагулкі па гістарычным цэнтры.

У Мінску для турыстаў правядуць экскурсію па горадзе, а таксама арганізуюць наведванне замкавых комплексаў «Мір» і «Нясвіж».

Міжнародны сумесны праект ААТ «РЖД» і Беларускай чыгункі «Беларускі ваяж» стартаваў у жніўні 2022 года. За гэты час было арганізавана 9 рэйсаў турыстычных цягнікоў, якія перавезлі больш за 2,7 тысячы пасажыраў.

У планах на 2024 год прадаўжэнне развіцця праекта, уключэнне ў праграму новых турыстычных аб'ектаў і славутасцяў, у тым ліку экскурсіі на прамысловыя прадпрыемствы, якія з'яўляюцца брэндамі Рэспублікі Беларусь.

Інфармацыя падрыхтавана прэс-цэнтрам БЧ