Моладзь Беларускай чыгункі прыняла ўдзел у складзе дэлегацыі Рэспублікі Беларусь у Міжнародным патрыятычным форуме «Мы памятаем»

06 кастрычніка 2023

З 2 па 4 кастрычніка 2023 года ў горадзе Пскове (Расійская Федэрацыя) прайшоў трэці Міжнародны патрыятычны форум «Мы памятаем», у рабоце якога прынялі ўдзел сакратар галіновага камітэта ГА «БРСМ» Беларускай чыгункі, дыспетчар па сігналізацыі і сувязі Мінскай дыстанцыі сігналізацыі і сувязі Павел Рандоўцаў, старшыні Каардынацыйных саветаў Баранавіцкага, Магілёўскага і Віцебскага аддзяленняў БЧ: дырэктар Культурна-спартыўнага цэнтра Баранавіцкага аддзялення чыгункі Арцём Бутусаў, вядучы інжынер аддзела капітальнага будаўніцтва і праектавання Магілёўскага аддзялення чыгункі Антон Шнэйдэраў, электрамеханік сувязі Віцебскай дыстанцыі сігналізацыі і сувязі Аляксандр Прастакоў.

Усяго ў форуме ўдзельнічалі больш за 100 маладых патрыётаў і спецыялістаў у сферы патрыятычнага выхавання моладзі з Рэспублікі Беларусь і Расійскай Федэрацыі.

Дадзенае мерапрыемства стала ўнікальнай пляцоўкай для абмену вопытам і распрацоўкі сумесных праектаў.

Форум быў напоўнены канструктыўнымі дыскусіямі і пленарнымі сесіямі, лекцыямі аб выхаванні маладога пакалення ў духу патрыятызму і любові да сваёй Радзімы.

Удзел дэлегацыі Рэспублікі Беларусь у Міжнародным патрыятычным форуме «Мы памятаем» спрыяў умацаванню сяброўскіх сувязяў моладзі Беларусі і Расіі, а таксама захаванню гістарычнай памяці аб подзвігу савецкага народа ў гады Вялікай Айчыннай вайны.

Інфармацыя падрыхтавана прэс-цэнтрам БЧ

Да спісу навін за 2023 год