Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

Language
Чым Вам дапамагчы?

Карпаратыўныя навіны

Студзень

  • 31 студзеня 2018
    Аплаціце праезд! Беларуская чыгунка ў 2017 годзе аштрафавала больш за 8 тысяч безбілетнікаў

    У 2017 годзе кантралёрамі-рэвізорамі пасажырскіх цягнікоў Беларускай чыгункі праведзена 55294 праверкі. Асноўная ўвага надавалася цягнікам гарадскіх і рэгіянальных ліній эканамкласа, на долю якіх прыйшлося 53308 праверак (96,4% ад агульнай колькасці праведзеных праверак).

    Да адміністрацыйнай адказнасці за безбілетны праезд прыцягнута 8027 грамадзян, у дачыненні да 947 пасажыраў складзены пратаколы аб адміністрацыйным правапарушэнні. За курэнне (спажыванне) тытунёвых вырабаў у забароненых месцах аштрафавана 1016 чалавек.

    У выніку кантролю ў цягніках спагнана штрафу і тарыфу на суму 179,95 тысячы рублёў.

    Чытаць далей…
  • 31 студзеня 2018
    Беларуская чыгунка вызначыла лаўрэатаў прэміі імя машыніста В.А. Яцкевіча па выніках работы за 2017 год

    Лаўрэатамі прэміі імя машыніста В.А. Яцкевіча па выніках работы за 2017 год сталі калектывы Баранавіцкага аддзялення Беларускай чыгункі, станцыі Калій, лакаматыўнага дэпо Лунінец, Віцебскага вагоннага дэпо, Віцебскага вагоннага ўчастка, Жлобінскай дыстанцыі пуці, Брэсцкай дыстанцыі сігналізацыі і сувязі, Гомельскай дыстанцыі электразабеспячэння, Транспартна-лагістычнага цэнтра Мінск Дзяржаўнага прадпрыемства «БТЛЦ», чыгуначнай станцыі Віцьба УП «Віцебскае аддзяленне Беларускай чыгункі». Прэстыжнай дарожнай прэміяй адзначаны таксама калектывы цэха эксплуатацыі лакаматыўнага дэпо Баранавічы, пункта тэхнічнага абслугоўвання вагонаў на станцыі Крычаў Магілёўскага вагоннага дэпо, рэзерву правадыроў Магілёўскага вагоннага ўчастка, акалодку № 6 Жабінкаўскай дыстанцыі пуці, лінейна-вытворчага ўчастка па абслугоўванню прылад СЦБ № 3 Гомельскай дыстанцыі сігналізацыі і сувязі, Лідскага раёна электразабеспячэння Баранавіцкай дыстанцыі электразабеспячэння, вытворчага ўчастка Свіслач Баранавіцкага грузавога цэнтра транспартнай лагістыкі, аднаўленчага цягніка Полацк Віцебскага аддзялення Беларускай чыгункі.

    Акрамя таго, лаўрэатамі прэміі сталі і асобныя работнікі Беларускай чыгункі: дзяжурны па чыгуначнай станцыі Рось Баранавіцкага аддзялення Беларускай чыгункі Алена Седач, машыніст цеплавоза лакаматыўнага дэпо Асіповічы Аляксандр Міхадзюк, аглядчык-рамонтнік вагонаў Аршанскага вагоннага дэпо Аляксандр Жэнеўскі, электронік Магілёўскага вагоннага ўчастка Аляксей Раманёк, вытворца работ участка рамонту Пуцявой машыннай станцыі № 71 Аляксандр Шаўцоў, электрамеханік Магілёўскай дыстанцыі сігналізацыі і сувя зі Аляксандр Кандраценка, машыніст аўтаматрысы Мінскай дыстанцыі электразабеспячэння Алег Мажэйка, майстар участка Магілёўгрузсэрвис Васіль Мароз, старэйшы рэвізор па бяспецы руху Баранавіцкага аддзялення БЧ Рыгор Бобыр.

    Чытаць далей…
  • 30 студзеня 2018
    Новы ўзровень сэрвісу для кліентаў. Беларуская чыгунка адкрыла Цэнтр транспартнага абслугоўвання «Гомель»

    30 студзеня адбылося ўрачыстае адкрыццё Цэнтра транспартнага абслугоўвання «Гомель», які размясціўся па адрасе вул. Чырвонаармейская, 12. У цырымоніі прыняў удзел Начальнік Беларускай чыгункі Уладзімір Марозаў. Ён павіншаваў калектыў Цэнтра транспартнага абслугоўвання і адзначыў важнасць гэтай падзеі для Беларускай чыгункі. «Гэта яшчэ адзін крок, каб быць бліжэй да нашых кліентаў, да прадпрыемстваў — і ў стварэнні ўмоў, якія дазволяць нам быць канкурэнтаздольнымі, і ў вырашэнні пытанняў і спадзяванняў нашых кліентаў», — падкрэсліў кіраўнік магістралі.

    Пачынаючы з 2014 года на Беларускай чыгунцы працягваецца рэалізацыя цэласнай сістэмы комплекснага транспартнага абслугоўвання ўладальнікаў грузаў, у тым ліку, укаранення новых тэхналогій работы, якія ахопліваюць усе звёны перавозачнага працэсу. Галоўная мэта — максімальна наблізіцца да грузаўладальнікаў, павысіць аператыўнасць абслугоўвання. Асноўныя прынцыпы пры абслугоўванні кліентаў — даступнасць паслуг чыгуначнага транспарту, аператыўнасць і комплекснасць, высокая якасць і гарантыя выканання дагаворных абавязацельстваў.

    У структуры Цэнтра транспартнага абслугоўвання «Гомель» прадугледжана два ўзроўню работы з кліентамі — рэгіянальны і лінейны. Работа з кліентам на Гомельскім аддзяленні чыгункі пачынаецца ў Рэгіянальным цэнтры кіравання і транспартнага абслугоўвання (РЦУТА) з прадастаўлення чыгуначнага кода, рэгістрацыі кліента ў базах інфармацыйных сістэм аддзяленчаскага і дарожнага ўзроўню, заключэння дагавораў на транспартнае абслугоўванне пры перавозцы грузаў чыгуначным транспартам і дамоваў транспартнай экспедыцыі, планавання і ўзгаднення заявак на перавозку грузаў. Таксама РЦУТА выконвае функцыі, звязаныя з маркетынгавай, транспартна-экспедыцыйнай і рэкламнай дзейнасцю.

    Чытаць далей…
  • 29 студзеня 2018
    94 чыгуначных пераезда адрамантуе Беларуская чыгунка у 2018 годзе

    У мэтах павышэння бяспекі руху у 2018 годзе на Беларускай чыгунцы плануецца адрамантаваць 94 чыгуначных пераезда. У прыватнасці, будзе ажыццёўлены капітальны рамонт 50 пераездаў, кладку або замену насцілу плануецца вырабіць на 44 чыгуначных пераездах. Акрамя таго, на 103 пераездах будзе палепшана бачнасць.

    Маштабная работа па добраўпарадкаванні чыгуначных пераездаў праведзена і ў 2017 годзе: капітальны рамонт выраблены на 53 пераездах, на 44 заменены насціл, больш чым на 200 пераездах палепшана бачнасць.

    Чытаць далей…
  • 26 студзеня 2018
    26 студзеня на тэхніка-эканамічным савеце ў Мінску падвялі вынікі работы чыгуначнай галіны за 2017 год

    Вынікі работы Беларускай чыгункі ў мінулым годзе і задачы на 2018 год былі разгледжаны 26 студзеня на выніковым пасяджэнні тэхніка-эканамічнага савета БЧ, якое адбылося ва Упраўленні Беларускай чыгункі.

    У мерапрыемстве прыняў удзел Міністр транспарту і камунікацый Рэспублікі Беларусь Анатоль Сівак, кіраўнікі і прадстаўнікі органаў дзяржаўнай улады і кіравання, службаў і арганізацый Беларускай чыгункі.

    Асноўныя вынікі дзейнасці БЧ у 2017 годзе і задачы яе сацыяльна-эканамічнага развіцця на 2018 год былі агучаны ў дакладзе Начальніка Беларускай чыгункі Уладзіміра Марозава.

    Другі год пяцігадовай дзяржаўнай праграмы развіцця транспартнага комплексу краіны на 2016—2020 гады прайшоў з пункту гледжання аб'ёмаў работы і фінансавых вынікаў у пазітыўнай дынаміцы. Гэтаму спрыялі як знешнія фактары — аднаўленне эканамічнага росту ў рэспубліцы і ў краінах-суседзях, так і паляпшэнне ўнутраных бізнес-працэсаў у першую чаргу ў сферы захавання і прыцягнення аб'ёмаў грузавых перавозак.

    Чытаць далей…
  • 25 студзеня 2018
    Відэанавіны Беларускай чыгункі, студзень 2018 (76 выпуск)

    Сёння ў выпуску:

    — Запатрабаваны маршрут. Вынікі першага месяца перавозак у перасадачных зносінах Мінск—Брэст—Варшава;

    — Без віз у Брэст і Гродна зараз і на цягніку. Чыгуначныя вакзалы прыгранічных абласных цэнтраў уключылі ў спіс пунктаў пропуску для кароткатэрміновых бязвізавых наведванняў Беларусі;

    Чытаць далей…
  • 23 студзеня 2018
    Беларуская чыгунка праводзіць конкурс маладзёжных ініцыятыў сярод работнікаў БЧ па выніках працы за 2017 год

    Конкурс маладзёжных ініцыятыў праводзіцца на БЧ ужо ў другі раз. Яго заснавальнікі — Беларуская чыгунка, Аб'яднаная галіновая прафсаюзная арганізацыя чыгуначнікаў і транспартных будаўнікоў і Галіновы камітэт Грамадскага аб'яднання «Беларускі рэспубліканскі саюз моладзі».

    Чытаць далей…
  • 19 студзеня 2018
    Беларуская чыгунка ў 2017 годзе ў рамках мерапрыемстваў Года навукі укараніла больш за 480 рацыяналізатарскіх прапаноў

    Беларуская чыгунка падвяла вынікі рацыяналізатарскай і вынаходніцкай дзейнасці ў 2017 годзе.

    У арганізацыях і адасобленых структурных падраздзяленнях беларускай магістралі ў 2017 годзе было ўкаранёна 485 рацыяналізатарскіх прапаноў. У выніку атрыманы эканамічны эфект у памеры 2205,56 тыс. рублёў. У распрацоўцы і ўкараненні рацпрапаноў прынялі ўдзел больш за 720 спецыялістаў БЧ.

    Чыгуначная галіна заўсёды была месцам засяроджвання навуковай думкі, тэхнічнай практыкі і вынаходніцкай ініцыятывы.

    2017 год не стаў выключэннем і мае адметную асаблівасць. Новыя рашэнні спецыялістаў беларускай магістралі былі распрацаваны ў Год навукі, аб'яўлены ў 2017 годзе ў Беларусі, і маюць самы вялікі эканамічны эфект за апошнія гады. Усе распрацоўкі былі накіраваны на забеспячэнне бяспекі руху, эканомію і рацыянальнае выкарыстанне працоўных, паліўна-энергетычных і матэрыяльных рэсурсаў, удасканаленне працэсаў рамонту і эксплуатацыі цягавага рухомага саставу, паляпшэнне ўмоў працы і інш.

    Лепшыя вынікі рацыяналізатарскай дзейнасці прадэманстравалі работнікі Гомельскага аддзялення БЧ — 157 рацпрапаноў з эканамічным эфектам у памеры амаль 500 тыс. рублёў.

    Чытаць далей…
  • 17 студзеня 2018
    Беларуская чыгунка у 2018 годзе прадоўжыць зносіны з пасажырамі ў новым фармаце

    У 2018 годзе ў мэтах дадатковага вывучэння меркавання спажыўцоў транспартных паслуг кіраўнікі і спецыялісты Упраўлення і аддзяленняў дарогі, начальнікі станцый і вакзалаў правядуць сустрэчы з насельніцтвам і патэнцыяльнымі карыстальнікамі транспартных паслуг у рэгіёнах.

    Такія сустрэчы пройдуць 18 студзеня на вакзалах станцый: Маладзечна (пачатак у 16.00) і Падсвілле (14.00), таксама ў 14.00 у будынку Падсвільскага сельскага савета.

    Акрамя гэтага сустрэчы з пасажырамі адбудуцца на вакзале станцыі Баранавічы-Палескія — 23 студзеня і на вакзале станцыі Брэст-Цэнтральны — 25 студзеня. Мерапрыемствы пачнуцца ў 14.00.

    Правядзенне сустрэч з насельніцтвам — яшчэ адна магчымасць абмеркаваць пытанні, звязаныя з ажыццяўленнем перавозак пасажыраў чыгуначным транспартам агульнага карыстання ў рэгіёнах.

    У рамках правядзення мерапрыемства, пасажыры змогуць задаваць спецыялістам беларускай магістралі пытанні вусна, а таксама пакінуць свае пытанні пісьмова. Іх заявы будуць разгледжаны ў адпаведнасці з Законам Рэспублікі Беларусь «Аб звароце грамадзян і юрыдычных асоб».

    Чытаць далей…
  • 15 студзеня 2018
    Беларуская чыгунка падвяла вынікі ўдзелу ў навагодняй дабрачыннай акцыі «Нашы дзеці»

    З 11 снежня 2017 года па 10 студзеня 2018 года прадстаўнікі арганізацый Беларускай чыгункі і Аб'яднанай галіновай прафсаюзнай арганізацыі чыгуначнікаў і транспартных будаўнікоў наведалі каля 50 розных устаноў ва ўсіх рэгіёнах Беларусі: дзіцячыя дамы, школы, сацыяльна-педагагічныя цэнтры, пабывалі ў гасцях у шматдзетных і малазабяспечаных сем'яў.

    Чытаць далей…
  • 12 студзеня 2018
    Беларуская чыгунка будзе прадстаўляць свой транзітны патэнцыял на міжнародных выставах у 2018 годзе

    Адным з важных напрамкаў міжнароднага супрацоўніцтва Беларускай чыгункі у 2018 годзе з'яўляецца ўдзел дарогі ў міжнародных выставах, форумах і канферэнцыях.

    У красавіку БЧ прадставіць свой транзітны патэнцыял на Міжнароднай спецыялізаванай выставе «ТрансРасія 2018», якая пройдзе ў Маскве. У маі ў Новасібірску прыме ўдзел у міжнароднай выставе транспартна-лагістычных паслуг, камерцыйнага транспарту і спецтэхнікі TransSiberia/Translogistika і VII міжнародным форуме «Транспарт Сібіры». У верасні — у г. Берліне (Германія) у Міжнароднай спецыялізаванай выставе па транспартным тэхналогіям і інавацыйным кампанентам «Inno Trans 2018».

    У планах дарогі — удзел у кастрычніку ў мерапрыемствах Беларускага транспартнага тыдня, які традыцыйна праходзіць у Мінску.

    У бягучым годзе Беларуская чыгунка правядзе Міжнародную канферэнцыю, прысвечаную рынку чыгуначных паслуг, лагістыцы, экспедаванню і тарыфам, з удзелам экспедытарскіх арганізацый. Вялікая ўвага будзе нададзена арганізацыі і правядзенню тэматычных круглых сталоў у г. Маскве (Расійская Федэрацыя) і г. Калінінградзе (Расійская Федэрацыя).

    Чытаць далей…
  • 5 студзеня 2018
    Дзіцячая чыгунка запрашае пасажыраў сустрэць Каляды ў кампаніі Дзеда Мароза і Снягуркі

    6 і 7 студзеня «Навагодні экспрэс» зробіць па Дзіцячай чыгунцы ім. К.С. Заслонава 5 рэйсаў: у 10.30, 12.00, 13.30, 15.00 і 16.30.

    Пасажыры кожнага з рэйсаў стануць удзельнікамі тэатралізаванага прадстаўлення на станцыі Сасновы Бор «У госці да Дзеда Мароза», арганізаванага Дзіцячай чыгункай сумесна з Мінскім Палацам культуры і спорту чыгуначнікаў. Дзеці сустрэнуцца з казачнымі героямі, героямі папулярных мультфільмаў, Дзедам Марозам і Снягуркай, прымуць удзел у навагодніх конкурсах і гульнях.

    7 студзеня адбудзецца закрыццё зімовага сезону 2017/2018 гадоў на Дзіцячай чыгунцы ім. К.С. Заслонава.

    Чытаць далей…
  • 5 студзеня 2018
    Відэанавіны Беларускай чыгункі, студзень 2018 (75 выпуск)

    Сёння ў выпуску:

    — Святочныя маршруты — у госці да Дзеда Мароза. Навагоднія экспрэсы — у Белавежскую пушчу і на Дзіцячай чыгунцы;

    — З песняй па шляху. 27 снежня ў дзень 155-годдзя магістралі канцэртныя праграмы для пасажыраў прайшлі на вакзалах ва ўсіх абласных цэнтрах;

    Чытаць далей…
  • 5 студзеня 2018
    Беларуская чыгунка рэалізавала ў 2017 годзе больш 1 мільёна білетаў праз плацежна-даведачныя тэрміналы самаабслугоўвання

    У 2017 годзе з выкарыстаннем плацежна-даведачных тэрміналаў самаабслугоўвання Беларускай чыгункай рэалізавана 1 мільён 2 тысячы 600 білетаў. Найбольш актыўна паслугамі тэрміналаў самаабслугоўвання пасажыры карысталіся на чыгуначных вакзалах у Мінску, Жлобіне, Баранавічах, Віцебску, Гомелі і Лунінцы.

    З мэтай паляпшэння якасці абслугоўвання пасажыраў на БЧ праводзіцца праца па пашырэнні сеткі тэрміналаў самаабслугоўвання і аптымізацыі месцаў іх ўстаноўкі. Так, у снежні тэрмінал самаабслугоўвання быў усталяваны ў падземным пераходзе з боку вуліцы Дружнай на станцыі Мінск-Пасажырскі. Таксама ў 2017 годзе тэрміналамі былі абсталяваны станцыі Маладзечна і Барысаў.

    Праз плацежна-даведачныя тэрміналы самаабслугоўвання пасажыры могуць набыць білеты на цягнікі рэгіянальных ліній эканомкласа і гарадскіх ліній, у тым ліку аформіць бясплатныя праязныя дакументы для дзяцей ва ўзросце да 7 гадоў. Дадзеная паслуга даступная трымальнікам плацежных картак усіх банкаў Рэспублікі Беларусь. Камісійны збор пры куплі білетаў праз тэрміналы не збіраецца. Купляючы білеты праз тэрміналы, пасажыры могуць скарыстацца функцыяй «Захаваныя маршруты». Пры ўводзе ў тэрмінал плацежнай карткі, якой быў аплачаны білет у папярэдні раз, на экране адлюстроўваюцца захаваныя маршруты гэтага пасажыра, што дазваляе зэканоміць час пры куплі білета і звесці да мінімуму колькасць неабходных для гэтага дзеянняў.

    Чытаць далей…