Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

БЕЛ
ENG

26 студзеня на тэхніка-эканамічным савеце ў Мінску падвялі вынікі работы чыгуначнай галіны за 2017 год

26 студзеня 2018

Вынікі работы Беларускай чыгункі ў мінулым годзе і задачы на 2018 год былі разгледжаны 26 студзеня на выніковым пасяджэнні тэхніка-эканамічнага савета БЧ, якое адбылося ва Упраўленні Беларускай чыгункі.

У мерапрыемстве прыняў удзел Міністр транспарту і камунікацый Рэспублікі Беларусь Анатоль Сівак, кіраўнікі і прадстаўнікі органаў дзяржаўнай улады і кіравання, службаў і арганізацый Беларускай чыгункі.

Асноўныя вынікі дзейнасці БЧ у 2017 годзе і задачы яе сацыяльна-эканамічнага развіцця на 2018 год былі агучаны ў дакладзе Начальніка Беларускай чыгункі Уладзіміра Марозава.

Другі год пяцігадовай дзяржаўнай праграмы развіцця транспартнага комплексу краіны на 2016—2020 гады прайшоў з пункту гледжання аб'ёмаў работы і фінансавых вынікаў у пазітыўнай дынаміцы. Гэтаму спрыялі як знешнія фактары — аднаўленне эканамічнага росту ў рэспубліцы і ў краінах-суседзях, так і паляпшэнне ўнутраных бізнес-працэсаў у першую чаргу ў сферы захавання і прыцягнення аб'ёмаў грузавых перавозак.

У 2017 годзе беларускай магістраллю выкананы тры з чатырох ключавых паказчыкаў і 9 з 11 паказчыкаў прагнозу сацыяльна-эканамічнага развіцця.

Грузавыя перавозкі па-ранейшаму застаюцца галоўнай крыніцай атрымання прыбытку і забеспячэння рэнтабельнасці работы дарогі. Аб'ём перавозак грузаў склаў 146,3 млн тонаў або 115% да 2016 года, грузаабарот узрос на 18% і склаў 48,5 млрд т-км, паказчык пагрузка грузаў дасягнуў максімальнага значэння за апошнія 5 гадоў.

Кіраўнік магістралі ў мэтах павышэння якасці абслугоўвання кліентаў у 2018 годзе паставіў задачу грузавой гаспадарцы, маркетынгавым падраздзяленням дарогі павысіць якасць планавання перавозак, паслуг праз цеснае ўзаемадзеянне з кліентамі і партнёрамі.

Перспектыўным напрамкам з пункту гледжання росту перавозак і даходнасці з'яўляюцца для Беларускай чыгункі перавозкі прамымі паскоранымі кантэйнернымі цягнікамі і рэалізацыя новых праектаў у гэтай сферы. Дадзены сегмент бізнэсу з кожным годам узрастае.

Так, калі ў 2015 годзе ўдзельная вага даходаў ад перавозак грузаў у кантэйнерах у агульнай выручцы ад грузавых перавозак складаў 2,5%, то ў 2017 годзе — 4,1%.

Па выніках работы за 2017 год спецыялізаванымі кантэйнернымі цягнікамі перавезена больш 376 тыс. кантэйнераў у дваццаціфутавым эквіваленце або 160% да 2016 года. Прайшло больш як 3,2 тыс. кантэйнерных цягнікоў, што ў 1,6 разы больш, чым за 2016 год.

Працягнута станоўчая дынаміка кантэйнерных перавозак у зносінах Кітай—ЕС—Кітай — перавезена 245,4 тыс. кантэйнераў або 174% да 2016 года.

У 2018 годзе прагназуецца рост аб'ёмаў перавозак кантэйнернымі цягнікамі ў зносінах Кітай—Еўропа—Кітай на 30% да ўзроўню 2017 года, што складзе больш за 300 тыс. кантэйнераў.

Сярод прыярытэтных напрамкаў дзейнасці застаецца ўдасканаленне сістэмы тарыфаўтварэння на чыгуначным транспарце. Гэтую работу неабходна праводзіць з шэрагам профільных міністэрстваў і прыцягненнем вучоных.

Не менш важнай для Беларускай чыгункі задачай з'яўляецца якаснае забеспячэнне патрэбаў насельніцтва ў перавозках. Па выніках работы за 2017 год выкананне пасажыраабароту склала 6,3 млрд пас-км або 97,8% да 2016 года. Варта адзначыць, што ў снежні Беларускай чыгунцы ўдалося стабілізаваць і дамагчыся станоўчай дынамікі ў адносінах да пачатку года. Забеспячэнне ў снежні выканання аб'ёму перавозак пасажыраў на ўзроўні 100,4%, пасажыраабароту — 101% пацвердзіла здольнасць БЧ задавальняць нарастальны попыт насельніцтва ў пасажырскіх перавозках.

У міжрэгіянальных зносінах асноўныя намаганні былі накіраваны на павелічэнне маршрутных хуткасцяў, перыядычнасці курсіравання цягнікоў, паляпшэнне камфорту перавозак пасажыраў. Графікам руху цягнікоў на 2017 год памеры руху цягнікоў міжрэгіянальных ліній бізнес-класа павялічаны да 10,5 пар, а таксама скарочаны час у шляху руху цягнікоў, якія курсуюць паміж Гомелем і Магілёвам, Магілёвам і Віцебскам.

Актыўна вядуцца работы па развіцці каналаў самаабслугоўвання пры рэалізацыі праязных дакументаў на цягнікі рэгіянальных ліній эканомкласа і гарадскіх ліній. Праз Інтэрнэт за 2017 год рэалізавана за 2,1 млн білетаў, што на 27,9% вышэй 2016 года.

У сваім выступе Уладзімір Марозаў звярнуў увагу на тое, што прыярытэтамі пасажырскага комплексу ў бліжэйшай перспектыве павінны стаць павышэнне якасці паслуг праз абнаўленне рухомага саставу, укараненне інавацый у галіне сэрвісу, прадастаўленне новых транспартных прадуктаў, развіццё сістэмы электронных продажаў. У мэтах аптымізацыі выдаткаў будзе працягнутая работа па прывядзенню памераў руху ў рэгіянальных эканомкласа і ў гарадскіх зносінах да ўсталяваных дзяржаўным сацыяльным стандартам транспартнага абслугоўвання насельніцтва.

У 2017 годзе больш за 46% усёй выручкі дарога атрымала ад аказання экспарту паслуг. Адметная рыса мінулага года — значны рост аб'ёму экспарту, які склаў 136,3% да 2016 года. Работа па нарошчванню экспарту будзе працягнутая і ў гэтым годзе.

Развіццё міжнародных перавозак грузаў і пасажыраў Беларуская чыгунка ажыццяўляла ва ўзаемадзеянні з чыгуначнымі кампаніямі замежных дзяржаў. Актыўна ўдзельнічала ў дзейнасці міжнародных транспартных арганізацый.

Прыярытэтным традыцыйна заставалася ўзаемадзеянне з чыгункамі Расіі, Літвы, Латвіі, Казахстана, Украіны, Польшчы і Кітая.

У 2018 годзе стаіць задача замацаваць атрыманыя вынікі. У рамках Савета па чыгуначным транспарце, Арганізацыі супрацоўніцтва чыгунак неабходна працягнуць работу па ўдасканаленні нарматыўнай прававой базы ў мэтах забеспячэння эфектыўнага выкарыстання рухомага саставу, арганізацыі перавозачнага працэсу і павышэння эканамічнай эфектыўнасці перавозак.

На працягу 2017 года праводзілася планамерная работа па абнаўленню асноўных сродкаў. Інвестыцыі ў асноўны капітал склалі 389,2 млн руб. Значная частка сродкаў накіравана на набыццё рухомага саставу і развіццё інфраструктуры. Беларускай чыгункай былі набыты 16 адзінак грузавых электравозаў і 264 адзінак грузавых вагонаў. Завершаны работы па электрыфікацыі напрамкаў Маладзечна—Гудагай—дзяржмяжа і арганізаваны рух цягнікоў на электровозной цязе.

Выраблена мадэрнізацыя прылад электрычнай цэнтралізацыі і аўтаблакіроўкі на ўчастку Жлобін—Гомель, а таксама створана база рамонту і абслугоўвання электравозаў серыі БКГ1 і БКГ2 у лакаматыўным дэпо Баранавічы.

У 2018 годзе Беларуская чыгунка накіруе на інвестыцыйную дзейнасць больш 473 млн рублёў. Плануецца прадоўжыць рэалізацыю такіх аб'ектаў, як «Электрыфікацыя ўчасткаў Гомель—Жлобін—Асіповічы і Жлобін—Калінкавічы. 3-я чарга. Участак Жлобін—Калінкавічы», «Развіццё цэнтра кіравання перавозкамі», мікрапрацэсарная цэнтралізацыя Гомельскага і Калінкавіцкага вузлоў, а таксама аб'ектаў, накіраваных на развіццё Мінскага чыгуначнага вузла і іншых. Набыць не менш за 1000 адз. паўвагонаў, 300 адз. фітынгавых платформаў, 300 цыстэрнаў і 20 адз. пасажырскіх вагонаў.

У галіне кадравай палітыкі Уладзімір Марозаў падкрэсліў, што падрыхтоўка кваліфікаванага персаналу з'яўляецца важным складнікам стратэгіі ўстойлівага развіцця галіны.

На дарозе сфарміравана і дзейнічае сістэма матывацыі высокапрадукцыйнай працы работнікаў. Толькі ў мінулым годзе 1967 работнікаў дарогі ўзнагароджаны галіновымі ўзнагародамі.

У мінулым годзе на дарозе таксама выкананы шэраг арганізацыйна-тэхнічных мерапрыемстваў, накіраваных на паляпшэнне ўмоў і аховы працы, што дазволіла прывесці ў адпаведнасць з патрабаваннямі санітарна-гігіенічных нарматываў 130 працоўных месцаў і палепшыць умовы працы для 642 работнікаў, выведзена з шкодных і (або) небяспечных умоў працы 723 рабочыя месцы.

Па-ранейшаму надавалася вялікая ўвага развіццю сацыяльнай сферы.

Праводзілася сістэмная праца, накіраваная на зніжэнне невытворчага траўматызму. Тым не менш, у 2017 годзе на дарозе адбылося 122 выпадкі, пацярпелі 125 чалавек, з якіх 77 — загінулі. Асноўнай прычынай няшчасных выпадкаў з'яўляецца ігнараванне грамадзянамі мер бяспекі пры знаходжанні на чыгуначных пуцях.

Таксама былі разгледжаны вынікі дзейнасці гаспадарчых таварыстваў, акцыі якіх належаць Рэспубліцы Беларусь і знаходзяцца ў кіраванні Беларускай чыгункі.

На пасяджэнні ТЭС былі агучаныя і іншыя найважнейшыя перспектыўныя задачы Беларускай чыгункі на 2018 год, і, перш за ўсё, выкананне паказчыкаў сацыяльна-эканамічнага развіцця, даведзеных Мінтрансам.

З заключным словам на пасяджэнні тэхніка-эканамічнага савета выступіў Міністр транспарту і камунікацый Анатоль Сівак.

Міністр падкрэсліў, што сіла Беларускай чыгункі ў яе традыцыях, і заклікаў калектыў дарогі не спыняцца на дасягнутым, а рухацца наперад, з улікам патрабавання часу.

Анатоль Сівак заклікаў узмацніць адказнасць кіраўнікоў усіх узроўняў, і ў першую чаргу за арганізацыю бяспекі руху, працоўнай і тэхналагічнай дысцыпліны, а таксама за выкананне эканамічных паказчыкаў работы. Міністр адзначыў неабходнасць узважанага эканамічна абгрунтаванага падыходу да пытанняў тарыфнай палітыкі, далейшага развіцця кантэйнерных перавозак у зносінах Кітай—Еўропа—Кітай, рэалізацыі інвестыцыйных праектаў. Адным з прыярытэтных напрамкаў развіцця Беларускай чыгункі Міністр назваў цеснае ўзаемадзеянне чыгуначнікаў з Беларускім дзяржаўным універсітэтам транспарту. Анатоль Сівак таксама ў сваім выступе закрануў тэму падрыхтоўкі да маючых адбыцца Еўрапейскіх гульняў у 2019 годзе і заклікаў калектыў магістралі актыўна ўключыцца ў гэты працэс, у тым ліку ў частцы развіцця інфраструктуры Мінскага чыгуначнага вузла.

Начальнік Беларускай чыгункі Уладзімір Марозаў запэўніў, што працоўны калектыў у поўнай меры ўсведамляе сваю сацыяльную адказнасць перад дзяржавай. Ён выказаў упэўненасць у выкананні пастаўленых на 2018 год задач і далейшым паступальным развіцці чыгуначнага транспарту краіны.

 

Інфармацыя падрыхтавана прэс-цэнтрам БЧ

Да спісу навін за 2018 год