Навіны для пасажыраў
Кастрычнік
-
18 кастрычніка 2023Увазе пасажыраў!
30 і 31 кастрычніка 2023 года ў сувязі з правядзеннем планавых рамонтных работ на Баранавіцкім чыгуначным вузле цягнік № 736 Брэст – Мінск адпраўленнем з Брэста ў 7:48 (замест 8:09) і цягнік № 737 Мінск – Брэст адпраўленнем з Мінска ў 13:15 будуць рухацца з прыпынкам па станцыі Баранавічы-Цэнтральныя (замест станцыі Баранавічы-Палескія).
Чытаць далей… -
18 кастрычніка 2023Увазе пасажыраў!
У сувязі з вытворчасцю планавых работ па рамонце чыгуначнага моста на 92 км перагону Друць–Вендрыж на ўчастку Магілёў–Асіповічы 24, 25 кастрычніка, 28, 29 лістапада 2023 года адмяняюцца з абарачэння:
– цягнікі № 742/741 Мінск–Магілёў адпраўленнем з Мінска ў 6:55, з Магілёва – у 15:33;
– цягнікі № 879/880 Магілёў–Салігорск адпраўленнем з Магілёва 6:18, з Салігорска – у 17:21.
Чытаць далей… -
13 кастрычніка 2023З 10 снежня Беларускай чыгункай уводзіцца ў дзеянне графік руху цягнікоў на 2023/2024 гады
10 снежня 2023 года з 00.00 на Беларускай чыгунцы ўводзіцца графік руху цягнікоў на 2023/2024 гады. Ён сфарміраваны на падставе маніторынгу попыту на перавозкі і напрамкаў пераважных пасажырапатокаў, а таксама выканання патрабаванняў сістэмы дзяржаўных сацыяльных стандартаў па абслугоўванні насельніцтва ў галіне транспарту. Ён будзе дзейнічаць на працягу года.
Усяго ў нарматыўным графіку руху цягнікоў на 2023/2024 гады па сетцы Беларускай чыгункі прадугледжана курсіраванне 381 пары пасажырскіх цягнікоў.
З 10 снежня міжнародныя пасажырскія перавозкі ў зносінах Беларусь–Расія будуць арганізаваны па асноўных пасажыраўтваральных напрамках у прамых і бесперасадачных зносінах з Масквой, Санкт-Пецярбургам, Калінінградам, Адлерам, Анапай, Мінеральнымі водамі, Самарай, Мурманскам і Архангельскам (праз Маскву, Яраслаўль і Волагду).
Чытаць далей… -
06 кастрычніка 2023100 дадатковых цягнікоў прызначыла Беларуская чыгунка на лістападаўскія святы
У мэтах павышэння якасці прадастаўляемых паслуг з улікам прагназуемага павелічэння пасажырапатоку ў перыяд лістападаўскіх святаў з 2 па 8 лістапада 2023 года БЧ прызначыла 100 дадатковых цягнікоў у міжрэгіянальным і міжнародным зносінах.
У міжрэгіянальных зносінах прызначана 80 дадатковых цягнікоў, якія будуць курсіраваць па найбольш запатрабаваных у пасажыраў маршрутах: Мінск–Гомель, Мінск–Брэст, Мінск–Віцебск, Мінск–Гродна, Мінск–Магілёў, Мінск–Пінск, Мінск–Камунары, Брэст–Гомель, Віцебск–Орша–Гродна, Гродна–Орша–Крычаў.
У міжнародных зносінах з Расійскай Федэрацыяй Беларускай чыгункай ва ўзаемадзеянні з ААТ «РЖД» прызначана 20 дадатковых цягнікоў па маршрутах Мінск–Санкт-Пецярбург, Брэст/Віцебск–Масква, Масква–Брэст, Санкт-Пецярбург–Смаленск і Калінінград–Масква.
Чытаць далей… -
05 кастрычніка 20238 мільёнаў электронных білетаў на цягнікі Беларускай чыгункі аформлена за 9 месяцаў 2023 года
Папулярнасць лічбавых тэхналогій у пасажыраў працягвае павялічвацца. Са студзеня па верасень 2023 года пасажыры Беларускай чыгункі аформілі праз Інтэрнэт 6,2 млн электронных білетаў на цягнікі з нумараванымі месцамі і 1,8 млн білетаў на цягнікі з ненумараванымі месцамі (гарадскіх ліній і рэгіянальных ліній эканомкласа). Самы актыўны рост – у сегменце электронных білетаў на цягнікі міжнародных, міжрэгіянальных ліній і рэгіянальных ліній бізнес-класа, аформленых на сайце pass.rw.by і з дапамогай мабільнага дадатку «БЧ. Мой поезд». Іх доля складае 77% ад агульнай колькасці прададзеных праязных дакументаў. Для параўнання – у 2022 годзе электронныя билеты на цягнікі з нумараванымі месцамі набывалі 57% пасажыраў.
Найбольш запатрабаваным каналам самаабслугоўвання пры афармленні праезду на цягніках з ненумараванымі месцамі застаюцца тэрміналы самаабслугоўвання. Імі скарысталіся 5,9 млн пасажыраў, што складае 15% ад агульнага аб'ёму пасажыраў, перавезеных за 9 месяцаў 2023 года цягнікамі з ненумараванымі месцамі.
Чытаць далей… -
04 кастрычніка 2023З 4 кастрычніка 2023 года прадоўжана курсіраванне цягніка № 275/276 Самара–Мінск
У мэтах умацавання транспартных сувязяў і развіцця міжнародных пасажырскіх перавозак паміж Рэспублікай Беларусь і Расійскай Федэрацыяй Беларуская чыгунка і ААТ «РЖД» з 4 кастрычніка 2023 года прадаўжаюць курсіраванне цягніка ў зносінах Самара–Мінск.
Цягнік № 275/276 Самара–Мінск будзе курсіраваць па раней дзеючым раскладзе адзін раз на тыдзень. Ён будзе адпраўляцца з Самары з 4 кастрычніка па 6 снежня 2023 года па серадах у 13:30 і прыбываць у Мінск на наступныя суткі ў 23:53.
З Мінска цягнік будзе адпраўляцца з 6 кастрычніка па 8 снежня 2023 года па пятніцах у 21:57 і прыбываць у Самару па нядзелях у 8:56.
Чытаць далей…