Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

Language
Чым Вам дапамагчы?

Навіны для пасажыраў

Снежань

  • 29 снежня 2017
    Каля 80 дадатковых цягнікоў будуць курсіраваць па Беларускай чыгунцы ў навагоднія і калядныя святы

    Беларуская чыгунка загадзя прымае меры па забеспячэнню перавозак пасажыраў у дні навагодніх і калядных святаў. У перыяд з 29 снежня па 13 студзеня прызначана 77 дадатковых цягнікоў міжнародных і міжрэгіянальных ліній.

    У міжнародных зносінах будуць дадаткова курсіраваць 25 цягнікоў па найбольш запатрабаваных маршрутах: Мінск—Масква—Мінск, Мінск—Санкт-Пецярбург—Мінск, Масква—Брэст—Смаленск, Баранавічы—Масква—Баранавічы, Львоў—Мінск, Калінінград—Масква—Калінінград, Санкт-Пецярбург—Бранск.

    Чытаць далей…
  • 26 снежня 2017
    Беларуская чыгунка інфармуе аб спецыяльных тарыфных прапановах на цягнік №100 Мінск—Запарожжа і на асобныя цягнікі ў Расію

    У перыяд навагодніх святаў і канікул Беларуская чыгунка прапануе скарыстацца спецыяльнай прапановай на Украіну і ў Расію.

    Спецыяльная тарыфная прапанова прадугледжвае зніжэнне агульнага кошту праезду ў сярэднім на 20% (у залежнасці ад станцыі адпраўлення пасажыра) на цягнік №100 Мінск—Запарожжа ў перыяд з 1 па 8 студзеня 2018 года на месцы, якія яшчэ не рэалізаваны ў свабодным продажы за 1 суткі і менш да адпраўлення цягніка.

    Чытаць далей…
  • 22 снежня 2017
    Беларуская чыгунка інфармуе аб спецыяльных тарыфных прапановах для пасажыраў

    У перыяд навагодніх святаў і канікул Беларуская чыгунка прапануе скарыстацца «Навагодняй прапановай» на цягнікі ў зносінах з Расійскай Федэрацыяй.

     Спецыяльная тарыфная прапанова прадугледжвае зніжэнне агульнага кошту праезду да 40% (у залежнасці ад станцыі адпраўлення пасажыра) на месцы, якія яшчэ не рэалізаваны ў свабодным продажы пры ўмове іх афармлення за 3 сутак і менш да адпраўлення. Навагодняя прапанова дзейнічае на цягнік № 132 адпраўленнем з 27 па 30 снежня 2017 года і 1 і 2 студзеня 2018 года.

    А таксама на цягнікі: №2 Мінск—Масква, №1 Масква—Мінск і № 26 Мінск—Масква адпраўленнем 31 снежня.

    Чытаць далей…
  • 13 снежня 2017
    На навагоднія святы Беларуская чыгунка прызначыла дадатковы цягнік да Львова

    Для забеспячэння перавозкі пасажыраў у перыяд навагодніх святаў Беларуская чыгунка прызначыла дадатковы цягнік № 461/462 па маршруце МінскЛьвоўМінск.

    З Мінска цягнік № 461 адправіцца 28 снежня а 17 гадзіне 38 хвіліне і прыбудзе ў Львоў 29 снежня а 5 гадзіне 32 хвіліне. У пуці руху цягнік будзе рабіць прыпынкі на станцыях Стаўбцы, Баранавічы-Палескія, Ганцавічы, Лунінец, Прыпяць, Гарынь, Удрыцк, Мілячы, Здалбуноў.

    У адваротным кірунку цягнік № 462 адправіцца з Львова ў гэты ж дзень а 17 гадзіне 20 хвіліне, а прыбудзе ў Мінск 30 снежня а 9 гадзіне 21 хвіліне.

    Усяго ў перыяд калядных і навагодніх святаў у міжнародных зносінах ўжо дадаткова прызначана 7 пар цягнікоў па найбольш запатрабаваных маршрутах: БаранавічыМаскваБрэст, МінскВільнюсМінск, МінскЛьвоўМінск, КалінінградМінскМасква, МаскваБрэстСмаленск.

    Беларуская чыгунка працягне працу па прызначэнні дадатковых цягнікоў у перыяд навагодніх і калядных святаў з улікам росту пасажырапатоку.

    Чытаць далей…
  • 7 снежня 2017
    З 10 снежня на Беларускай чыгунцы ўводзіцца новы графік руху цягнікоў на 2017/2018 год

    На дарогах краін Садружнасці і Еўрасаюза новы графік руху цягнікоў на 2017/2018 год пачне дзейнічаць з 00.00 гадзін 10 снежня 2017 года.

    Пры фарміраванні графіка Беларускай чыгункай надавалася ўвага захаванню існуючых актуальных для пасажыраў напрамкаў у зносінах з краінамі СНД і Балтыі і пашырэнню маршрутнай сеткі як у міжнародных зносінах, так і ўнутры рэспублікі.

    У міжнародных зносінах графікам руху цягнікоў на 2017/2018 год прадугледжаны наступныя змены.

    Рэгулярныя транспартныя зносіны паміж Мінскам і Вільнюсам з 10 снежня будуць забяспечвацца сучаснымі электрацягнікамі як фарміравання Беларускай чыгункі, так і фарміравання Літоўскіх чыгунак. Без змены часу знаходжання ў дарозе (2 гадзіны 30 хвіл.) Памежныя і мытныя кантролі з цягнікамі № 805/806 і № 804/807 у зносінах Мінск—Вільнюс будуць праводзіцца на станцыі Гудагай.

    Чытаць далей…
  • 1 снежня 2017
    Беларуская чыгунка ўкараняе ў цягніках pos-тэрміналы для аплаты сваіх паслуг па банкаўскіх плацёжных картках

    У мэтах паляпшэння абслугоўвання пасажыраў БЧ сумесна з ААТ «АСБ Беларусбанк» працягвае рэалізацыю праекта па ўкараненні аплаты паслуг чыгуначнага транспарту па банкаўскіх плацежных картках у цягніках міжрэгіянальных і міжнародных ліній з выкарыстаннем пераносных плацежных pos-тэрміналаў. Увасабленне ў жыццё гэтага праекта дасць магчымасць пасажырам разлічвацца ў цягніках за чайную прадукцыю і пасцельную бялізну з дапамогай банкаўскай карткі.

    Рэалізацыя праекта праводзіцца паэтапна. Спачатку паслуга разліку па банкаўскіх картках з выкарыстаннем пераносных плацежных тэрміналаў была ўкаранёная ў цягніках рэгіянальных ліній эканомкласа, якія курсуюць па кірунку АсіповічыПухавічы і цягніку міжрэгіянальных ліній № 658/657 Брэст—Віцебск. У цяперашні час укараненне безнаяўных разлікаў працягнута ў цягніках міжрэгіянальных і міжнародных ліній фарміравання БЧ.

    Больш за 80 пераносных плацежных тэрміналаў ужо выкарыстоўваецца для аплаты па банкаўскіх картках у цягніках беларускай магістралі. Інфармацыю аб магчымасці аплаты паслуг з дапамогай банкаўскіх плацежных карт можна даведацца ў работнікаў цягніковай брыгады.
    У цягніках міжнародных ліній разлік па банкаўскіх картках адбываецца пры знаходжанні цягніка на тэрыторыі Рэспублікі Беларусь.

    Чытаць далей…
  • 1 снежня 2017
    Беларуская чыгунка інфармуе

    30 лістапада ў 10.32 на станцыі Жлобін па тэхнічных прычынах адбыўся сход двух колавых пар апошняга вагона пасажырскага цягніка № 100 у зносінах Мінск—Запарожжа.

    Пацярпелых няма. Прычыны здарэння ўстанаўліваюцца. Затрымка цягніка склала 50 хвілін. На памежную станцыю Церахоўка цягнік быў здадзены па раскладзе. Затрымкі ў графіку руху іншых цягнікоў няма.

    Беларуская чыгунка прыносіць прабачэнне пасажырам за прычыненыя нязручнасці.

    Чытаць далей…