100 дадатковых цягнікоў прызначыла Беларуская чыгунка на лістападаўскія святы

06 кастрычніка 2023

У мэтах павышэння якасці прадастаўляемых паслуг з улікам прагназуемага павелічэння пасажырапатоку ў перыяд лістападаўскіх святаў з 2 па 8 лістапада 2023 года БЧ прызначыла 100 дадатковых цягнікоў у міжрэгіянальным і міжнародным зносінах.

У міжрэгіянальных зносінах прызначана 80 дадатковых цягнікоў, якія будуць курсіраваць па найбольш запатрабаваных у пасажыраў маршрутах: Мінск–Гомель, Мінск–Брэст, Мінск–Віцебск, Мінск–Гродна, Мінск–Магілёў, Мінск–Пінск, Мінск–Камунары, Брэст–Гомель, Віцебск–Орша–Гродна, Гродна–Орша–Крычаў.

У міжнародных зносінах з Расійскай Федэрацыяй Беларускай чыгункай ва ўзаемадзеянні з ААТ «РЖД» прызначана 20 дадатковых цягнікоў па маршрутах Мінск–Санкт-Пецярбург, Брэст/Віцебск–Масква, Масква–Брэст, Санкт-Пецярбург–Смаленск і Калінінград–Масква.

Напрыклад, у зносінах Мінск–Санкт-Пецярбург 2, 3, 4, 6 лістапада 2023 года дадаткова прызначаны цягнік № 250 Мінск–Санкт-Пецярбург адпраўленнем з Мінска ў 19:03 і прыбыццём у Санкт-Пецярбург у 8:53 наступнага дня.

У зваротным кірунку 3, 4, 5, 7 лістапада 2023 года прызначаны цягнік № 249 Санкт-Пецярбург–Мінск адпраўленнем з Санкт-Пецярбурга ў 20:13 і прыбыццём у сталіцу Беларусі на наступныя суткі ў 10:20.

У дарозе на тэрыторыі Рэспублікі Беларусь гэтыя цягнікі будуць рабіць прыпынкі ў Жодзіне, Барысаве, Крупках, Талачыне, Оршы і Віцебску.

У зносінах Брэст–Масква 6 лістапада 2023 года прызначаны цягнік № 236 Брэст–Масква адпраўленнем з Брэста ў 13:12 і прыбыццём у Маскву 7 лістапада 2023 года ў 5:54 з прыпынкамі на тэрыторыі нашай краіны ў Жабінцы, Бярозе, Івацэвічах, Баранавічах, Мінску, Жодзіне, Барысаве, Талачыне і Оршы.

У зваротным кірунку 7 лістапада 2023 года прызначаны цягнік № 231 Масква–Брэст, які адправіцца з Масквы ў 18:18 і прыбудзе ў Брэст 8 лістапада 2023 года ў 9:13 з прыпынкамі на тэрыторыі Рэспублікі Беларусь у Оршы, Барысаве, Мінску, Баранавічах, Івацэвічах, Бярозе і Жабінцы.

Акрамя таго, у складзе гэтых цягнікоў будуць курсіраваць бесперасадачныя вагоны ў зносінах Віцебск–Масква–Віцебск адпраўленнем:

з Віцебска 6 лістапада 2023 года ў 18: 07 і прыбыццём у Маскву 7 лістапада 2023 года ў 5:54;

з Масквы 7 лістапада 2023 года ў 18:18 і прыбыццём у Віцебск 8 лістапада 2023 года ў 5:02.

3 лістапада 2023 года прызначаны цягнік № 295 у зносінах Масква–Брэст адпраўленнем з Масквы ў 23:14 і прыбыццём у Брэст 4 лістапада 2023 года ў 14:10.

6 лістапада 2023 года прызначаны цягнік № 296 Брэст–Масква, які адправіцца з Брэста ў 0:18 і прыбудзе ў Маскву ў гэтыя ж суткі ў 16:07.

Гэтыя цягнікі на тэрыторыі Рэспублікі Беларусь будуць рабіць прыпынкі ў Оршы, Барысаве, Мінску і Баранавічах.

Работа ў гэтым напрамку будзе працягнута.

Больш падрабязную інфармацыю аб часе адпраўлення, маршруце руху дадаткова прызначаных цягнікоў можна атрымаць на афіцыйным інтэрнэт-сайце Беларускай чыгункі www.rw.by, у мабільнага дадатку «БЧ. Мой поезд», а таксама па тэлефоне 105 кантакт-цэнтра.

Інфармацыя падрыхтавана прэс-цэнтрам БЧ