Навіны для пасажыраў

Ліпень

• 09 ліпеня 2018

  9 ліпеня са станцыі Мінск-Пасажырскі адправіўся ў першы рэйс цягнік міжрэгіянальных ліній № 644/643 Мінск—Віцебск

  Спецыяльны цягнік у дні правядзення міжнароднага фестывалю «Славянскі базар у Віцебску» Беларуская чыгунка прызначае ўжо восьмы год падрад і з кожным годам папулярнасць гэтага праекта ўзрастае.

  Беларуская чыгунка прадугледзела зручны графік руху цягніка міжрэгіянальных ліній № 644/643 Мінск—Віцебск на час правядзення фестывалю. Цягнік будзе курсіраваць штодня з Мінска з 9 па 18 ліпеня, а з Віцебска з 10 па 19 ліпеня.

  Час адпраўлення цягніка са станцыі Мінск-Пасажырскі — 12:32 і прыбыцця ў Віцебск у 16:14. З Віцебска ён будзе адпраўляцца ноччу ў 01:32 і прыбываць у сталіцу Беларусі раніцай у 5:38.

  У шляху руху прыхільнікам фэсту даецца магчымасць вывучыць святочную праграму мерапрыемства. Тэматыка фестывалю адлюстравана і ў афармленні цягніка. У вагонах размешчаны святочныя плакаты, макеты з маршрутнымі паказальнікамі. Эмблема фестывалю прысутнічае на бэйджах у работнікаў цягніковай брыгады.

  Чытаць далей…
• 06 ліпеня 2018

  На адпачынак цягніком. Парадку 700 чалавек адправіліся ў чэрвені на адпачынак цягніком № 451/452 Мінск—Варна

  Цягнік № 451/452 Мінск—Варна пачаў курсіраваць з 10 чэрвеня. За чэрвень месяц ужо адправілася на адпачынак да Балгарскага ўзбярэжжа Чорнага мора каля 700 чалавек. Усяго з пачатку сезона на дадзены цягнік прададзена больш 1850 білетаў.

  Нагадаем, па дадзеным маршруце цягнік будзе курсіраваць па 7 верасня. Адпраўленне з Мінска ў 17:38. Прыбыццё ў Варну праз дзень, у 10:30.

  З Варны ў Мінск цягнік адпраўляецца ў 18:45 і прыбывае ў сталіцу Беларусі у 11:09.

  Маршрут цягніка пралягае праз украінскія гарады Львоў, Івана-Франкаўск і румынскі — Бухарэст.

  Беларуская чыгунка ў новым турыстычным сезоне пашырыла магчымасці праезду пасажыраў да курортаў Азоўскага і Балтыйскага мораў.

  Чытаць далей…