.png)
Карпаратыўныя навіны
Сакавік
-
29 сакавіка 2024БЧ падвяла вынікі акцыі «Дзеці і бяспека», якая праводзілася напярэдадні школьных канікулВынікі акцыі «Дзеці і бяспека» падвяла Беларуская чыгунка. З 13 па 22 сакавіка 2024 года работнікамі БЧ сумесна з членамі грамадскіх фарміраванняў і супрацоўнікамі органаў унутраных спраў было арганізавана 424 рэйды, падчас якіх надавалася асаблівая ўвага дзецям і падлеткам, якія знаходзяцца без нагляду дарослых паблізу чыгуначных пуцей, на вакзалах, станцыях і ў цягніках. Выяўлены і выведзены ў бяспечныя месцы 31 непаўнагадовы, які знаходзіўся на аб'ектах чыгункі без суправаджэння бацькоў або дарослых. З 19 непаўналетнімі, якія знаходзіліся на чыгуначных пуцях у навушніках і размаўлялі па мабільных тэлефонах, праведзены прафілактычныя гутаркі.
Акрамя таго, на вакзалах і ў цягніках грамадзян дадаткова інфармавалі аб мерах бяспекі пры знаходжанні на аб'ектах чыгуначнага транспарту.
Чытаць далей… -
27 сакавіка 202426 сакавіка 2024 года ва Упраўленні Беларускай чыгункі адбыўся сход першаснай арганізацыі РГА «Белая русь»У мерапрыемстве прынялі ўдзел намеснік Начальніка Беларускай чыгункі Пётр Стоцкі, старшыня Ленінскага раённага аддзялення Беларускай партыі «Белая Русь» Сяргей Кулік, старшыня Ленінскай раённай арганізацыі г.Мінска Рэспубліканскага грамадскага аб'яднання «Белая Русь» Аляксей Сегалавіч і члены першаснай арганізацыі РГА «Белая Русь» Упраўлення БЧ.
Чытаць далей… -
27 сакавіка 2024Беларуская чыгунка прадставіла свае магчымасці на 28-й Міжнароднай выставе «ТрансРасія 2024» у МасквеНа мінулым тыдні Беларуская чыгунка прыняла ўдзел у Міжнароднай выставе транспартна-лагістычных паслуг, складскога абсталявання і тэхналогій «ТрансРасія 2024», якая праходзіла ў Маскве (Расійская Федэрацыя).
На працягу многіх гадоў «ТрансРасія» ўтрымлівае пазіцыі найбуйнейшага мерапрыемства ва Усходняй Еўропе па транспарце і лагістыцы. Штогод у ёй прымаюць удзел вядучыя расійскія і міжнародныя кампаніі – аператары грузавых чыгуначных, аўтамабільных, марскіх і паветраных перавозак, партовыя аператары, тэрміналы і склады, экспедытарскія кампаніі, распрацоўшчыкі і пастаўшчыкі IT-рашэнняў, мытныя брокеры, пастаўшчыкі складскога абсталявання, страхавыя кампаніі і кампаніі, якія прадстаўляюць комплексныя лагістычныя паслугі.
У перыяд правядзення выставы ў 2024 годзе на карпаратыўным стэндзе Беларускай чыгункі былі прадстаўлены тэхнічныя і тэхналагічныя магчымасці па арганізацыі перавозак грузаў у міжнародных зносінах, у тым ліку кантэйнернымі цягнікамі, інфармацыя аб поўным спектры аказваемых беларускай магістраллю паслуг на транспартна-лагістычным рынку.
Чытаць далей… -
26 сакавіка 2024Вынікі дзейнасці добраахвотных дружын па ахове правапарадку ў 2023 годзе падвялі на Беларускай чыгунцы25 сакавіка 2024 года ва Упраўленні Беларускай чыгункі адбылася сумесная нарада прадстаўнікоў беларускай магістралі і супрацоўнікаў праваахоўных органаў, на якой былі падведзены вынікі дзейнасці добраахвотных дружын па ахове правапарадку на Беларускай чыгунцы у 2023 годзе. Удзельнікі сустрэчы таксама разгледзелі шэраг актуальных пытанняў па далейшым удасканаленні іх дзейнасці ў арганізацыях Беларускай чыгункі, павышэнні эфектыўнасці работы па ахове грамадскага парадку, абмяняліся вопытам і намецілі меры па ўдасканаленні механізму ўзаемадзеяння добраахвотных дружын з праваахоўнымі органамі.
Намеснік Начальніка Беларускай чыгункі Ігар Казлоўскі падзякаваў дружыннікам беларускай магістралі за праведзеную работу і выказаў упэўненасць, што дзейнасць добраахвотных дружын і ў далейшым будзе садзейнічаць зніжэнню колькасці злачынстваў і правапарушэнняў на аб'ектах чыгуначнага транспарту. Разам з тым Ігар Анатольевіч акцэнтаваў увагу на актывізацыі работы па прафілактыцы правапарушэнняў, а таксама неабходнасці больш актыўнага прыцягнення ў шэрагі дружыннікаў моладзі з ліку галіновага камітэта ГА «БРСМ» Беларускай чыгункі.
Чытаць далей… -
25 сакавіка 202421-24 сакавіка 2024 года ў Гомелі адбыўся адкрыты чэмпіянат Беларускай чыгункі па валейболе сярод мужчынскіх камандАдкрыты чэмпіянат Беларускай чыгункі па валейболе сярод мужчынскіх каманд прайшоў у мінулыя выхадныя на базе Культурна-спартыўнага комплексу РУП «Гомельскае аддзяленне Беларускай чыгункі». У спаборніцтве прынялі ўдзел валейбалісты 6 аддзяленняў Беларускай чыгункі і Гомельскага вагонабудаўнічага завода. Лёс першага месца вырашыўся ў супрацьстаянні двух гомельскіх каманд – аддзялення чыгункі і вагонабудаўнічага завода. У выніку завадчане святкавалі перамогу і заваявалі тытул пераможцы чэмпіянату. Другое месца заняла каманда Гомельскага аддзялення, трэцяе месца прысуджана чыгуначнікам з Віцебска.
Чытаць далей… -
22 сакавіка 2024Адкрыты дыялог з вучнямі. Начальнік Беларускай чыгункі Уладзімір Марозаў наведаў Гомельскі каледж – філіял БелДУТа20 сакавіка 2024 года ў Гомельскім каледжы – філіяле Беларускага дзяржаўнага ўніверсітэта транспарту прайшла сустрэча Начальніка Беларускай чыгункі Уладзіміра Марозава з навучэнцамі. Дадзены візіт – працяг дыялогу паміж кіраўніцтвам БЧ і моладдзю профільных навучальных устаноў. Уладзімір Міхайлавіч азнаёміўся з матэрыяльнай базай каледжа, наведаў эксперыментальныя лабараторыі і навучальныя класы, яму прадставілі ўнікальную музейную кампазіцыю, якая ўключае экспанаты на ваенную тэматыку і выставу тэхнічнай творчасці. Таксама Начальнік беларускай магістралі пагутарыў з выкладчыкамі, даў пажаданне дзецям.
Традыцыйна падчас сустрэчы была арганізавана дыялогавая пляцоўка «Будучыня стальной магістралі залежыць ад нас». У адкрытай размове з навучэнцамі трэцяга і чацвёртага курсаў таксама прынялі ўдзел начальнік Гомельскага аддзялення Беларускай чыгункі Сяргей Ярашэвіч, начальнік службы арганізацыйна-кадравай работы Упраўлення БЧ Андрэй Кашко і выпускнікі каледжа розных гадоў – першы намеснік начальніка службы бухгалтарскага ўліку і метадалогіі – намеснік галоўнага бухгалтара чыгункі Тамара Макаранка, першы намеснік начальніка службы вагоннай гаспадаркі Аляксандр Дзінкевіч і намеснік начальніка службы лакаматыўнай гаспадаркі Упраўлення Беларускай чыгункі Андрэй Цімашэнка.
Чытаць далей… -
21 сакавіка 2024На Беларускай чыгунцы адбылося 4-е пасяджэнне Савета ветэранаў БЧ IX склікання4-е пасяджэнне Савета ветэранаў БЧ IX склікання прайшло 20 сакавіка 2024 года ва Упраўленні Беларускай чыгункі.
У пасяджэнні прынялі ўдзел намеснік Начальніка Беларускай чыгункі Пётр Стоцкі, намеснік старшыні Рэспубліканскага савета Беларускага грамадскага аб'яднання ветэранаў Юрый Дзядкоў, старшыня арганізацыі ветэранаў Беларускай чыгункі Сяргей Гогалеў, сакратар галіновага камітэта ГА «БРСМ» Беларускай чыгункі Павел Рандоўцаў, а таксама члены Савета ветэранаў БЧ, прадстаўнікі арганізацыі ветэранаў Беларускай чыгункі і старшыні каардынацыйных саветаў ГА «БРСМ» аддзяленняў чыгункі.
Удзельнікі сустрэчы падвялі вынікі дзейнасці Савета ветэранаў БЧ IX склікання ў 2023 годзе і вызначылі асноўныя задачы на 2024 год, унеслі змены ў склад Савета ветэранаў Беларускай чыгункі, а таксама выбралі дэлегатаў ад арганізацыі ветэранаў БЧ для ўдзелу ў канферэнцыі Беларускага грамадскага аб'яднання ветэранаў, прынялі Палажэнне аб арганізацыі ветэранаў Беларускай чыгункі ў новай рэдакцыі.
Выступаючы перад удзельнікамі пасяджэння, намеснік Начальніка Беларускай чыгункі Пётр Стоцкі выказаў словы шчырай падзякі ветэранам за вялікі ўклад у развіццё галіны, захаванне слаўных працоўных традыцый і патрыятычнае выхаванне моладзі.
Чытаць далей… -
21 сакавіка 20244 красавіка Беларуская чыгунка правядзе ў Мінску міжнародную канферэнцыю «2024. Чыгуначная лагістыка: актуальныя задачы развіцця»У мерапрыемстве плануецца ўдзел кіраўнікоў міжнародных транспартных арганізацый, чыгунак Беларусі, Расіі, Кітая, Казахстана, Азербайджана, Туркменістана, Кыргызстана, а таксама прадстаўнікоў міністэрстваў і канцэрнаў, найбуйнейшых грузаадправіцеляў Рэспублікі Беларусь, рэзідэнтаў Кітайска-Беларускага індустрыяльнага парку «Вялікі камень», лагістычных аператараў чыгуначнай «прасторы 1520», партоў і ўласнікаў рухомага саставу.
У ходзе канферэнцыі будуць разгледжаны найбольш актуальныя пытанні фарміравання чыгуначнай лагістыкі і канкурэнтаздольных лагістычных рашэнняў у сучасных умовах, у тым ліку з задзейнічаннем партоў, перспектывы развіцця і мадэрнізацыі транспартна-лагістычнай інфраструктуры, абмеркаваны транспартны і транзітны патэнцыял чыгунак і лагістычных кампаній, якія ўдзельнічаюць у арганізацыі перавозак грузаў па міжнародных транспартных калідорах «Поўнач – Поўдзень» і «Усход – Захад», а таксама ў рамках ініцыятывы «Адзін пояс, адзін шлях».
Чытаць далей… -
20 сакавіка 2024Напярэдадні вясенніх канікул Беларуская чыгунка ўзмацніла работу па прафілактыцы траўматызму сярод непаўналетніхУ рамках акцыі «Дзеці і бяспека» работнікі Упраўлення і Мінскага аддзялення Беларускай чыгункі сумесна з прадстаўнікамі органаў унутраных спраў 19 сакавіка 2024 года наведалі сярэднюю школу № 1 ім. В.Ф. Купрэвіча горада Смалявічы, дзе з навучэнцамі 5 і 9 класаў была праведзена гутарка, накіраваная на прафілактыку дзіцячага траўматызму і гібелі непаўналетніх на аб'ектах чыгуначнага транспарту. Перад школьнікамі выступілі першы намеснік начальніка службы аховы працы і прамысловай бяспекі Упраўлення Беларускай чыгункі Сяргей Пасуднеўскі, вядучы інжынер па ахове працы Мінскай дыстанцыі пуці Наталля Ахрамовіч і намеснік начальніка ўпраўлення грамадскай бяспекі на аб'ектах транспарту МУС падпалкоўнік міліцыі Віталь Якубоўскі. Яны пазнаёмілі дзяцей з асноўнымі правіламі паводзін на чыгунцы і адказалі на пытанні навучэнцаў.
Падчас сустрэчы дзецям прадэманстравалі тэматычныя ролікі і відэафільмы, раздалі памяткі і буклеты.
Акрамя таго, на прыпыначным пункце Зарэчнае чыгуначнікі сумесна з прадстаўнікамі праваахоўных органаў уручылі юным пасажырам прафілактычныя лістоўкі, у якіх даступнай мовай выкладзены правілы паводзін на аб'ектах чыгуначнага транспарту.
Чытаць далей… -
18 сакавіка 202425 сакавіка кіраўніцтва Беларускай чыгункі правядзе «прамую тэлефонную лінію»
У панядзелак, 25 сакавіка 2024 года, Беларуская чыгунка правядзе «прамую тэлефонную лінію» па тэме «Забеспячэнне аховы працы і прамысловай бяспекі на Беларускай чыгунцы, аздараўленне работнікаў Беларускай чыгункі».
Чытаць далей… -
18 сакавіка 2024Зборная каманда Беларускай чыгункі атрымала ўпэўненую перамогу ў 1-м этапе спартакіяды МінтрансаПершы этап рэспубліканскай спартакіяды сярод структурных падраздзяленняў і арганізацый Міністэрства транспарту і камунікацый Рэспублікі Беларусь прайшоў 15-17 сакавіка 2024 года на фізкультурна-аздараўленчай базе спартыўна-аздараўленчага комплексу «Зялёны бор» шматфункцыянальнага спартыўнага комплексу «Мінск-Арэна». Лепшыя атлеты транспартнай галіны нашай краіны спаборнічалі ў 6 відах спорту: валейболе, лёгкаатлетычным кросе, настольным тэнісе, шахматах, більярдзе і гіравым спорце.
Чытаць далей… -
18 сакавіка 2024Семінар па ахове працы прайшоў на Беларускай чыгунцы14 і 15 сакавіка 2024 года на Беларускай чыгунцы быў арганізаваны семінар, школа перадавога вопыту па ахове працы і папярэджанні траўміравання грамадзян, не звязаных з вытворчасцю.
Мерапрыемства прайшло на вакзале станцыі Мінск-Пасажырскі пад старшынствам галоўнага інжынера Беларускай чыгункі Сяргея Навадворскага. У семінары таксама прынялі ўдзел прадстаўнікі Міністэрства працы і сацыяльнай абароны і Міністэрства транспарту і камунікацый Рэспублікі Беларусь, прадстаўнікі двух найбуйнейшых дзяржаўных аб'яднанняў – «Белэнерга» і «Белпалівагаз», спецыялісты службы аховы працы і прамысловай бяспекі Упраўлення чыгункі, кіраўнікі прадпрыемстваў і структурных падраздзяленняў магістралі, адказныя за ахову працы, прадстаўнікі прафсаюзаў.
Акрамя таго, на семінар былі запрошаны калегі з Расійскай Федэрацыі – першы намеснік начальніка Дэпартамента экалогіі і тэхнасфернай бяспекі ААТ «РЖД» Васіль Сямёнавых, галоўны інжынер Маскоўскай чыгункі – філіяла ААТ «РЖД» Дзмітрый Шустаў, начальнік службы аховы працы і прамысловай бяспекі Кастрычніцкай чыгункі – філіяла ААТ «РЖД» Аляксандр Іваноў.
У ходзе семінара былі падведзены вынікі работы па ахове працы за 2023 год, вызначаны асноўныя напрамкі дзейнасці на 2024-ы.
Чытаць далей… -
13 сакавіка 2024Беларуская чыгунка напярэдадні вясновых школьных канікул правядзе акцыю «Дзеці і бяспека»З 13 па 22 сакавіка 2024 года напярэдадні вясновых школьных канікул БЧ традыцыйна правядзе комплекс мерапрыемстваў «Дзеці і бяспека». Іх асноўная мэта – прафілактыка няшчасных выпадкаў з удзелам непаўналетніх на аб'ектах чыгуначнага транспарту.
Падчас акцыі работнікі беларускай магістралі правядуць прафілактычныя гутаркі ў навучальных установах і на прадпрыемствах, размешчаных у непасрэднай блізкасці ад чыгункі.
Чытаць далей… -
13 сакавіка 2024На Беларускай чыгунцы вызначылі лаўрэатаў прэміі імя машыніста У. А. Яцкевіча па выніках работы за 2023 годЛаўрэатамі прэстыжнай прэміі па бяспецы руху цягнікоў на Беларускай чыгунцы па выніках работы за 2023 год сталі калектывы Віцебскага аддзялення чыгункі, станцыі Калій-3 Магілёўскага аддзялення, лакаматыўнага дэпо Гомель, прамывачна-прапарачнай станцыі Барбараў Гомельскага аддзялення, Брэсцкага вагоннага ўчастка, Аршанскай дыстанцыі пуці, Маладзечанскай дыстанцыі сігналізацыі і сувязі, Магілёўскай дыстанцыі электразабеспячэння, Віцебскгрузсэрвіс Віцебскага аддзялення, станцыі Жодзіна Мінскага аддзялення.
Прэмія таксама прысуджана калектывам колавага аддзялення № 61 участка па рамонце колава-каляжачнага абсталявання і механічнай апрацоўкі цэха па рамонце электрацягнікоў лакаматыўнага дэпо Баранавічы, колава-ролікавага ўчастка вагоннага дэпо Брэст, рэзерву праваднікоў Мінскага вагоннага ўчастка, пуцявой машыннай станцыі Брэст дзяржаўнага прадпрыемства «Рэмпуть Беларускай чыгункі», цэха № 20 лінейнага вытворчага ўчастка сістэм дыягностыкі рухомага саставу Магілёўскай дыстанцыі сігналізацыі і сувязі, раёна кантактнай сеткі станцыі Гродна Баранавіцкай дыстанцыі электразабеспячэння, пункта камерцыйнага агляду вагонаў станцыі Мінск-Сартавальны, аднаўленчага цягніка Полацк.
Чытаць далей… -
06 сакавіка 2024Пытанні арганізацыі грузавых і пасажырскіх перавозак абмеркавалі 5 сакавіка 2024 года кіраўнікі Беларускай і Кастрычніцкай чыгунакУ рамках візіту дэлегацыі Кастрычніцкай чыгункі-філіяла ААТ «РЖД» у Рэспубліку Беларусь 5 сакавіка 2024 года ў Мінску адбыліся перамовы Начальніка Беларускай чыгункі Уладзіміра Марозава і начальніка Кастрычніцкай чыгункі – філіяла ААТ «РЖД» Віктара Галамолзіна. Мерапрыемства прайшло ў Цэнтры кіравання перавозкамі БЧ.
У ходзе сустрэчы падведзены вынікі арганізацыі пасажырскіх і грузавых перавозак у 2023 годзе, абмеркаваны перспектыўныя напрамкі іх развіцця ў 2024 годзе, а таксама пытанні ўзаемадзеяння па мадэрнізацыі участкаў інфраструктуры і пропуску цягніка.
Як падкрэсліў Начальнік Беларускай чыгункі Уладзімір Марозаў, Беларуская і Кастрычніцкая чыгункі, аператыўна рэагуючы на змяненне транспартна-лагістычнага рынку, вызначылі і паспяхова рэалізуюць неабходныя мерапрыемствы па развіцці ўчасткаў чыгуначнай інфраструктуры ў напрамку партоў Паўночна-Заходняга рэгіёну Расійскай Федэрацыі.
На перамовах адзначана, што выпрацаваныя сумесныя рашэнні і ўзгодненасць дзеянняў дазволяць Беларускай і Кастрычніцкай чыгункам у 2024 годзе забяспечыць бесперабойную работу чыгуначнага транспарту для задавальнення ўзрастаючых патрэб нашых краін у перавозках грузаў і пасажыраў.
Чытаць далей… -
06 сакавіка 2024Дарагія жанчыны!Прыміце самыя шчырыя віншаванні з цудоўным вясновым святам – Днём жанчын!
Наш свет не можа існаваць без жаночай дабрыні, пяшчоты і ласкі. Менавіта з вамі звязаны вечныя каштоўнасці – цяпло сямейнага ачага, дзіцячы смех, душэўны спакой і ўтульнасць у доме. На сваіх кволых плячах вы трымаеце асноўны цяжар жыццёвых клопатаў і пры гэтым застаецеся самымі прыгожымі і чароўнымі.
У гэты святочны дзень мы, мужчыны, выказваем Вам вялікую ўдзячнасць за любоў і чуткасць, мудрасць і цярпенне, уменне ў самых складаных жыццёвых сітуацыях захоўваць стойкасць духу і вытрымку, усяляць надзею і аптымізм.
Дарагія працаўніцы Беларускай чыгункі! Валодаючы такімі якасцямі, як прафесіяналізм і адданасць службоваму абавязку, добрасумленнасць і адказнасць, шчырасць і пяшчота, вы выдатна спраўляецеся са сваімі абавязкамі на вытворчасці, павялічваеце слаўныя традыцыі калектыву беларускай магістралі, прыўносіце ў работу высокую культуру і гармонію.
Чытаць далей… -
05 сакавіка 2024Тэму генацыду беларускага народа ў гады Вялікай Айчыннай вайны абмеркавалі на БЧ4 сакавіка 2024 года ва Упраўленні Беларускай чыгункі адбылася сустрэча працоўнага калектыву з намеснікам начальніка Упраўлення па наглядзе за расследаваннем асабліва важных крымінальных спраў Генеральнай пракуратуры старшым саветнікам юстыцыі Сяргеем Шыкунцом. Ён падрабязна расказаў пра прычыны ўзбуджэння ў 2021 годзе крымінальнай справы аб генацыдзе беларускага народа ў гады Вялікай Айчыннай вайны. Амаль за тры гады расследавання Генпракуратура раскрыла новыя падрабязнасці гібелі мірнага насельніцтва, зверстваў і бясчынстваў нямецка-фашысцкіх захопнікаў на тэрыторыі нашай краіны. Акупацыя тэрыторыі БССР доўжылася 1133 дні. За гэты час было праведзена не менш за 187 карных аперацый. Поўнасцю або часткова знішчаны 12 287 населеных пунктаў. Загінуў кожны трэці беларус. У рамках крымінальнай справы было дапытана амаль 18 тыс. сведак, з якіх 8 тыс. – вязні канцлагераў. Адпрацоўка архіўных дадзеных працягваецца.
Таксама на сустрэчы размова ішла аб спробах патомкаў нацыстаў адрадзіць фашызм і перапісаць гісторыю нашай краіны. Як падкрэсліў прадстаўнік Генеральнай пракуратуры, сучасная моладзь, на жаль, мала ведае праўду аб Вялікай Айчыннай вайне і ёй лёгка навязаць дэструктыўныя ідэі. Падзеі 2020 года сталі яркім прыкладам гэтаму. Сягоння нашай галоўнай задачай з'яўляецца данесці гэтую праўду да кожнага, каб захаваць мір і згоду ў нашым грамадстве.
Чытаць далей… -
04 сакавіка 20241-3 сакавіка 2024 года адбыўся адкрыты чэмпіянат Беларускай чыгункі па лыжных гонкахУ мінулыя выхадныя адбыўся адкрыты чэмпіянат Беларускай чыгункі па лыжных гонках. Ён праходзіў у спартыўна-біятлонным комплексе «Сялец» у Навагрудскім раёне. У спаборніцтвах прынялі ўдзел каманды 6 аддзяленняў беларускай магістралі і Гомельскага вагонабудаўнічага завода.
Праграма спаборніцтваў уключала ў сябе асабістае першынство сярод мужчын і жанчын, а таксама камандную эстафету. З істотным адрывам лыжнікі Мінскага аддзялення занялі 1 агульнакаманднае месца. Другое агульнакаманднае месца ў прадстаўнікоў Магілёўскага аддзялення, трэцяе – у каманды Гомельскага аддзялення.
Чытаць далей… -
01 сакавіка 202428 лютага 2024 года адбылася сустрэча Начальніка Беларускай чыгункі Уладзіміра Марозава з навучэнцамі Аршанскага каледжа-філіяла БелДУТУ Аршанскім каледжы-філіяле Беларускага дзяржаўнага ўніверсітэта транспарту прайшла сустрэча Начальніка БЧ Уладзіміра Марозава з навучэнцамі і педагогамі. Уладзімір Міхайлавіч азнаёміўся з вучэбна-матэрыяльнай базай установы адукацыі, наведаў класы і лабараторыі, папрысутнічаў на ўроку па прадмеце «Тэхнічная эксплуатацыя чыгунак і бяспека руху».
У рамках сустрэчы была арганізавана дыялогавая пляцоўка з навучэнцамі трэцяга і чацвёртага курсаў, у якой прыняў удзел начальнік службы арганізацыйна-кадравай работы Упраўлення БЧ Андрэй Кашко, а таксама выпускнікі каледжа розных гадоў – галоўны эканаміст БЧ Віталь Жыгалаў, намеснік начальніка службы-начальнік Цэнтра кіравання перавозкамі службы перавозак Фёдар Шулянкоў, першы намеснік начальніка службы справаводства і кантролю выканання Юрый Лянчэўскі і галоўны энергадыспетчар дарожны – намеснік начальніка службы электрыфікацыі і электразабеспячэння Упраўлення Беларускай чыгункі Андрэй Грэзгуноў.
Чытаць далей…
