Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

Language
Чым Вам дапамагчы?

Карпаратыўныя навіны

Снежань

  • 29 снежня 2017
    Дарагія ветэраны і работнікі Беларускай чыгункі! Паважаныя пасажыры, грузаўладальнікі і партнёры!

    Прыміце самыя шчырыя і сардэчныя віншаванні з Новым годам і Калядамі!

    Гэтыя радасныя і светлыя святы — яркія сімвалы надзеі на лепшае, на тое, што ўсё добрае памножыцца, а самыя жаданыя планы і мары абавязкова ажыццявяцца!

    Мы праводзім асаблівы для роднай магістралі год — юбілейны. Азіраючыся на падзеі больш за паўтаравекавую даўнасць немагчыма не дзівіцца таму цуду, якое стварыла праца нашых папярэднікаў. Іх мары, упартасць і вера ў будучыню чыгункі дастойны павагі і пашаны.

    Цяперашняе пакаленне чыгуначнікаў годна працягвае слаўныя традыцыі галіны, галоўная з якіх — уменне шырока мысліць і паслядоўна ўвасабляць у жыццё самыя смелыя планы. І 2017 год стаў таму пацвярджэннем.

    З кожным годам мы расцем і развіваемся для пасажыраў, грузаўладальнікаў і нашых партнёраў, і на гэтым пуці развіцця мы не маем права спыняцца на дасягнутым. Толькі сумесная ўзгодненая праца, накіраваная на дасягненне агульнага выніку, прывядзе нас да поспеху ў вырашэнні пастаўленых перад намі задач.

    Чытаць далей…
  • 27 снежня 2017
    28 снежня Беларуская чыгунка праводзіць Адзіны дзень пасажыра

    Галоўнай мэтай мерапрыемства з'яўляецца вывучэнне меркавання спажыўцоў транспартных паслуг, забеспячэння зваротнай сувязі з пасажырамі.

    Мерапрыемства пройдзе на чыгуначных вакзалах у Мінску, Брэсце, Баранавічах, Гродне, Гомелі, Магілёве, Віцебску, Оршы з 14.00 да 17.00 гадзін.

    У правядзенні Адзінага дня пасажыра прымуць удзел кіраўнікі і спецыялісты Упраўлення і аддзяленняў дарогі, начальнікі станцый і вакзалаў.

    Чытаць далей…
  • 27 снежня 2017
    Відэанавіны Беларускай чыгункі, снежань 2017 (74 выпуск)

    Сёння ў выпуску:

    — Тарыфная палітыка і лагістычны патэнцыял. Буйныя гульцы расійскага рынку перавозак сустрэліся ў Пасольстве Беларусі ў Маскве на Круглым стале Беларускай чыгункі;

    — За заслугі — напярэдадні свята. Узнагароджанне перадавікоў магістралі і ветэранаў прайшло ў Мінску;

    Чытаць далей…
  • 26 снежня 2017
    155 гадоў — з песняй па шляху! 27 снежня на вакзалах Беларускай чыгункі адбудуцца канцэртныя праграмы для пасажыраў

    27 снежня ў рамках святкавання 155-годдзя Беларускай чыгункі на вакзалах абласных цэнтраў і буйных чыгуначных вузлоў пройдуць канцэрты. Для пасажыраў і гараджан выступяць творчыя калектывы культурна-спартыўных цэнтраў аддзяленняў беларускай магістралі.

    У Мінску на чыгуначным вакзале з 13.00 да 14.00 выступіць заслужаны аматарскі калектыў Рэспублікі Беларусь ансамбль беларускай песні «Церніца» Культурна-спартыўнага цэнтра Мінскага аддзялення.

    Чытаць далей…
  • 22 снежня 2017
    Рэспубліканскае вытворчае ўнітарнае прадпрыемства «Дарвадаканал» Беларускай чыгункі — уладальнік Ганаровай граматы Мінгарвыканкама

    За значны ўклад у сацыяльна-эканамічнае развіццё горада Мінска, шматлікія перамогі ў галіновых спаборніцтвах сярод арганізацый Беларускай чыгункі Рэспубліканскае вытворчае ўнітарнае прадпрыемства «Дарвадаканал» Беларускай чыгункі ўзнагароджана Ганаровай граматай Мінгарвыканкама.

    Чытаць далей…
  • 22 снежня 2017
    Ва Упраўленні Беларускай чыгункі адбылося ўзнагароджанне пераможцаў конкурсу на лепшае асвятленне дзейнасці Беларускай чыгункі ў сродках масавай інфармацыі ў 2017 годзе

    Конкурс заснаваны дзяржаўным аб'яднаннем «Беларуская чыгунка». На конкурс прадстаўляліся работы, якія выйшлі ў перыяд з 1 студзеня па 30 кастрычніка 2017 года.

    Чытаць далей…
  • 21 снежня 2017
    22 снежня цягнік «Навагодні экспрэс» адправіцца ў першы рэйс па Дзіцячай чыгунцы

    22 снежня ў 13.30 першы ў гэтым святочным сезоне цягнік, якім кіруюць юныя чыгуначнікі, адправіцца з перона станцыі Заслонава. Ён будзе курсіраваць па Дзіцячай чыгунцы ў дні зімовых канікул, калядных і навагодніх святаў з 22 снежня па 7 студзеня.

    22, 28 снежня і 1 студзеня цягнік будзе адпраўляцца са станцыі Заслонава ў 13.30, 15.00 і 16.30.

    23, 24, 25, 30 снежня і 6, 7 студзеня «Навагодні экспрэс» здзейсніць 5 рэйсаў: у 10.30, 12.00, 13.30, 15.00 і 16.30.

    27, 29 і 31 снежня пракаціцца на навагоднім цягніку можна будзе ў 10.30, 12.00 і з 13.30.

    Чытаць далей…
  • 20 снежня на вакзале станцыі Мінск-Пасажырскі ўпершыню выступіў Прэзідэнцкі аркестр і названы двухмільённы інтэрнэт-пасажыр
    20 снежня 2017
    20 снежня на вакзале станцыі Мінск-Пасажырскі ўпершыню выступіў Прэзідэнцкі аркестр і названы двухмільённы інтэрнэт-пасажыр

    Сумесны музычны праект Беларускай чыгункі і Прэзідэнцкага аркестра пад кіраўніцтвам заслужанага артыста Беларусі Віктара Бабарыкіна прайшоў на вакзале станцыі Мінск-Пасажырскі ў рамках мерапрыемстваў, прысвечаных 155-годдзю Беларускай чыгункі.

    У «музычнае падарожжа» з удзелам таленавітых музыкаў Прэзідэнцкага аркестра Рэспублікі Беларусь адправіліся пасажыры, госці, работнікі і ветэраны беларускай магістралі. На працягу гадзіны з 12.40 да 13.40 ў зале чакання на трэцім паверсе вакзала гучалі сусветныя хіты і нацыянальныя мелодыі розных краін.

    Прыемным сюрпрызам для ўсіх прысутных, і асабліва для чыгуначнікаў, было выкананне «Спадарожнай песні», якой адкрыўся канцэрт.

    Бо менавіта гэта песня была напісана пад уражаннем, якое зрабіла першая ў Расіі Царскасельская чыгунка на рускае грамадства першай паловы 19 стагоддзя і, асабліва, на двух яе вялікіх прадстаўнікоў — паэта Н. Кукальніка і кампазітара М. Глінку пасля некалькіх паездак па ёй.

    Чытаць далей…
  • 18 снежня 2017
    Сёння на Беларускай чыгунцы стартавала акцыя «Дзеці і бяспека»

    Напярэдадні і падчас зімовых школьных канікул з 18 снежня па 7 студзеня Беларуская чыгунка традыцыйна праводзіць комплекс мерапрыемстваў «Дзеці і бяспека». У гэтыя дні на ўсіх аддзяленнях Беларускай чыгункі асаблівую ўвагу нададуць папярэджанні дзіцячага траўматызму і гібелі непаўналетніх на аб'ектах чыгуначнага транспарту. Работнікі Беларускай чыгункі сумесна з членамі грамадскіх фарміраванняў, супрацоўнікамі органаў унутраных спраў правядуць рэйды па кантролі за перамяшчэннем дзяцей на аб'ектах чыгуначнага транспарту. У цэнтры ўвагі апынуцца дзеці і падлеткі, якія знаходзяцца без нагляду дарослых паблізу чыгуначных пуцей, на вакзалах, станцыях і ў цягніках. На вакзалах і ў цягніках будзе арганізавана дадатковае інфармаванне грамадзян аб мерах бяспекі пры знаходжанні на аб'ектах чыгуначнага транспарту.

    Чытаць далей…
  • 15 снежня 2017
    15 снежня са станцыі Мінск-Пасажырскі адправіцца першы Навагодні экспрэс да Дзеда Мароза

    Турыстычны цэнтр «Дартур» Беларускай чыгункі прапануе спецыяльны маршрут выхаднога дня.

    У госці да Дзеда Мароза навагодні цягнік, які складаецца з купэйных вагонаў, будзе курсіраваць з Мінска 15, 22 і 24 снежня, а таксама 2, 4 і 6 студзеня. Святочную атмасферу пасажыры адчуюць з першых хвілін — у вагона іх сустрэнуць дзяўчыны-праваднікі ў касцюмах Снягурак. Паездкі прапануюцца ў фармаце тураў выхаднога дня з выездам у пятніцу ўвечары, а рэйсы Навагодняга экспрэса 24 снежня, 2, 4 і 6 студзеня разлічаны на перыяд зімовых канікул у школьнікаў.

    Навагодні састаў будзе адпраўляцца ў маёнтак Дзеда Мароза са станцыі Мінск-Пасажырскі ў 21.50 і прыбываць у Брэст раніцай наступнага дня ў 07.40, адкуль турыстаў даставяць у Белавежскую пушчу на камфартабельных аўтобусах. У Нацыянальным парку госці правядуць цэлы дзень. Падарожнікаў чакае насычаная навагодняя экскурсійная праграма: яны наведаюць маёнтак беларускага Дзеда Мароза, убачаць домік Снягуркі, музей падарункаў «Скарбніца», чароўны калодзеж і ветраны млын, змогуць загадаць жаданне на Паляне Казак і атрымаць навагодні падарунак ад самога Дзеда Мароза. У праграму тура таксама ўваходзіць знаёмства з музеем прыроды Нацыянальнага парка «Белавежская пушча», шпацыр уздоўж вальераў з жывёламі і пачастунак блінамі з гарбатай на пушчанскіх травах. Таксама па пуці да Дзеда Мароза турыстам раскажуць пра гісторыю і развіццё Беларускай чыгункі. Назад у сталіцу з Брэста навагодні цягнік адправіцца ў 17.50 і прыбудзе ў Мінск у 22.35, у дарозе пасажыраў чакаюць конкурсы ад аніматараў. У тым ліку ў забаўляльнай праграме прадугледжаны віктарына і конкурс дзіцячых малюнкаў, прысвечаныя 155-годдзю Беларускай чыгункі, якое магістраль адзначае 27 снежня.

    Чытаць далей…
  • 14 снежня 2017
    Беларуская чыгунка далучылася да дабрачыннай акцыі «Нашы дзеці»

    14 снежня ў рамках акцыі «Нашы дзеці» кіраўніцтва Беларускай чыгункі і прафсаюзнага камітэта Упраўлення БЧ сустрэлася з навучэнцамі ўстановы адукацыі «Ждановіцкая спецыяльная агульнаадукацыйная школа-інтэрнат».

    У цяперашні час у школе-інтэрнаце навучаюцца 102 вучня ва ўзросце ад 4 да 18 гадоў з усіх рэгіёнаў Беларусі, у асноўным з малазабяспечаных сем'яў.

    Чыгуначнікі павіншавалі дзяцей з надыходзячым Новым годам, а Дзед Мароз і Снягурка ўручылі салодкія падарункі. Акрамя таго, Беларускай чыгункай была аказана спонсарская дапамога для ўмацавання матэрыяльна-тэхнічнай базы ўстановы. Таксама выхаванцам школы-інтэрната творчыя калектывы сталічнага Палаца культуры і спорту чыгуначнікаў падаравалі святочную культурную праграму. Перад рабятамі выступілі ўдзельнікі заслужаных аматарскіх калектываў Рэспублікі Беларусь ансамбля эстраднага танца «Гарэзныя агеньчыкі» і цыркавой студыі «Белая Русь», тэатра танца «Сімпатык», брэйк-данс каманды «Повэр Рэнджар».

    Удзел у навагодняй дабрачыннай акцыі «Нашы дзеці» для арганізацый Беларускай чыгункі ўжо стаў добрай традыцыяй. Штогод чыгуначнікі наведваюць падшэфныя ўстановы, аказваюць ім спонсарскую дапамогу, арганізоўваюць канцэртныя праграмы. У гэтым годзе навагодні дабрачынны марафон будзе працягвацца з 11 снежня 2017 года па 10 студзеня 2018 года.

    Чытаць далей…
  • 14 снежня 2017
    20 снежня на вакзале станцыі Мінск-Пасажырскі адбудзецца канцэрт Прэзідэнцкага аркестра

    Сумесны музычны праект Беларускай чыгункі і Прэзідэнцкага аркестра пад кіраўніцтвам заслужанага артыста Беларусі Віктара Бабарыкіна праводзіцца на вакзале станцыі Мінск-Пасажырскі ўпершыню і прымеркаваны да 155-годдзя Беларускай чыгункі.

    На працягу гадзіны з 12.40 да 13.40 у зале чакання на трэцім паверсе вакзала пасажыры, госці і жыхары сталіцы адправяцца ў музычнае падарожжа з удзелам таленавітых музыкантаў Прэзідэнцкага аркестра Рэспублікі Беларусь, дзе будуць гучаць сусветныя хіты і нацыянальныя мелодыі розных краін. Сімвалічна, што выступ калектыву праходзіць у год яго 15-годдзя.

    Сярод гледачоў на канцэрце таксама будуць прысутнічаць актывісты ГА «БРСМ», работнікі і ветэраны беларускай магістралі.

    Галоўным для Беларускай чыгункі заўсёды быў і застаецца пасажыр. Для павышэння якасці абслугоўвання пасажыраў штогод мадэрнізуюцца вакзальныя комплексы, укараняюцца сучасныя інфармацыйныя тэхналогіі, з кожным годам расце продаж білетаў праз Інтэрнэт.

    Чытаць далей…
  • 8 снежня 2017
    Відэанавіны Беларускай чыгункі, снежань 2017 (выпуск 73)

    Сёння ў выпуску:

    — Патэнцыял Беларускай чыгункі — на балтыйскім беразе. У Калінінградзе за Круглым сталом сустрэліся чыгуначнікі, грузаўладальнікі і экспедытары;

    — Новыя маршруты — з гэтай нядзелі. 10 снежня ўступае ў сілу новы графік руху цягнікоў;

    Чытаць далей…