Беларуская чыгунка ўдасканальвае сістэму продажу білетаў праз Інтэрнэт

02 чэрвеня 2016

БЧ пашырыла прымяненне паслугі па набыцці праязных дакументаў праз Інтэрнэт з выкарыстаннем графічнай схемы размяшчэння свабодных месцаў у вагонах.

Пры куплі білетаў праз Інтэрнэт адкрыты паказ схем вагонаў СВ, купэйных і плацкартных ў цягніках фармавання Беларускай чыгункі.

Дзякуючы пашырэнню опцыі, якая даступна карыстальнікам сайта poezd.rw.by, пасажыры могуць азнаёміцца з графічнымі схемамі вагонаў і самастойна выбраць месца на схеме.

Пры навядзенні курсора на свабоднае месца на схеме вагона на экране з'яўляюцца яго характарыстыкі, у тым ліку кошт, які можа адрознівацца ў залежнасці ад размяшчэння месцаў у вагоне. Напрыклад, пры праездзе ў плацкартных вагонах ў зносінахі Беларусь—Расія бакавыя месцы каштуюць танней.

Выкарыстоўваючы дадзеную опцыю, пасажыр мае магчымасць выбраць любое у падабанае яму вольнае месца — верхняе ці ніжняе, у пачатку ці ў цэнтры вагона.

Праца ў гэтым кірунку на Беларускай чыгунцы працягваецца. У далейшым прымяненне паслугі па куплі білетаў на сайце з выкарыстаннем графічнай схемы будзе пашырана для вагонаў з месцамі для сядзення і агульных вагонаў.

Акрамя таго, для зручнасці пошуку раскладу паміж станцыямі на сайце poezd.rw.by дададзена опцыя хуткага набору найбольш папулярных у пасажыраў станцый.

У бліжэйшы час у планах БЧ укараніць на сайце продаж білетаў ў паведамленні са станцыямі Заходняй Еўропы.

Нагадваем, што пасажыры Беларускай чыгункі могуць не толькі набыць праязныя дакументы праз Інтэрнэт, але і вярнуць іх на сайце poezd.rw.by, не звяртаючыся ў касу. На сённяшні дзень працуе 2 аплатныя сістэмы, праз якія можна выканаць анлайн-вяртанне грашовых сродкаў. Гэта ASSIST і «Інтэрнэт-банкінг» ААТ «АСБ Беларусбанк». Звяртаем увагу, што для заказаў, аплачаных праз сістэму «Разлік» (АРІП), вяртанне вырабляецца толькі ў білетнай касе Беларускай чыгункі.

Інфармацыя падрыхтавана прэс-цэнтрам БЧ