Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

БЕЛ
ENG

Беларуская чыгунка прапануе разнастайныя экскурсійныя праграмы па Беларусі на перыяд правядзення чэмпіянату свету па хакеі

08 мая 2014

Турыстычны цэнтр «Дартур» УП «Мінскае аддзяленне Беларускай чыгункі» распрацаваў разнастайныя экскурсійныя маршруты па месцах гістарычнага мінулага і сучасных дасягненняў Беларусі.

Для тых, хто хоча пазнаёміцца ​​з нашай сталіцай бліжэй, адчуць і палюбіць гасцінны горад-герой Мінск, убачыць прыгожыя праспекты і вуліцы, разнастайнасць архітэктурных ансамбляў, даведацца пра гісторыю і пазнаёміцца ​​з сiмваламі сучаснага Мінска, паглядзець на многае, што стварае аблічча сталіцы Беларусі, «Дартур» прапануе штодзённыя аўтобусныя экскурсіі «Мінск — сталіца Рэспублікі Беларусь». Экскурсіі арганізоўваюцца ад чыгуначнага вакзала. На перыяд правядзення чэмпіянату свету па хакеі прадугледжана таксама экскурсія і на англійскай мове. Варта адзначыць, што госці, якія прыбылі ў Мiнск на чэмпіянат, ужо змаглі скарыстацца гэтай экскурсіяй.

 

Таксама «Дартур» прапануе пазнаёміцца ​​з архітэктурнымі помнікамі Міра і Нясвіжа. Гэтая экскурсія пазнаёміць турыстаў з самымі каштоўнымі помнікамі Беларусі, уключанымі ЮНЕСКА ў Спіс сусветнай культурнай спадчыны — Мірскі замак і палацава-паркавы комплекс у Нясвіжы. Пабываць у адным з найбольш наведвальных музеяў Беларусі — Дудутках і здзейсніць дзіўнае падарожжа ў мінулае з дэгустацыяй нацыянальных напояў, катаннем на кані і іншымі забаўкамі.

Таксама прадугледжаны экскурсіі ў мемарыяльныя комплексы «Хатынь», «Курган Славы», «Лінія Сталіна», у Брэсцкую крэпасць- герой .

Экскурсійныя паслугі прапануюцца як індывідуальным турыстам, так і арганізаваным групам.

Фарміраванне груп і папярэдні запіс на экскурсіі праводзіцца на 1-м паверсе вакзала станцыі Мінск-Пасажырскі ў офісе турыстычнага цэнтра «Дартур» або па тэл.: (+375 17) 225 16 36, 225 40 72, 225 14 60.

 

Інфармацыя падрыхтавана прэс-цэнтрам БЧ

Да спісу навін за 2014 год