.png)
На Беларускай чыгунцы падведзены вынікі агляду-конкурсу на лепшую добраахвотную дружыну, лепшага камандзіра дружыны і лепшага дружынніка
13 лютага 2014
У намінацыі «Лепшая добраахвотная дружына» перамога была прысуджана дружыне Мінскай дыстанцыі грамадзянскіх збудаванняў УП «Мінскае аддзяленне Беларускай чыгункі». Камандзір гэтай дружыны Людміла Саковіч была прызнана і лепшым камандзірам добраахвотнай дружыны Беларускай чыгункі. У намінацыі «Лепшы дружыннік» пераможцамі сталі 12 чыгуначнікаў — па два ад кожнага аддзялення чыгункі.
У цяперашні час дружыны створаны ў 136 арганізацыях Беларускай чыгункі, агульная колькасць дружыннікаў складае 1046 чалавек. У сярэднім па рэспубліцы на дзяжурства на магістралі кожныя суткі выходзіць 89 чалавек. Яны патрулююць станцыі, вакзалы, суправаджаюць прыгарадныя цягнікі. У мінулым годзе з іх дапамогай было затрымана 4458 правапарушальнікаў .
Інфармацыя падрыхтавана прэс-цэнтрам БЧ
Да спісу навін за 2014 год
