.png)
Карпаратыўныя навіны
Люты
-
28 лютага 2014Беларускую чыгунку наведае дэлегацыя Міністэрства дарог і транспарту Манголіі
3—5 сакавіка з афіцыйным візітам у Беларусі будзе знаходзіцца дэлегацыя Міністэрства дарог і транспарту Манголіі на чале з міністрам А. Гансухам.
У час знаходжання дэлегацыя з Манголіі азнаёміцца з аб'ектамі інфраструктуры Мінскага і Баранавіцкага чыгуначных вузлоў.
Акрамя таго, для прадстаўнікоў Міністэрства дарог і транспарту Манголіі будуць праведзены прэзентацыі па тэмах «Новы фармат пасажырскіх перавозак», «Грузавыя перавозкі, уключаючы еўра-азіяцкія маршруты. Праект ТЛЦ «Аульс», «Інвестыцыйная палітыка» і інш.
Чытаць далей… -
26 лютага 2014Перагаворы кіраўнікоў Беларускай і Літоўскай чыгунак пройдуць у Мінску 27—28 лютага
У ходзе перагавораў будуць разгледжаны актуальныя пытанні двухбаковага супрацоўніцтва чыгуначных адміністрацый Беларусі і Літвы. У тым ліку аб выніках работы па перавозках грузаў і пасажыраў у 2013 годзе і перспектывы іх развіцця ў гэтым годзе; пытанні арганізацыі пропуску вагонапатокаў па міждзяржаўных стыкавых пунктах Беларускай і Літоўскай чыгунак; ход рэалізацыі мерапрыемстваў па арганізацыі хуткасных пасажырскiх зносін паміж Мінскам і Вільнюсам і электрыфікацыі напрамкаў Маладзечна—Гудагай—Дзяржмяжа—Кяна—Н. Вільня.
Па выніках перамоў па гэтых і іншых пытаннях будзе падпісаны пратакол. У ходзе візіту літоўская дэлегацыя таксама наведае аб'екты інфраструктуры Мінскага і Баранавіцкага чыгуначнага вузла.
АТ «Літоўскія чыгункі» з'яўляюцца найважнейшым партнёрам Беларускай чыгункі ў ажыццяўленні міжнародных перавозак грузаў.
Чытаць далей… -
26 лютага 2014Беларуская чыгунка ў 2014 годзе правядзе комплекс мерапрыемстваў па паляпшэнню ўмоў і аховы працы
Усяго на рэалізацыю комплексу мерапрыемстваў па ахове працы ў 2014 годзе плануецца накіраваць больш за 11 мільярдаў рублёў. Асаблівая ўвага будзе надавацца прававому забеспячэнню аховы працы. Прадугледжана правядзенне семінараў-нарад з удзелам кіраўнікоў і спецыялістаў па ахове працы, навучанне і праверка ведаў, а таксама правядзенне аналізу стану ўмоў і аховы працы.
Беларуская чыгунка ўдзялiць увагу тэхнічнаму забеспячэнню аховы працы. Працягнецца работа па ўстаноўцы сістэм відэаназірання, набыцці і ўкараненні на аб'ектах чыгуначнага транспарту сродкаў малой механізацыі, набыцці электраахоўных, мантажных прыстасаванняў і сродкаў, уключаючы сучасныя ахоўныя сродкі.
Чытаць далей… -
25 лютага 2014Беларуская чыгунка аб'яўляе аб правядзенні конкурсу на лепшае асвятленне дзейнасці магістралі ў сродках масавай інфармацыі ў 2014 годзе
Галоўнай мэтай конкурсу з'яўляецца інфармаванне грамадскасці аб ролі Беларускай чыгункі ў сацыяльна-эканамічным развіцці краіны.
У конкурсе могуць прымаць удзел рэдакцыі сродкаў масавай інфармацыі, афіцыйна зарэгістраваныя ў Міністэрстве інфармацыі Рэспублікі Беларусь, найбольш папулярныя Інтэрнэт-рэсурсы. Таксама яго ўдзельнікамі могуць быць і прадстаўнікі СМІ.
Важныя задачы, якія ставіць перад сабой Беларуская чыгунка як арганізатар конкурсу — выявіць і падтрымаць таленавітых журналістаў, якія пішуць на тэму чыгуначнага транспарту, садзейнічаць павышэнню іх прафесійнага майстэрства.
Чытаць далей… -
24 лютага 2014Беларуская чыгунка развівае чыгуначны турызм
Турыстычны цэнтр «Дартур» УП «Мінскае аддзяленне Беларускай чыгункі» распрацаваў экскурсійныя туры з выкарыстаннем чыгуначнага транспарту. Экскурсійныя туры распрацаваны ў тым ліку з улікам абвешчанага ў 2014 годзе ў краіне Года гасціннасці, а таксама мерапрыемстваў чэмпіянату свету па хакеі, святкавання 70-й гадавіны вызвалення Рэспублікі Беларусь ад нямецка-фашысцкіх захопнікаў і іншых міжнародных акцый, уключаючы чыгуначныя.
Чытаць далей… -
24 лютага 2014Арганізацыям Беларускай чыгункі прысуджаны Прэміі Ўрада ў галіне якасці 2013
Рашэнне камісіі па прысуджэнні прэмій было зацверджана пастановай Савета Міністраў ад 19 лютага 2014 № 150. Паводле гэтага дакумента, усяго Прэміі Ўрада Беларусі за ўкараненне высокаэфектыўных метадаў кіравання якасцю і забеспячэнне на гэтай аснове выпуску канкурэнтаздольнай прадукцыі (забеспячэнне паслуг, выкананне работ) прысуджаны 13 прадпрыемствам, сярод якіх адасобленае структурнае падраздзяленне лакаматыўнае дэпо Мінск унітарнага прадпрыемства «Мінскае аддзяленне Беларускай чыгункі».
Акрамя таго, прысуджаны званні дыпламантаў конкурсу на суісканне Прэміі Ўрада Беларусі за дасягненні ў галіне якасці 2013 адасобленаму структурнаму падраздзяленню Баранавіцкае вагоннае дэпо унітарнага прадпрыемства «Баранавіцкае аддзяленне Беларускай чыгункі».
Чытаць далей… -
21 лютага 2014Паважаныя чыгуначнікі, дарагія ветэраны вайны і працы!
Паважаныя чыгуначнікі, дарагія ветэраны вайны і працы!
Сардэчна віншуем Вас з Днём абаронцаў Айчыны і Ўзброеных Сіл Рэспублікі Беларусь!
Гэтае свята азначае даніну глыбокай павагі да нашай гераічнай гісторыі, лепшым традыцыям патрыятызму і з'яўляецца прызнаннем заслуг абаронцаў Айчыны ўсіх пакаленняў.
Сімвалічна, што свята ваенных людзей, ветэранаў мінулых войнаў стала святочным днём і для людзей грамадзянскіх - усіх, хто адчувае адказнасць за будучыню сваёй краіны незалежна ад прафесіі.
Абарона сваёй Радзімы - доля духоўна моцных і мужных людзей, сапраўдных мужчын. Чыгуначнікі заўсёды былі і застаюцца надзейнай апорай абараназдольнасці дзяржавы .
Сваëй мірнай стваральнай працай і высокай адказнасцю за дабрабыт сям'і, дзяцей, спакой роднай хаты вы ўносіце вялікі ўклад у забеспячэнне нацыянальных інтарэсаў Беларусі, яе развіццё і росквіт.
Чытаць далей… -
20 лютага 2014Начальнік Беларускай чыгункі ўзнагародзіў работнікаў гаспадаркі сігналізацыі і сувязі
Сёння на базе Жлобінскай дыстанцыі пуцi РУП «Гомельскае аддзяленне Беларускай чыгункі» адбылася ўрачыстая цырымонія ўзнагароджання работнікаў гаспадаркі сігналізацыі і сувязі галіновымі ўзнагародамі Беларускай чыгункі.
Пры правядзенні электрыфікацыі кіраўніцтвам Беларускай чыгункі была пастаўлена задача прыняць усе меры, каб адаптаваць дзеючыя ўстройствы СЦБ (сігналізацыя, цэнтралізацыя, блакіроўка) да работы ва ўмовах электрацягi пераменнага току. І гэтая задача спецыялістамі і кіраўнікамі Магілёўскага і Гомельскага аддзяленняў, Асіповіцкай і Жлобінскай дыстанцый сігналізацыі і сувязі, службы сігналізацыі і сувязі была выканана ў тэрмін.
Чытаць далей… -
17 лютага 2014Зборная каманда Беларускай чыгункі атрымала перамогу ў I этапе галіновай рэспубліканскай спартакіяды сярод структурных падраздзяленняў і арганізацый Міністэрства транспарту і камунікацый Рэспублікі Беларусь
Спартакіяда адбылася 14—16 лютага на базе САК «Зялёны бор» (Мінскі раён). Прадстаўнікі транспартнай галіны спаборнічалі ў такіх відах спорту, як лыжныя гонкі, більярд, шахматы, валейбол, настольны тэніс, гіравы спорт.
Каманда Беларускай чыгункі заняла першыя месцы ў 5 з 6 відаў спорту (валейбол — 2-е месца), апярэдзіўшы па суме ачкоў больш чым у два разы сярэбранага прызёра спартакіяды — каманду холдынгу «Белаўтадар». На 3-м месцы — каманда дэпартамента па авіяцыі.
Чытаць далей… -
13 лютага 2014На Беларускай чыгунцы падведзены вынікі агляду-конкурсу на лепшую добраахвотную дружыну, лепшага камандзіра дружыны і лепшага дружынніка
У намінацыі «Лепшая добраахвотная дружына» перамога была прысуджана дружыне Мінскай дыстанцыі грамадзянскіх збудаванняў УП «Мінскае аддзяленне Беларускай чыгункі». Камандзір гэтай дружыны Людміла Саковіч была прызнана і лепшым камандзірам добраахвотнай дружыны Беларускай чыгункі. У намінацыі «Лепшы дружыннік» пераможцамі сталі 12 чыгуначнікаў — па два ад кожнага аддзялення чыгункі.
Чытаць далей… -
12 лютага 2014Карпаратыўны сайт Беларускай чыгункі стаў даступны на англійскай мове
Беларуская чыгунка працягвае работу па ўдасканаленні карпаратыўнага Інтэрнэт-сайта. Для зручнасці карыстальнікаў ўкараняецца яго англамоўная версія www.rw.by/en. У лютым на англійскай мове сталі даступныя такія раздзелы сайта, як «Паслугі пасажырам» (Passenger Services), «Грузавыя перавозкі» (Freight), «Карпаратыўны» (Corporate), а таксама «Расклад цягнікоў гарадскіх ліній і рэгіянальных ліній эканом-класа» (Timetable).
Чытаць далей… -
12 лютага 2014Беларусь і Польшча развіваюць чыгуначнае супрацоўніцтва
12 лютага ў Варшаве пройдуць перамовы па пытаннях арганізацыі двухбаковага супрацоўніцтва кіраўнікоў чыгуначнай інфраструктуры Беларускай і Польскіх чыгунак.
Кіраўніцтва Беларускай чыгункі і АТ ПКП «Польскія чыгуначныя лініі» абмяркуюць актуальныя пытанні па эксплуатацыі, зместу чыгуначнай інфраструктуры і доступу да яе для арганізацыі перавозак праз беларуска-польскую мяжу.
Чытаць далей… -
10 лютага 2014Беларуская чыгунка ўвайшла ў склад Балтыйскага савета па прыгранічным супрацоўніцтве чыгунак
Нагадае, 6 лютага ў Санкт-Пецярбургу прайшло першае пасяджэнне Балтыйскага савета па прыгранічным супрацоўніцтве чыгунак.
У першым пасяджэнні савета прынялі ўдзел Кастрычніцкая чыгунка — філіял ААТ «РЖД» у асобе начальніка чыгункі Віктара Сцëпава; дзяржаўнае аб'яднанне «Беларуская чыгунка» у асобе намесніка начальніка Ўладзіміра Балахонава ; дзяржаўнае акцыянернае таварыства «Латвійская чыгунка» у асобе старшыні праўлення Ўгіса Магонiса; акцыянернае таварыства «Літоўскія чыгункі» ў асобе намесніка генеральнага дырэктара Альбертаса Шыменаса; канцэрн VR Group «Чыгункі Фінляндыі» у асобе прэзідэнта Мікаэла Аро; акцыянернае таварыства «Эстонская чыгунка» у асобе старшыні праўлення — генеральнага дырэктара Ахці Асманна; Калінінградская чыгунка — філіяла ААТ «РЖД» у асобе начальніка магістралі Сяргея Каламейца.
Чытаць далей… -
06 лютага 2014Сталовая лакаматыўнага дэпо Баранавічы прызнана лепшай вытворчай сталовай Беларускай чыгункі 2013 года
Беларуская чыгунка падвяла вынікі агляду-конкурсу на лепшую вытворчую сталовую ў 2013 годзе.
Пераможцам прызнана сталовая лакаматыўнага дэпо Баранавічы. Другое месца заняла сталовая лакаматыўнага дэпо Віцебск, трэцяе месца – сталовая Гомельскага навучальнага цэнтра па падрыхтоўцы, перападрыхтоўцы і павышэнні кваліфікацыі кадраў Гомельскага аддзялення Беларускай чыгункі. Усяго ў конкурсе прынялі ўдзел 28 вытворчых сталовых Беларускай чыгункі.
Сталовая лакаматыўнага дэпо Баранавічы разлічана на 120 пасадкавых месцаў. Яе агульная плошча складае 754 м2, а магутнасці дазваляюць забяспечыць паўнавартасным гарачым харчаваннем як працаўнікоў лакаматыўнага дэпо Баранавічы (уключаючы дастаўку абедаў у тэрмакантэйнерах у хаты адпачынку лакаматыўных брыгад), так і іншых найблізкіх прадпрыемстваў Беларускай чыгункі, якія не маюць уласных аб'ектаў харчавання. Сталовая таксама забяспечвае паўнавартаснымі абедамі ў тэрмакантэйнерах працаўнікоў, занятых на рамонце пуці падчас "вокнаў" і ў выпадку ліквідацыі наступстваў надзвычайных сітуацый.
Чытаць далей… -
05 лютага 2014Беларуская чыгунка прадставіць свой транзітны патэнцыял у рамках правядзення круглых сталоў
Беларуская чыгунка прыме ўдзел у мерапрыемствах па прыцягненні транзітнага патэнцыялу. Так, з 20 па 22 мая ў г. Астане (Казахстан) Беларускай чыгункай будзе арганізаваны круглы стол «Транзітны патэнцыял Рэспублікі Беларусь у забеспячэнні перавозак казахстанскіх замежнагандлёвых грузаў». А ў лістападзе круглы стол «Транзітны патэнцыял Рэспублікі Беларусь у забеспячэнні перавозак расійскіх замежнагандлёвых грузаў» пройдзе ў Маскве.
У мерапрыемствах прымуць удзел грузаўладальнікі Расіі і Казахстана, прадстаўнікі кампаній-аператараў рухомага састава, партнёры Беларускай чыгункі.
Беларусь з'яўляецца своеасаблівым мастом, па якім грузы па найкароткім шляху могуць перасоўвацца паміж краінамі Цэнтральнай Еўропы і Азіяцка-Ціхаакіянскага рэгіёна, Паўднёвай Еўропы, Блізкага Ўсходу і краінамі Балтыйскага мора. Выгаднае геаграфічнае становішча стымулюе развіццё транспартнага сектара, і у першую чаргу транзітнага патэнцыялу. Таму адна з галоўных задач Беларускай чыгункі — максімальна эфектыўна задзейнічаць гэты патэнцыял, у тым ліку выкарыстоўваючы такія формы работы з кліентамі, як арганізацыя і правядзенне круглых сталоў.
Чытаць далей… -
04 лютага 2014Беларуская чыгунка прыме ўдзел у рабоце першага паседжання Балтыйскага савета па прымежным супрацоўніцтве чыгунак
6 лютага ў Санкт-Пецярбургу пройдзе першае паседжанне Балтыйскага савета па прымежным супрацоўніцтве чыгунак.
Дэлегацыю Беларускай чыгункі ўзначаліць намеснік Начальніка чыгункі Ўладзімір Балахонаў.
На паседжанні Балтыйскага савета будзе разгледжана каля пяці пытанняў. Сярод асноўных — зацвярджэнне Палажэння аб Балтыйским савеце па прымежным супрацоўніцтве чыгунак, аб накірунках працы на 2014 год.
Праца Балтыйскага савета будзе ажыццяўляцца ў рамках Савета па чыгуначным транспарце.
Чытаць далей… -
03 лютага 2014Беларуская чыгунка прыме актыўны ўдзел у падрыхтоўцы да «Дажынак-2014»
Беларуская чыгунка будзе ўдзельнічаць у падрыхтоўцы да правядзення рэспубліканскага фэсту-кірмашу працаўнікоў сяла «Дажынкi-2014», які пройдзе ў верасні ў Гарадцы і Гарадокскім раёне Віцебскай вобласці.
У мэтах падрыхтоўкі аб'ектаў Беларускай чыгункі да фэсту-кірмашу плануецца выканаць работы па рэалізацыі праэкта «Рэканструкцыя станцыйных будынкаў і збудаванняў станцыі Гарадок».
Абноўленай сустрэне ўдзельнікаў «Дажынак» інфраструктура беларускай магістралі станцыі Гарадок. У ліку прадугледжаных мерапрыемстваў — работы па рэканструкцыі пасажырскага будынка станцыі, паста ЭЦ і кацельні. У пасажырскім будынку будуць усталяваны інфармацыйнае табло з адлюстраваннемінфармацыі аб прыбыццi і адпраўленні цягнікоў, аплатна-даведкавы тэрмінал. Асаблівую ўвагу Беларуская чыгунка надасць добраўпарадкаванню тэрыторыі станцыі — на платформах усталююць дэкаратыўныя свяцільні, прадугледжана прылада сістэмы відэаназірання. Будзе выкананы рамонт пераезда і пешаходнага пераходу з ужываннем насцілу з гумовых пліт.
Чытаць далей…
