З 1 мая ў цягніках рэгіянальных ліній эканомкласа для пенсіянераў па ўзросце прадугледжана 50%- ная скідка на праезд

12 красавіка 2023

Штогод у перыяд сезонных сельскагаспадарчых работ, з 1 мая па 31 кастрычніка, грамадзяне, якія дасягнулі агульнаўстаноўленага пенсійнага ўзросту, маюць права на скідку 50% ад кошту праезду ў цягніках рэгіянальных ліній эканомкласа. Гэта прадугледжана Указам Прэзідэнта Рэспублікі Беларусь ад 29 красавіка 2011 года № 176 «Аб дзяржаўнай падтрымцы пенсіянераў» (у рэдакцыі ад 6 ліпеня 2020 года).

У адпаведнасці з нормамі Указа права на скідку пры куплі праязнога дакумента (білета) прадастаўляецца на падставе прад'яўлення арыгінала пенсійнага пасведчання.

Акрамя таго, арыгінал пенсійнага пасведчання ў абавязковым парадку неабходна мець пры сабе пры праездзе ў цягніках рэгіянальных ліній эканомкласа.

Звяртаем увагу, што прадастаўленне гэтай ільготы не прадугледжваецца пры праездзе ў цягніках рэгіянальных ліній бізнес-класа і міжрэгіянальных ліній (з нумараванымі месцамі), а таксама пры праездзе ў цягніках гарадскіх ліній.

Ільготныя праязныя дакументы пенсіянеры па ўзросце могуць аформіць у білетных касах, а таксама на сайце pass.rw.by, з дапамогай мабільнага дадатку «БЧ. Мой поезд» і праз тэрміналы самаабслугоўвання.

Інфармацыя падрыхтавана прэс-цэнтрам БЧ