.png)
Чэмпіянат Міжнароднага спартыўнага саюза чыгуначнікаў (USIC) па спартыўным арыентаванні стартаваў на тэрыторыі ландшафтнага заказніка «Прыбужскае Палессе»
24 верасня 2019
23 верасня адбылося ўрачыстае адкрыццё міжнароднага спартыўнага форуму. Удзельнікі чэмпіянату з 9 краін прыбылі на базу адпачынку «Белае возера» Брэсцкага аддзялення Беларускай чыгункі. База «Белае возера» размяшчаецца ў унікальным месцы – на беларускай частцы міжнароднага трансгранічнага біясфернага рэзервата «Заходняе Палессе» на стыку межаў Беларусі, Польшчы і Украіны – гэта адзіная ў свеце трохбаковая ахоўная тэрыторыя (на раўніннай мясцовасці).
Падчас цырымоніі адкрыцця з прывітальным словам да спартсменаў-чыгуначнікаў звярнуліся намеснік Начальніка Беларускай чыгункі Пётр Стоцкі, прэзідэнт Міжнароднага спартыўнага саюза чыгуначнікаў Дамінік Паже, старшыня Брэсцкага раённага выканаўчага камітэта Уладзімір Сянчук і алімпійская чэмпіёнка Юлія Несцярэнка.
У чэмпіянаце прымаюць удзел 9 каманд, якія прадстаўляюць чыгуначныя адміністрацыі з Беларусі, Бельгіі, Балгарыі, Вялікабрытаніі, Даніі, Нарвегіі, Чэхіі, Польшчы і Швейцарыі.
24 верасня чыгуначнікі паспаборнічаюць у спрынце, 25 верасня пройдуць забегі на сярэдняй дыстанцыі, а завяршальным этапам чэмпіянату па спартыўным арыентаванні стане эстафета 26 верасня.
Ацэньваюць узровень аматарскіх каманд кваліфікаваныя суддзі міжнароднай катэгорыі Беларускай федэрацыі арыентавання.
Даведачна:
Міжнародны спартыўны саюз чыгуначнікаў створаны ў 1946 годзе. Галоўнай мэтай яго стварэння было імкненне да развіцця сяброўскіх сувязяў паміж чыгуначнікамі розных краін. У сапраўдны момант членамі МССЧ з'яўляюцца спартыўныя арганізацыі чыгуначнікаў 21 краіны Еўропы і Азіі.
Спартыўныя спаборніцтвы, якія праводзяцца пад эгідай МССЧ, маюць вялікую гісторыю і займаюць значнае месца ў міжнародным спартыўным руху. У цяперашні час чэмпіянаты Міжнароднага спартыўнага саюза чыгуначнікаў праводзяцца больш як па 20 відах спорту.
У 2000 годзе Беларуская чыгунка стала паўнапраўным членам Міжнароднага спартыўнага саюза чыгуначнікаў. З гэтага моманту зборныя каманды беларускай магістралі ў рамках USIC паспяхова ўдзельнічалі і неаднаразова займалі прызавыя месцы ў спартыўных спаборніцтвах па футболе, міні-футболе, валейболе, настольным тэнісе.
Інфармацыя падрыхтавана прэс-цэнтрам БЧ
