Памятаем! Шануем! Ганарымся! На Беларускай чыгунцы стартавала акцыя па закладцы алей Памяці, прысвечаная ветэранам Вялікай Айчыннай вайны – былым работнікам стальной магістралі

23 красавіка 2024

Акцыя па закладцы алей Памяці, прысвечаная ветэранам Вялікай Айчыннай вайны, стартавала 19 красавіка 2024 года на найбуйнейшых чыгуначных вузлах БЧ – Аршанскім і Калінкавіцкім.

У мерапрыемстве прынялі ўдзел працоўныя калектывы беларускай магістралі, ветэраны працы і актывісты ГА «БРСМ».

У Оршы месца для алеі з клёнаў і рабін было выбрана невыпадкова. Дрэвы былі высаджаны каля адміністрацыйнага будынка лінейнага цэнтра транспартнага абслугоўвання «Орша» па вуліцы Памежнай. У 200 метрах ад яго знаходзіцца пахаванне амаль 5 тысяч расстраляных у гады вайны савецкіх ваеннапалонных. У Калінкавічах работнікі магістралі высадзілі 80 ліп каля памятнага знака партызанам і членам падпольнай камсамольскай арганізацыі «Смугнар».

У рамках мерапрыемстваў па падрыхтоўцы і правядзенні святкавання на Беларускай чыгунцы 80-й гадавіны вызвалення Рэспублікі Беларусь ад нямецка-фашысцкіх захопнікаў і перамогі савецкага народа ў Вялікай Айчыннай вайне ў 2024 годзе запланавана закладка алей Памяці на 19 найбуйнейшых чыгуначных вузлах. Сімвалічна, што агульная колькасць саджанцаў складзе 1520, што адпавядае шырыні каляі стальной магістралі, якая аб'ядноўвае многія пакаленні работнікаў Беларускай чыгункі.

Беларускія чыгуначнікі свята шануюць і захоўваюць памяць аб працоўным і ратным подзвігу савецкага народа ў гады Вялікай Айчыннай вайны. Сёння перад намі стаіць галоўная задача – перадаць будучым пакаленням праўду аб мужнасці і самаахвярным служэнні Радзіме нашых дзядоў і прадзедаў. Мы павінны памятаць гісторыю і не дапусціць падобнага кровапраліцця зноў.

Інфармацыя падрыхтавана прэс-цэнтрам БЧ