Білборды з інфармацыяй па прафілактыцы невытворчага траўматызму на аб'ектах чыгуначнага транспарту з'явіліся ў Мінску

01 чэрвеня 2020

У мэтах прафілактыкі і папярэджання выпадкаў невытворчага траўматызму, павышэння культуры паводзін грамадзян на аб'ектах чыгуначнага транспарту Беларуская чыгунка сумесна з Міністэрствам транспарту і камунікацый Рэспублікі Беларусь арганізавалі размяшчэнне 34 тэматычных інфармацыйных плакатаў на білбордах у гарадах: Мінску, Брэсце, Віцебску, Гомелі, Гродна, Магілёве, Орша і Баранавічах.

Пяць першых канструкцый з прафілактычнай інфармацыяй ужо з'явіліся ў Мінску. Яны размешчаны ў месцах масавага збору людзей і паблізу чыгуначнага вакзала: на скрыжаванні вуліц Ульянаўская–Энгельса, Валадзько–Аэрадромная, Куйбышава–В.Харужай, а таксама на вуліцах Маскоўскай (з'езд на вул. Суражская) і Бабруйскай.

БЧ надае вялікую ўвагу прафілактыцы невытворчага траўматызму на аб'ектах чыгуначнага транспарту. Рэгулярна арганізуюцца прафілактычныя акцыі, падчас якіх праводзяцца рэйды, тэматычныя гутаркі ва ўстановах адукацыі і на прадпрыемствах, вырабляюцца і распаўсюджваюцца анімацыйныя ролікі і відэафільмы, лістоўкі, плакаты і памяткі.

Нягледзячы на меры, з пачатку года на чыгуначным транспарце адбылося 36 выпадкаў невытворчага траўматызму, што адпавядае ўзроўню мінулага года. Пацярпела 36 чалавек (2 з іх – непаўналетнія): загінула 25 грамадзян і 11 траўміравана. Парадку 39% пацярпелых знаходзіліся на аб'ектах чыгуначнага транспарту ў стане алкагольнага ап'янення.

Асноўнымі прычынамі няшчасных выпадкаў па-ранейшаму застаюцца ігнараванне грамадзянамі элементарных мер бяспекі. У прыватнасці, знаходжанне ў зоне падвышанай небяспекі ў стане алкагольнага ап'янення, размовы па мабільным тэлефоне і праслухоўванне музыкі ў навушніках падчас перасячэння чыгуначных пуцей, парушэнне вадзіцелямі правілаў дарожнага руху пры перасячэнні чыгуначных пераездаў і г.д.

БЧ нагадвае, што чыгунка – гэта крыніца падвышанай небяспекі і заклікае грамадзян быць больш уважлівымі на аб'ектах чыгуначнага транспарту.

Інфармацыя падрыхтавана прэс-цэнтрам БЧ