Фестываль народнай творчасці «Салют, Перамога!» Прайшоў на Беларускай чыгунцы ў рамках святкавання 70-годдзя вызвалення Беларусі

01 ліпеня 2014

Ганаровымі гасцямі фестывалю сталі ветэраны Вялікай Айчыннай вайны і працы.

На заключным канцэрце фестывалю «Салют, Перамога!», які адбыўся 27 чэрвеня ў Мінскім Палацы культуры і спорту чыгуначнікаў, выступілі лепшыя творчыя калектывы і індывідуальныя выканаўцы БЧ — пераможцы адборачных тураў, якія прайшлі напярэдадні на ўсіх шасці аддзяленнях чыгункі.

Як падкрэсліў на адкрыцці мерапрыемства начальнік Беларускай чыгункі Уладзімір Марозаў, фестываль праведзены напярэдадні святкавання самай важнай падзеі ў жыцці нашай краіны — 70-й гадавіны вызвалення Рэспублікі Беларусь ад нямецка-фашысцкіх захопнікаў і Дня Незалежнасці. «На нашым свяце прысутнічаюць тыя, хто дайшоў да Берліна, прымаў удзел у сустрэчы на Эльбе, ваяваў у партызанскіх атрадах, — адзначыў Уладзімір Марозаў. — Сёння ў арганізацыях Беларускай чыгункі стаяць на ўчоце 942 ветэраны Вялікай айчыннай вайны, і адной з нашых галоўных задач з'яўляецца ўсебаковая дапамога iм і падтрымка. Мы рабілі і будзем рабіць усё, каб яны не адчувалі сябе самотна».

З прывітальным словам таксама выступілі старшыня Беларускага прафесійнага саюза чыгуначнікаў і транспартных будаўнікоў Уладзімір Рынг, старшыня Арганізацыі ветэранаў магістралі Якаў Лаўрыновіч. Ветэранаў і работнікаў БЧ павіншаваў і першы намеснік старшыні Рэспубліканскага савета Беларускага грамадскага аб'яднання ветэранаў Міхаіл Жукоўскі, які адзначыў вялікі ўклад чыгуначнікаў у справу Вялікай Перамогі.

Усе ўдзельнікі фестывалю прадэманстравалі высокі ўзровень майстэрства. Былі прадстаўлены разнастайныя жанры, сярод якіх-акадэмічныя, народныя, эстрадныя спевы, харэаграфічнае, тэатральнае і цыркавое мастацтва, інструментальная музыка, а таксама кіна-, фота-і дэкаратыўна-прыкладное мастацтва. Выкарыстаныя падчас выступу відэаматэрыялы выдатна дапоўнілі творчыя задумкі аўтараў нумароў. Песні ваенных гадоў змяняліся больш рытмічнымі сучаснымі кампазіцыямі. Так, напрыклад, «запаліла» зал выступленне народнага ансамбля песні і музыкі «Прымакі" (Лунінецкі ДКЖ). Песні з кінафільму «Нябесны ціхаход» разам з вакальнай групай «Гармонія» Маладзечанскага вузла спявала ўся зала. А ўдзельнікі маладзëжнага вакальнага ансамбля і народнага ансамбля танца «Маладзік» КСЦ Мінскага аддзялення запрасілі ветэранаў на танец.

Хвілінай памяці ўшанавалі тых, хто гераічна загінуў, змагаючыся за Радзіму.

Усе калектывы і індывідуальныя выканаўцы, якія прынялі ўдзел у фестывалі, былі ўзнагароджаны дыпломамі.

Фестываль народнай творчасці «Салют, Перамога!» Арганізаваны Беларускай чыгункай сумесна з Беларускім прафесійным саюзам чыгуначнікаў і транспартных будаўнікоў.

Усяго ў рамках святкавання 70-годдзя вызвалення Беларусі ад нямецка-фашысцкіх захопнікаў на БЧ будзе праведзена больш за 30 разнастайных культурна-масавых і спартыўных мерапрыемстваў. Напярэдадні святочнай даты на ўсіх шасці аддзяленнях беларускай магістралі праходзяць урачыстыя мерапрыемствы, святочныя канцэрты, фестывалі, конкурсы, маладзёжна-забаўляльныя праграмы, у тым ліку для дзяцей. На спартыўных пляцоўках культурна-спартыўных цэнтраў — шахматна-шашачныя турніры, конкурсы, эстафеты. Акрамя таго, калектывы аматарскай мастацкай творчасці БЧ выступяць на сцэнічных пляцоўках гарадоў Беларусі.

Інфармацыя падрыхтавана прэс-цэнтрам БЧ