Беларуская чыгунка працягвае конкурс на лепшае асвятленне дзейнасці магістралі ў сродках масавай інфармацыі ў 2014 годзе і аб'яўляе спецыяльны прыз за асвятленне работы чыгункі ў перыяд падрыхтоўкі і правядзення чэмпіянату свету па хакеі

08 мая 2014

Спецыяльны прыз Беларуская чыгунка ўручыць пераможцу кожнай з чатырох груп, сярод якіх друкаваныя выданні, тэле- і радыёпраграмы, фотарэпартажы .

Нагадваем, што конкурс на лепшае асвятленне дзейнасці беларускай магістралі ў сродках масавай інфармацыі ў 2014 годзе праходзіць з мэтай інфармавання грамадскасці аб ролі Беларускай чыгункі ў сацыяльна-эканамічным развіцці краіны.

У конкурсе могуць прымаць удзел рэдакцыі сродкаў масавай інфармацыі, афіцыйна зарэгістраваныя ў Міністэрстве інфармацыі Рэспублікі Беларусь, найбольш папулярныя Інтэрнэт-рэсурсы. Таксама яго ўдзельнікамі могуць быць прадстаўнікі СМІ.

Адной з важных задач, якую ставіць перад сабой Беларуская чыгунка, як арганізатар конкурсу — выявіць і падтрымаць таленавітых журналістаў, якія пішуць на тэму чыгуначнага транспарту, садзейнічаць павышэнню іх прафесійнага майстэрства.

Удзел у конкурсе дасць магчымасць журналістам не толькі праявіць творчую актыўнасць па асвятленні пытанняў дзейнасці Беларускай чыгункі, а таксама прадэманстраваць сваё прафесійнае майстэрства.

На конкурс могуць прадстаўляцца работы, апублікаваныя ў СМІ ці тыя, што выйшлі ў эфір у перыяд з 1 студзеня па 1 кастрычніка бягучага года.

Па выніках конкурсу, падвядзенне якога адбудзецца ў лістападзе 2014 года, будуць вызначаны пераможцы па групах: друкаваныя выданні, тэле- і радыёпраграмы, фотарэпартажы ў 4-х намінацыях.

У намінацыі «Магістраль 21 стагоддзя» можна прадстаўляць матэрыялы аб асвятленні дзейнасці магістралі, паслугах кампаній па перавозцы грузаў і пасажыраў і мерапрыемствах, якія праводзяцца Беларускай чыгункай па іх удасканаленні, ўкараненне сучасных тэхналогій, мерах, якія прымаюцца і рэалізацыі праектаў, накіраваных на сацыяльна-эканамічнае развіццё краіны і г. д.

У намінацыі «Ёсць такая прафесія — чыгуначнік» — матэрыялы аб розных чыгуначных прафесіях, працоўных дынастыі .

Тэму сацыяльнай палітыкі — адукацыя, культура, спорт, санаторна-курортнае лячэнне, ветэраны, прафілактыка невытворчага траўматызму на чыгуначным транспарце журналісты змогуць адлюстраваць у намінацыі «З клопатам пра людзей».

Асаблівая роля ў конкурсе адведзена намінацыі ў гонар 70- годдзя гадавіны вызвалення Рэспублікі Беларусь ад нямецка-фашысцкіх захопнікаў, а таксама Перамогі савецкага народа ў Вялікай Айчыннай вайне — «Паклонімся вялікім тым гадам». У журналістаў ёсць магчымасць прадстаўляць матэрыялы аб дзейнасці БЧ у разрэзе гістарычнай падзеі: каштоўныя экспанаты, якія захоўваюцца ў музеях, дакументальныя сведкі вайны, рэдкія фотаматэрыялы і архіўныя дакументы, сямейныя рэліквіі, па месцах баявой славы, пра ўклад чыгуначнікаў у Перамогу і г. д.

Таксама Беларуская чыгунка сумесна з Беларускім прафесійным саюзам чыгуначнікаў і транспартных будаўнікоў заснавала спецыяльную прэмію «Асвятленне пытанняў сацыяльнага партнёрства».

Больш падрабязная інфармацыя пра конкурс, Палажэнне і форма заяўкі даступны ў сетцы Інтэрнэт па адрасе www.rw.by, у раздзеле «Прэс-цэнтр Конкурс».

Дадатковую інфармацыю аб конкурсе можна атрымаць па тэлефонах 225 04 41, 225 05 30, 225 96 12.

Інфармацыя падрыхтавана прэс-цэнтрам БЧ