Каледжы Беларускай чыгункі ў красавіку правядуць Дні адчыненых дзвярэй
03 красавіка 2014
5 красавіка Дзень адчыненых дзвярэй пройдзе ў Гомельскім дзяржаўным каледжы чыгуначнага транспарту Беларускай чыгункі, 26 красавіка — у Аршанскім і Брэсцкім дзяржаўных каледжах чыгуначнага транспарту Беларускай чыгункі.
Дні адчыненых дзвярэй праводзяцца з мэтай прыцягнення патэнцыяльных абітурыентаў, прадстаўлення ім інфармацыі аб умовах і магчымасцях атрымання адукацыі ў каледжах БЧ. Прадстаўнікі адміністрацый і выкладчыкі каледжаў раскажуць аб спецыяльнасцях, па якіх арганізавана навучанне ; аб магчымасцях пражывання ў інтэрнаце ; перспектывах працаўладкавання і аб многіх іншых аспектах вучобы. Таксама прадугледжаны экскурсіі па вучэбных кабінетах і майстэрнях, канцэрты творчых калектываў устаноў адукацыі.
Кожная навучальная ўстанова правядзе Дзень адчыненых дзвярэй па сваёй праграме. Больш падрабязна азнаёміцца з імі можна на афіцыйных сайтах каледжаў:http://rwcollege.brest.by/index1.html (г. Брэст), http://ggkjt.by/(г. Гомель), www.ogkjt.by/ (г. Орша).
Звяртаем увагу абітурыентаў ! Указам Прэзідэнта Рэспублікі Беларусь ад 20 сакавіка 2014 г № 130 «Аб унясенні змяненняў і дапаўненняў ва Указ Прэзідэнта Рэспублікі Беларусь ад 7 лютага 2006 № 80» прынята новая рэдакцыя Правілаў прыёму асоб для атрымання вышэйшай адукацыі 1 ступені і сярэдняй спецыяльнай адукацыі .
Абітурыентам, якія паступаюць ў 2014 годзе ва ўстановы сярэдняй спецыяльнай адукацыі Беларускай чыгункі, неабходна ўлічыць, што новая рэдакцыя Правілаў прыёму змяшчае наступныя новаўвядзенні:
- дазволена падача дакументаў для паступлення даверанымі асобамі абітурыентаў;
- прыём асоб, якія маюць агульную базавую адукацыю (9 класаў), будзе праводзіцца без уступных выпрабаванняў, па конкурсе сярэдняга бала дакумента аб адукацыі;
- дазваляецца заключэнне дагавораў аб мэтавай падрыхтоўцы спецыяліста паміж арганізацыяй — заказчыкам кадраў і абітурыентам незалежна ад месца размяшчэння арганізацыі, месца пражывання абітурыента і яго адзнак па прадметах уступных выпрабаванняў у дакуменце аб адукацыі;
- адменены асобны конкурс сярод выпускнікоў з гарадской і сельскай мясцовасці;
- дзеці-сіроты і дзеці, якія засталіся без апекі бацькоў, а таксама асобы з ліку дзяцей-сірот і дзяцей, якія засталіся без апекі бацькоў, залічваюцца па-за конкурсам пры наяўнасці ў дакуменце аб адукацыі адзнакі не ніжэй за 4 (чатыры) балы па рускай мове, беларускай мове і вучэбным прадмеце, які адпавядае профільным выпрабаванням.
Нагадваем, сістэма адукацыі Беларускай чыгункі ўключае ў сябе 3 дзяржаўныя каледжы чыгуначнага транспарту і Чыгуначны цэнтр па падрыхтоўцы, перападрыхтоўцы і павышэннi кваліфікацыі кадраў.
Аршанскі, Брэсцкі і Гомельскі каледжы — гэта падрыхтоўка спецыялістаў і рабочых па 11 спецыяльнасцях чыгуначнага транспарту, гэта стыпендыя, месца ў інтэрнаце, больш за 40 аб'яднанняў па інтарэсах для навучэнцаў.
Інфармацыя падрыхтавана прэс-цэнтрам БЧ
Да спісу навін за 2014 год