.png)
Арганізацыям Беларускай чыгункі ўручылі Прэміі Ўрада ў галіне якасці 2013
16 красавіка 2014
Урачыстая цырымонія адбылася 16 красавіка ў Нацыянальнай бібліятэцы Беларусі. Усяго лаўрэатамі па выніках 2013 сталі 13 арганізацый. У намінацыі «Забеспячэнне паслуг і выкананне работ» Прэмія Ўрада прысуджана адасобленаму структурнаму падраздзяленню лакаматыўнае дэпо Мінск унітарнага прадпрыемства «Мінскае аддзяленне Беларускай чыгункі».
Таксама званне дыпламанта конкурсу на суісканне Прэміі Ўрада Беларусі за дасягненні ў галіне якасці 2013 прысуджана адасобленаму структурнаму падраздзяленню Баранавіцкае вагоннае дэпо унітарнага прадпрыемства «Баранавіцкае аддзяленне Беларускай чыгункі».
Лаўрэаты Прэміі Урада атрымліваюць права выкарыстання эмблемы прэміі ў маркіроўцы прадукцыі, дакументацыі і рэкламных матэрыялах на працягу 5 гадоў. Каталог з інфармацыяй пра лаўрэатаў і дыпламантаў рассылаецца ў дыпламатычныя прадстаўніцтвы Рэспублікі Беларусь за мяжой.
Інфармацыя падрыхтавана прэс-цэнтрам БЧ
Да спісу навін за 2014 год
