.png)
Увазе пасажыраў! У сувязі з правядзеннем планавых рамонтных работ Беларуская чыгунка часова зменіць расклад і маршруты некаторых цягнікоў
29 сакавіка 2024
У сувязі з правядзеннем планавых аднаўленчых рамонтаў пуці на перагонах Мінск-Паўднёвы – Калядзічы ў перыяд з 1 па 30 красавіка 2024 года і Мінск-Сартавальны – Памыслішча ў перыяд з 8 па 25 красавіка 2024 года, а таксама з 1 красавіка на ўчастку Магілёў – Жлобін – Гомель асобныя пасажырскія цягнікі будуць рухацца змененым маршрутам і раскладам.
Беларуская чыгунка прыносіць прабачэнні пасажырам за часовыя нязручнасці і просіць з разуменнем паставіцца да гэтых абставін.
Больш падрабязную інфармацыю аб раскладзе руху цягнікоў можна даведацца на афіцыйным інтэрнэт-сайце Беларускай чыгункі www.rw.by, у афіцыйным мабільным дадатку «БЧ. Мой цягнік», а таксама па тэлефоне 105 кантакт-цэнтра БЧ.
Інфармацыя падрыхтавана прэс-цэнтрам БЧ
