30 чэрвеня 2022 года Беларуская чыгунка правядзе «Адзіны дзень пасажыра» ў вочным фармаце

17 чэрвеня 2022

«Адзіны дзень пасажыра» праводзіцца на Беларускай чыгунцы рэгулярна, пачынаючы з 2015 года. 4 разы на год прадстаўнікі пасажырскай службы Упраўлення Беларускай чыгункі, кіраўнікі і спецыялісты аддзяленняў чыгункі сустракаюцца з пасажырамі на чыгуначных вакзалах краіны з мэтай вывучэння меркавання спажыўцоў транспартных паслуг, забеспячэння зваротнай сувязі.

У сувязі са складанай эпідэміялагічнай сітуацыяй і ў мэтах захавання здароўя пасажыраў са снежня 2020 года Беларуская чыгунка праводзіла «Адзіны дзень пасажыра» ў анлайн-фармаце.

30 чэрвеня 2022 года з 14.00 да 17.00 пасажыры змогуць пры асабістай сустрэчы задаць свае пытанні спецыялістам беларускай магістралі ў вуснай і пісьмовай формах. Іх звароты будуць разгледжаны ў адпаведнасці з Законам Рэспублікі Беларусь «Аб звароце грамадзян і юрыдычных асоб».

«Адзіны дзень пасажыра» пройдзе на чыгуначных вакзалах у Мінску, Брэсце, Баранавічах, Гродне, Гомелі, Магілёве, Віцебску і Оршы. Месцы правядзення мерапрыемстваў будуць аформлены ў адзіным карпаратыўным стылі.

З 17 па 30 чэрвеня 2022 года на афіцыйным інтэрнэт-сайце Беларускай чыгункі арганізавана апытанне грамадскай думкі (анкетаванне) па пытаннях удасканалення абслугоўвання пасажыраў пры арганізацыі пасажырскіх перавозак на Беларускай чыгунцы.

Правядзенне такіх мерапрыемстваў спрыяе далейшаму развіццю пасажырскіх перавозак і павышэнню якасці аказваемых паслуг.

Беларуская чыгунка адкрыта для зносін з пасажырамі і гатова выслухаць іх пажаданні і прапановы.

Інфармацыя падрыхтавана прэс-цэнтрам БЧ