Увазе пасажыраў! Беларуская чыгунка адкрыла больш за 50 дадатковых кас па рэалізацыі праязных дакументаў
03 сакавіка 2022
У мэтах задавальнення існуючага попыту на афармленне праязных дакументаў Беларуская чыгунка дадаткова адкрыла больш за 50 білетных кас на пасажыраўтваральных станцыях БЧ .
Усяго ў цяперашні час на сетцы БЧ набыць квіткі на цягнікі з нумараванымі і ненумараванымі месцамі можна ў 560 касах на чыгуначных вакзалах, а таксама асобных станцыях і прыпыначных пунктах.
Так, у г. Мінску і прыгарадзе праязныя дакументы на цягнікі з нумараванымі месцамі акрамя вакзала станцыі Мінск-Пасажырскі можна набыць на наступных станцыях і прыпыначных пунктах: Мінск-Усходні, Мінск-Паўднёвы, Мінск-Паўночны, Курасоўшчына, Лошыца, Лебядзіны, Масюкоўшчына, Ждановічы, Мачулішчы.
Праязныя дакументы на цягнікі з ненумараванымі месцамі таксама можна аформіць праз тэрміналы самаабслугоўвання. Толькі ў сталіцы і прыгарадзе ўстаноўлена больш за 40 тэрміналаў.
У продажы маецца дастатковая колькасць праязных дакументаў на цягнікі міжнародных, міжрэгіянальных і рэгіянальных ліній.
Звяртаем увагу, што продаж білетаў ажыццяўляецца не толькі ў дзень адпраўлення цягніка, а на ўсю глыбіню рэалізацыі, у залежнасці ад віду зносін.
Так, на цягнікі міжнародных ліній праязныя дакументы можна набыць за 60 сутак да адпраўлення цягніка. На цягнікі міжрэгіянальных ліній – за 45 сутак, на цягнікі рэгіянальных ліній бізнес-класа – за 20 сутак, на цягнікі гарадскіх ліній і рэгіянальных ліній эканомкласа – за 10 сутак да адпраўлення цягніка.
Нагадваем, што для пасадкі ў цягнік па раней аформленых праязных дакументах з электроннай рэгістрацыяй пасажыру патрабуецца прад'явіць толькі дакумент, які сведчыць асобу.
Беларуская чыгунка прымае ўсе неабходныя меры па аднаўленні работы электронных сэрвісаў па продажы праязных дакументаў і просіць пасажыраў з разуменнем паставіцца да сітуацыі.
Дадатковую інфармацыю можна атрымаць у Кантакт-цэнтры Беларускай чыгункі па тэлефоне 105 (падтрымка пасажыраў, якія знаходзяцца за межамі Рэспублікі Беларусь, па тэлефоне +375 222 39 25 47).
Інфармацыя падрыхтавана прэс-цэнтрам БЧ
Да спісу навін за 2022 год