Беларуская чыгунка на майскія святы прызначыла дадатковы цягнік па маршруце Мінск–Санкт-Пецярбург–Мінск

30 красавіка 2021

У сувязі з прагназаваным павелічэннем пасажырапатоку на майскія святы ў зносінах Мінск–Санкт-Пецярбург–Мінск у мэтах паляпшэння якасці абслугоўвання пасажыраў Беларуская чыгунка ва ўзаемадзеянні з ААТ «РЖД» прызначыла дадатковы цягнік № 250/249 Мінск–Санкт-Пецярбург.

З Мінска цягнік будзе адпраўляцца 7, 8, 9, 10 мая ў 19:02 і прыбываць у Санкт-Пецярбург 8, 9, 10, 11 мая ў 09:16.

З Санкт-Пецярбурга цягнік адправіцца 8, 9, 10, 11 мая ў 14:26 і прыбудзе ў сталіцу Беларусі 9, 10, 11, 12 мая ў 05:08.

Звяртаем увагу, што ажыццяўленне праезду названым цягніком прадугледжана толькі для грамадзян Рэспублікі Беларусь і Расійскай Федэрацыі.

Таксама нагадваем, што пасажыры, якія едуць за мяжу чыгуначным транспартам, абавязаны мець медыцынскія дакументы, якія пацвярджаюць адмоўны вынік лабараторнага даследавання на інфекцыю COVID-19, выкананага не пазней, чым за 3 сутак да даты перасячэння мяжы, і выконваць пры знаходжанні на чыгуначных вакзалах і ў цягніках масачны рэжым.

Больш падрабязную інфармацыю аб кошце і правілах праезду можна атрымаць на сайце www.rw.by, з дапамогай афіцыйнага мабільнага дадатку «БЧ. Мой поезд» і па тэлефоне Кантакт-цэнтра Беларускай чыгункі 105 (падтрымка пасажыраў, якія знаходзяцца па-за межамі Рэспублікі Беларусь, па тэлефоне +375 222 39 25 47).

Інфармацыя падрыхтавана прэс-цэнтрам БЧ