Беларуская чыгунка прызначыла дадатковыя цягнікі ў міжрэгіянальных зносінах
27 мая 2020
З мэтай задавальнення попыту пасажыраў на перавозкі ў міжрэгіянальных зносінах у выхадныя дні Беларуская чыгунка прызначыла дадатковыя цягнікі па маршруце Мінск–Брэст–Мінск.
Так, з 29 мая 2020 года прызначаны цягнік міжрэгіянальных ліній эканомкласа № 690/681 Брэст-Мінск-Брэст адпраўленнем з Брэста ў 14:30 і прыбыццём у Мінск у 18:27, адпраўленнем з Мінска ў 20:16 і прыбыццём у Брэст у 00:15. Цягнік будзе курсіраваць па пятніцах і нядзелях, за выключэннем 3 ліпеня 2020 года. На гэтую дату ён будзе адменены і прызначаны на 2 ліпеня 2020 года.
З 31 мая 2020 года прызначаецца цягнік міжрэгіянальных ліній эканомкласа № 667/646 Мінск–Брэст–Мінск. Ён будзе адпраўляцца з Мінска ў 11:44 і прыбываць у Брэст у 16:16, з Брэста цягнік адправіцца ў 17:28 і прыбудзе ў Мінск у 22:18. Цягнік будзе курсіраваць па нядзелях.
Больш падрабязную інфармацыю аб раскладзе руху прызначаных дадатковых цягнікоў можна атрымаць на афіцыйным Інтэрнэт-сайце www.rw.by, у мабільным дадатку «БЧ. Мой поезд», а таксама ў Кантакт-цэнтры БЧ па тэлефоне 105.
Інфармацыя падрыхтавана прэс-цэнтрам БЧ
Да спісу навін за 2020 год