Беларуская чыгунка інфармуе

17 сакавіка 2020

Міжнародныя пасажырскія цягнікі, якія курсіруюць у зносінах Беларусь–Расія, у перыяд з 17.03.2020 да 00:00 19.03.2020 будуць накіроўвацца ў поўным аб'ёме згодна з дзеючым графікам:

Разам з тым, звяртаем увагу, што паводле п.1 Распараджэння Урада Расійскай Федэрацыі ад 16.03.2020 № 635-р, пачынаючы з 00:00 18.03.2020 да 01.05.2020 часова абмежаваны ўезд у Расійскую Федэрацыю замежных грамадзян і асоб без грамадзянства, у тым ліку тых, хто прыбывае з тэрыторыі Рэспублікі Беларусь, а таксама грамадзян Рэспублікі Беларусь.

Беларуская чыгунка просіць пасажыраў, якія планавалі наведванне Расійскай Федэрацыі ў названы перыяд, улічваць дадзенае абмежаванне. Пачынаючы з 17:00 17.03.2020 і да 00:00 19.03.2020, пасажыры, якія прынялі рашэнне адкласці паездку ў Расійскую Федэрацыю, могуць вярнуць праязныя дакументы у білетных касах Беларускай чыгункі без збірання дадатковых плат і збораў. Вяртанне грашовых сродкаў будзе ажыццяўляцца ў поўным аб'ёме на падставе праязных дакументаў (білетаў).

Звяртаем увагу, што поўнае вяртанне правазных плацяжоў па электронных праязных дакументах будзе ажыццяўляцца толькі ў білетных касах Беларускай чыгункі.

З Расійскай Федэрацыі ў Рэспубліку Беларусь нашы суайчыннікі могуць накіроўвацца міжнароднымі пасажырскімі цягнікамі без усялякіх абмежаванняў. Беларуская чыгунка просіць пасажыраў з разуменнем паставіцца да сітуацыі, якая склалася. Пра змены ў графіку руху міжнародных пасажырскіх цягнікоў у зносінах Беларусь–Расія пасля 00:00 19.03.2020 і парадку вяртання праязных дакументаў будзе паведамлена дадаткова.

Актуальную інфармацыю аб раскладзе руху цягнікоў можна атрымаць на сайце www.rw.by, а таксама ў чыгуначных касах, з дапамогай афіцыйнага мабільнага дадатку «БЧ. Мой поезд» і па тэлефоне Кантакт-цэнтра Беларускай чыгункі 105 (падтрымка пасажыраў, якія знаходзяцца па-за межамі Рэспублікі Беларусь, па тэлефоне +375 222 39 25 47).

Інфармацыя падрыхтавана прэс-цэнтрам БЧ