Беларуская чыгунка прызначыла 28 дадатковых цягнікоў на сакавіцкія святы
08 лютага 2019
У мэтах паляпшэння якасці абслугоўвання пасажыраў Беларуская чыгунка ў перыяд сакавіцкіх святаў прызначыла дадатковыя цягнікі ў міжрэгіянальных і міжнародных зносінах. Усяго з 7 па 11 сакавіка прызначана 28 цягнікоў. З улікам павелічэння пасажырапатоку большая колькасць цягнікоў прадугледжана на 7 сакавіка.
Ва ўзаемадзеянні з чыгуначнымі адміністрацыямі суседніх дзяржаў у міжнародных зносінах дадатковыя цягнікі прызначаны на найбольш запатрабаваных напрамках: Мінск—Вільнюс, Гомель—Сноўск. Праводзіцца работа па ўзгадненні і прызначэнні транзітных цягнікоў, якія ідуць праз тэрыторыю Рэспублікі Беларусь.
У міжрэгіянальных зносінах прызначэнне цягнікоў і павелічэнне перыядычнасці курсіравання прадугледжана на традыцыйна папулярных у пасажыраў напрамках: Мінск—Гомель, Мінск—Брэст, Мінск—Віцебск, Мінск—Пінск.
Больш падрабязную інфармацыю аб часе адпраўлення прызначаных дадатковых цягнікоў можна атрымаць на сайце www.rw.by, а таксама ў чыгуначных касах і па тэлефоне Кантакт-цэнтра Беларускай чыгункі, 105.
Інфармацыя падрыхтавана прэс-цэнтрам БЧ
Да спісу навін за 2019 год