Беларуская чыгунка прапануе паслугу па набыцці праязных дакументаў на асобныя цягнікi з выкарыстаннем графічнай схемы размяшчэння свабодных месцаў у вагоне
25 чэрвеня 2014
Беларуская чыгунка укараніла праграмнае забеспячэнне, якое дазваляе набываць праязныя дакументы на асобныя цягнікi з выкарыстаннем графічнай схемы размяшчэння свабодных месцаў у вагоне.
Месцы ў вагоне каля акна або ў цэнтры салона пасажыр цяпер можа выбраць самастойна. Зрабіць гэта зараз можна дзякуючы новай опцыі, якая даступна карыстальнікам сайта сістэмы продажу праязных дакументаў (www.poezd.rw.by).
Увод у эксплуатацыю названай дапрацоўкі выконваецца Беларускай чыгункай паэтапна.
У цяперашні час гэтая паслуга даступна ў цягніках рэгіянальных ліній бізнес-класа № 734/733 Мінск—Орша, № 738/737 Мінск—Орша, № 744/743 Мінск—Бабруйск, № 746/745 Мінск—Бабруйск, № 771/772 Мінск—Маладзечна, № 773/774 Мінск—Маладзечна.
Таксама ў чэрвені ўведзена ў эксплуатацыю графічная схема пры куплі праязнога дакумента на цягнік міжнародных ліній № 805/806 Мінск—Вільнюс.
Укараненне гэтай паслугі стала чарговым этапам мэтанакіраванай работы БЧ па развіцці анлайн-сістэмы продажу праязных дакументаў, павышэннi якасці абслугоўвання пасажыраў, пашырэннi пераліку паслуг.
Інфармацыя падрыхтавана прэс-цэнтрам БЧ
Да спісу навін за 2014 год