Беларуская чыгунка і ААТ «РЖД» дамовіліся пашырыць вобласць ужывання спецыяльнага тарыфу пры перавозках пасажыраў у прамых зносiнах

10 чэрвеня 2014

Гэта пытанне было разгледжана падчас пасяджэння двухбаковай пастаянна дзеючай працоўнай групы па ўзаемадзеянні ў сферы арганізацыі чыгуначных пасажырскіх перавозак паміж Расіяй і Беларуссю, якое прайшло ў Маскве ў чэрвені.

Зараз чыгункі Беларусі і Расіі з мэтай паляпшэння якасці абслугоўвання пасажыраў і прыцягнення дадатковага пасажырапатоку прымяняюць спецыяльны тарыфны план на цягнікі №4/3 Брэст—Масква і №7/8 —Брэст, які ў залежнасці ад тэрмінаў набыцця білетаў прадугледжвае скідкі ад 10% да 15% да агульнага кошту праезду па тэрыторыі дзвюх краін у вагонах усіх тыпаў, акрамя агульных, аплату дзейснага тарыфу без скідак альбо прымяненне надбаўкі 5% у выпадку набыцця білетаў перад адпраўленнем цягніка.

Для пашырэння зоны прымянення гэтага спецыяльнага тарыфнага плана папярэдне ўзгоднены наступныя цягнікі фарміравання БЧ і ААТ «Федэральная пасажырская кампанія»: №11/12 Масква—Мiнск, №35/36 Санкт-Пецярбург—Брэст, №113/114 Новасібірск—Брэст, №50/49 Брэст—Санкт-Пецярбург, №52/51 Мiнск—Санкт-Пецярбург, №78/77 Гродна—Масква, №104/103 Брэст—Новасібірск, №376/375 Гомель—Адлер.

Тэрмін уводу дзеяння гэтага тарыфнага плана для асобных цягнікоў будзе аб'яўлены пасля праходжання працэдур узгаднення чыгуначнымі адміністрацыямі ва ўстаноўленым парадку.

Акрамя таго, з 5 чэрвеня для станцыі Мiнск-Пасажырскі выдзелена пастаянная норма месцаў (адзін плацкартны і адзін купэйны вагоны) на цягнік №360 Калінінград—Адлер для папярэдняга продажу праязных дакументаў у білетных касах Беларусі. Раней білеты на гэты цягнік рэалізоўваліся ў дзень адпраўлення.

Інфармацыя падрыхтавана прэс-цэнтрам БЧ