Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

Language
Чым Вам дапамагчы?

ПРЭС-РЭЛІЗ Адкрыццё электрыфікаванага ўчастка Жлобін—Асіповічы і руху электрацягнікоў рэгіянальных ліній па маршруце Мінск—Жлобін

27 верасня 2013

Беларуская чыгунка завяршыла работы па электрыфікацыі ўчастка Жлобін — Асіповічы. 29 верасня будзе адкрыты рэгулярны рух электрацягнікоў рэгіянальных ліній па маршруце Мінск- Жлобін.

Прайшло ўсяго паўгода з таго моманту, як у красавіку быў арганізаваны рэгулярны рух электрацягнікоў на ўчастку Мінск—Бабруйск. Падаўжэнне гэтага маршруту да Жлобіна — падзея асаблівай значнасці. Чыгуначнікі завяршылі першы этап рэалізацыі важнейшага інвестыцыйнага праекта «Электрыфікацыя ўчасткаў Гомель—Жлобін—Асіповічы і Жлобін—Калінкавічы», які прадугледжвае паэтапную электрыфікацыю да 2015 года трох участкаў: Жлобін—Асіповічы (даўжыня 107,2 км), Гомель—Жлобін (86 км) і Жлобін—Калінкавічы (101 км)

Зроблены чарговы крок у развіцці новага фармату пасажырскіх перавозак. Упершыню жыхарам Жлобіна — буйнога прамысловага цэнтра і трэцяга па колькасці насельніцтва горада ў Гомельскай вобласці — даецца магчымасць штодзённага бесперасадачнага праезду ў сталіцу і назад на электрацягніках рэгіянальных ліній бізнес- і эканомкласа.

Рэалізацыя гэтага праекта будзе спрыяць умацаванню транспартных сувязей і актывізацыі развіцця трох рэгіёнаў — Мінскага, Магілёўскага і Гомельскага. Сімвалічна, што гэта падзея праходзіць у год 50-годдзя электрыфікацыі беларускай магістралі і 140-годдзя станцыі Жлобін.

 

Зручней і хутчэй

Да гэтага часу з Мінска ў Жлобін без перасадкі можна было даехаць толькі на цягніках міжнародных або міжрэгіянальных ліній.

З 29 верасня па маршруце Мінск-Жлобін-Мінск будзе штодня курсiраваць 1 пара цягнікоў рэгіянальных ліній бізнес-класа (ЭПР). Са Жлобіна электрацягнік № 815 будзе адпраўляцца ў 06.08 і прыбываць у сталіцу ў 08.47. Час адпраўлення цягніка № 816 з Мінска — 17.30, прыбыцця ў Жлобін — 20.10. У шляху руху яны будуць рабіць усяго тры прыпынкі — у Асіповічах, Бабруйску і Чырвоным Беразе. Адлегласць ад Мінска да Жлобіна сучасныя цягнікі рэгіянальных ліній бізнес-класа будуць пераадольваць у сярэднім за 2 гадзіны 40 хвілін. Для параўнання, час знаходжання ў шляху па дадзеным маршруце цягніка міжрэгіянальных ліній № 644 Мінск—Гомель складае ў сярэднім 03:00 03 мін.

Акрамя таго, па маршруце Мінск—Жлобін будуць штодня курсіраваць 2 пары электрацягнікоў рэгіянальных ліній эканом-класа. Час іх знаходжання ў дарозе з усімі прыпынкамі будзе складаць у сярэднім 4 гадзіны.

Неабходна адзначыць, што расклад руху электрацягнікоў па маршруце Мінск—Жлобін складзены з улікам правядзення ў цяперашні час работ па рэканструкцыі ўчастка Мінск—Рудзенск. Пасля іх завяршэння графік руху электрацягнікоў рэгіянальных ліній будзе скарэкціраваны.

 

Павышаючы канкурэнтаздольнасць

Паколькі Беларусь — транзітная краіна, электрыфікацыя чыгуначных ліній у рамках IX Агульнаеўрапейскага транспартнага калідора мае асаблівую значнасць для развіцця грузавых перавозак. Калі сёння па электрыфікаваных участках беларускай магістралі перавозіцца каля 40% усіх грузаў, то да 2015 года пасля завяршэння электрыфікацыі ўчасткаў Гомель—Жлобін і Маладзечна—Гудагай—Дзяржмяжа плануецца павялічыць гэтую долю да 60%. Улічваючы тыя перавагi, якія дае электрыфікацыя, гэта будзе садзейнічаць павышэнню канкурэнтаздольнасці беларускай магістралі як на ўнутраным, так і на міжнародным рынку транспартных паслуг.

Асноўнымі перавагамі электрыфікацыі з'яўляюцца:

  • скарачэнне эксплуатацыйных выдаткаў чыгункі, перш за ўсё, выдаткаў на аплату энергарэсурсаў для цягі цягнікоў;
  • павелічэнне тэхнічнай і маршрутнай хуткасці руху грузавых і пасажырскіх цягнікоў, павышэнне вагавых нормаў грузавых цягнікоў;
  • экалагічнасць, змяншэнне адмоўнага ўздзеяння на навакольнае асяроддзе;
  • павышэнне мабільнасці, якасці жыцця насельніцтва і ўзроўня дзелавой актыўнасці.

Згодна з разлікамі, у выніку электрыфікацыі ўчасткаў Гомель—Жлобін—Асіповічы і Жлобін—Калінкавічы спажыванне паліўна-энергетычных рэсурсаў будзе скарочана на 22%. Акрамя таго, на 20,4% павысіцца вагавая норма грузавых цягнікоў, на 19-25% павялічыцца тэхнічная і маршрутная хуткасць руху грузавых і пасажырскіх цягнікоў.

 

Далейшыя планы па электрыфікацыі

Дзяржаўнай праграмай развіцця чыгуначнага транспарту Беларусі на 2011—2015 гады прадугледжана электрыфікацыя участкаў Гомель—Жлобін—Асіповічы і Жлобін—Калінкавічы, Маладзечна—Гудагай—Дзяржмяжа, якія ўваходзяць у IX Агульнаеўрапейскі транспартны калідор, а таксама абходаў Мінск — Калодзішчы—Шабаны і Гатава—Міханавічы.

Агульная працягласць участкаў, запланаваных да электрыфікацыі ў 2011—2015 гадах, складзе 387 км. У выніку доля электрыфікаваных чыгуначных ліній на беларускай магістралі будзе павялічана з цяперашніх 16% да 23%.

Электрыфікацыя дазволіць арганізаваць па Беларускай чыгунцы скразны рух пасажырскіх і грузавых цягнікоў на электрацязе па маршруце Кiев—Мiнск—Вiльнюс—Каўнас—Клайпеда/Калiнiнград і забяспечыць перавозку грузаў з Украіны і цэнтральнай Расіі да партоў Клайпеды, Вентспілса і Калінінграда.

У 2015 годзе плануецца завяршыць электрыфікацыю трох участкаў: Гомель—Жлобін, Жлобін—Калінкавічы і Маладзечна—Гудагай—Дзяржаўная мяжа.

У красавіку бягучага года Беларуская чыгунка пачала будаўнічыя работы па электрыфікацыі ўчастка Гомель—Жлобін, у цяперашні час вядзецца ўстаноўка апор кантактнай сеткі. Працягваюцца падрыхтоўчыя работы па электрыфікацыі ўчастку Жлобін—Калінкавічы .

У бягучым годзе Беларуская чыгунка пачне работы па электрыфікацыі напрамкаў Маладзечна—Гудагай—Дзяржаўная мяжа. Гэты праект рэалізуецца сумесна з Літоўскай чыгункай .

Беларуская чыгунка прапрацоўвае пытанні электрыфікацыі чыгуначных ліній у рамках IX агульнаеўрапейскага транспартнага калідора па кірунку Жлобін—Магілёў—Орша—Віцебск. У ліку першачарговых задач — рашэнне сумесна з расійскімі і латвійскімі калегамі пытанняў электрыфікацыі напрамкі Завольша—Віцебск—Полацк—Бігосава, што дазволіць арганізаваць рух цягнікоў на электрацязе ад Смаленска праз Віцебск і Полацк да Даўгаўпілса.

З чыгуначнікамі Украіны разглядаецца перспектыва супрацоўніцтва ў галіне электрыфікацыі прыгранічных участкаў ад Гомеля да Чарнігава і ад Калінкавічаў да Корасценя.

 

Комплексны падыход

Рэалізацыя праекта ажыццяўлялася пры выразным ўзаемадзеянні розных службаў Беларускай чыгункі - службы электразабеспячэння, пуцi, сігналізацыі і сувязі, перавозак, бяспекі руху цягнікоў і інш.

Адкрыццю руху цягнікоў на электрацязе па маршруце Жлобін—Асіповічы папярэднічаў вялікі аб'ём будаўніча-мантажных работ, а таксама комплекс мерапрыемстваў па рамонце пуцi, мадэрнізацыі ўстройстваў чыгуначнай аўтаматыкі і сувязі. Важна, што ўсе работы былі выкананы пры забеспячэнні бесперабойных перавозак пасажыраў і грузаў.

Агульнабудаўнічыя работы на ўчастку Жлобін—Асіповічы выконвалі больш за 15 будаўнічых арганізацый Беларусі. Былі пабудаваны дзве цягавыя падстанцыі «Жлобін-цягавая» і «Бабруйск-цягавая» і сеткі знешняга электразабеспячэння гэтых падстанцый. Пры праектаванні і будаўніцтве цягавых падстанцый на ўчастку Жлобін—Асіповічы сучаснае сілавое абсталяванне і кампановачныя рашэнні, якія забяспечваюць высокую эксплуатацыйную надзейнасць і бяспеку абслугоўвання. Выкарыстаны сучасныя сістэмы кіравання, дыягностыкі і аддаленага маніторынгу стану цягавых падстанцый для пераходу ў далейшым на іх працу без удзелу абслуговага персаналу.

На ўчастку Жлобін—Асіповічы таксама было ўстаноўлена больш за 4 тыс. апор і больш за 4 тыс. падмуркаў, звыш 400 рыгеляў жорсткіх папярочак кантактнай сеткі. Усе ўстройствы кантактнай сеткі выкананы з улікам асноўных тэхнічных патрабаванняў для хуткасцяў руху цягнікоў да 160 км/ч. Пры электрыфікацыі ўжыта сучасная кантактная падвеска, якая забяспечвае надзейнае ўзаемадзеянне кантактнага провада з токапрыëмнiкамi для забеспячэння хуткаснага руху. Гэта дазволіць значна павялічыць жыццёвы цыкл кантактнай сеткі, скараціць эксплуатацыйныя выдаткі.

У рэалізацыі праекта прыняў удзел шэраг айчынных прадпрыемстваў-вытворцаў. У тым ліку Светлагорскі завод жалезабетонных вырабаў і канструкцый забяспечыў пастаўку усяго аб'ёму жалезабетонных апор, падмуркаў і анкераў кантактнай сеткі. На Жлобінскім рамонтна-механічным заводзе і Асіповіцкім заводзе жалезабетонных вырабаў і канструкцый была асвоена вытворчасць рыгеляў жорсткіх папярочак. Рэчыцкі метызны завод выканаў антыкаразійную ахову рыгеляў метадам гарачага ацынкавання .

 

Для даведкi: Першы ўчастак Беларускай чыгункі быў электрыфікаваны ў 1963 годзе. Гэта быў ўчастак Мінск—Аляхновічы .

На сённяшні дзень у поўным аб'ёме электрыфікаваны беларускi частак II Агульнаеўрапейскага транспартнага калідора на ўчастку Брэст—Мінск—Орша—Дзяржмяжа з Расіяй. Таксама электрыфікаваны ўчастак чыгуначных ліній у рамках IX Агульнаеўрапейскага транспартнага калідора (участак Маладзечна—Мінск— Асіповічы—Бабруйск).

У цяперашні час працягласць магістральных ліній Беларускай чыгункі складае 5,5 тыс. км, з іх 0,9 тыс. км электрыфікаваныя, што складае — 16%. На электрыфікаваных участках выконваецца 25% грузаабароту і 30% пасажыраабароту .

Праект па электрыфікацыі ўчастка Гомель—Жлобін—Асіповічы магістраль рэалізуе сумесна з кітайскімі партнёрамі. Паміж Беларускай чыгункай і Кітайскай кампаніяй па экспарце і імпарце электраабсталявання (кампанія CUEC) падпісаны кантракт будаўнічага падраду па аб'екце «Электрыфікацыя ўчасткаў Гомель—Жлобін—Асіповічы і Жлобін—Калінкавічы. 1-я чарга. Ўчастак Жлобін—Асіповічы». Сума кантракта — 75,3 млн. долараў. У снежні 2012 года з Кампаніяй па экспарце і імпарце электраабсталявання Кітая таксама быў падпісаны дагавор будаўнічага падраду па электрыфікацыі ўчастку Жлобін—Гомель. Сума кантракта складае 94,9 млн. долараў. Крыніцамі фінансавання гэтых праектаў з'яўляюцца крэдытныя рэсурсы і ўласныя сродкі Беларускай чыгункі.

 

Інфармацыя падрыхтавана прэс-цэнтрам БЧ

Да спісу навін за 2013 год