Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

Language
Чым Вам дапамагчы?

Беларуская чыгунка часова прыпыніла продаж білетаў на цягнікі ў зносінах з Украінай адпраўленнем з 30 сакавіка

15 лютага 2013

У сувязі з афіцыйнай інфармацыяй Адміністрацыі чыгунак Украіны аб часовым прыпыненні продажу праязных дакументаў на пасажырскія цягнікі, у тым ліку міжнародныя, Беларуская чыгунка прыпыніла рэалізацыю праязных дакументаў на цягнікі ў зносінах з Украінай адпраўленнем з 30 сакавіка.

 

Гэта выклікана тым, што ва Украіне пакуль не прынята канчатковае рашэнне аб пераходзе ў сакавіку на летні час і можа паўстаць неабходнасць карэкціроўкі раскладу міжнародных цягнікоў.

У цяперашні час нельга набыць білеты на цягнікі адпраўленнем з 30 сакавіка ў прамых зносінах з Украінай, а таксама на некаторыя саставы, якія будуць курсаваць з 29 сакавіка па Беларускай чыгунцы транзітам праз Украіну ў Расiю.

Пасля таго як украінскі бок прыме рашэнне аб пераходзе на летні час, продаж білетаў адновіцца.

 

Інфармацыя падрыхтавана прэс-цэнтрам БЧ

Да спісу навін за 2013 год