Навіны грузаперавозак

Студзень

• 
  06 студзеня 2023

  У 2022 годзе аб'ём экспартных перавозак у Кітай прадукцыі беларускіх прадпрыемстваў кантэйнернымі цягнікамі Беларускай чыгункі вырас у 6,5 разоў

  У 2022 годзе Беларуская чыгунка працягнула работу па стварэнні неабходных умоў для нарошчвання аб'ёмаў экспартных паставак прадукцыі беларускіх прадпрыемстваў у кантэйнерах. Пры арганізацыі перавозак беларускага экспарту стратэгічнае значэнне мае кітайскі рынак.

  На працягу года БЧ забяспечыла адпраўку на экспарт з Беларусі ў Кітай 988 кантэйнерных цягнікоў з прадукцыяй беларускіх прадпрыемстваў. Па папярэдніх выніках работы аб'ём экспартных перавозак грузаў у складзе кантэйнерных цягнікоў склаў каля 120 тыс. гружаных кантэйнераў у ДФЭ (дваццаціфутавым эквіваленце), што ў 6,5 разоў больш, чым у 2021 годзе. Асноўны аб'ём перавозак складае прадукцыя дрэваапрацоўчых прадпрыемстваў, угнаенні і малочная прадукцыя.

  Развіццё экспартных перавозак і прасоўванне беларускай прадукцыі на знешнія рынкі збыту з'яўляюцца найважнейшымі стратэгічнымі напрамкамі для Беларускай чыгункі.

  Сягоння, дзякуючы эфектыўнаму ўзаемадзеянню з усімі ўдзельнікамі рынку транспартных паслуг і дзелавым кантактам, дастаўка прадукцыі беларускіх прадпрыемстваў у Кітай забяспечваецца на працягу двух тыдняў як да чыгуначных станцый, так і далей аўтатранспартам у любую кропку краіны, уключаючы паслугу «апошняй мілі».

  Чытаць далей…