У Віцебску падвялі вынікі конкурсу «Краса нашай магістралі» сярод работніц Беларускай чыгункі

19 красавіка 2024

18 красавіка 2024 года адбыўся фінал чыгуначнага конкурсу прыгажосці і грацыі «Краса нашай магістралі» сярод работніц Беларускай чыгункі. Мерапрыемства было арганізавана на базе Культурна-спартыўнага цэнтра Віцебскага аддзялення БЧ.

У спаборніцтве прынялі ўдзел шэсць чыгуначніц-пераможцаў адборачных тураў, якія прайшлі на аддзяленнях магістралі.

Конкурс прыгажосці складаўся з шасці этапаў: партфоліо «Краса магістралі Online», прэзентацыі відэаролікаў пра сябе і сваёй прафесіі «Прыемна пазнаёміцца!», «Прыгажосць прыгледзецца, а розум спатрэбіцца!», у рамках якога ўдзельніцы павінны былі ацаніць жыццёвую сітуацыю і аператыўна прыняць рашэнне, патрыятычнага этапу «Беларусь памятае! Чыгуначнікі памятаюць!», паказу нумароў мастацкай самадзейнасці «Ва ўсёй красе», а завяршыла мерапрыемства дэфіле ў вячэрніх уборах.

Па выніках конкурсу па суме набраных балаў пераможцай стала Дарына Куцылава (Мінскае аддзяленне), якой уручылі карону-дыядэму. Таксама журы выбрала пераможцаў у асобных намінацыях: «Талент нашай магістралі» – Вікторыя Васілевіч (Гомельскае аддзяленне), «Стыль нашай магістралі» – Аксана Башкірава (Магілёўскае аддзяленне), «Арыгінальнасць нашай магістралі» – Дзіяна Клокава (Віцебскае аддзяленне), «Усмешка нашай магістралі» – Вікторыя Манчак (Брэсцкае аддзяленне) і «Абаянне нашай магістралі» – Таццяна Шпакоўская (Баранавіцкае аддзяленне).

Усім удзельніцам былі ўручаны дыпломы, букеты кветак і каштоўныя прызы ад Беларускай чыгункі і Аб'яднанай галіновай прафсаюзнай арганізацыі чыгуначнікаў і транспартных будаўнікоў.

Мерапрыемства паказала, якія чароўныя і таленавітыя дзяўчаты працуюць на беларускай магістралі. Кожная з канкурсантак беззапаветна аддана сваёй прафесіі і роднай краіне. Калектыў Беларускай чыгункі віншуе дзяўчат з перамогай, жадае ім новых здзяйсненняў і ніколі не спыняцца на дасягнутым!

Інфармацыя падрыхтавана прэс-цэнтрам БЧ