1 мая 2024 года Дзіцячая чыгунка імя К.С. Заслонава адкрые 69-ы сезон летніх перавозак

17 красавіка 2024

1 мая 2024 года ў 9:30 на станцыі Заслонава пройдзе ўрачыстая лінейка для юных чыгуначнікаў.

У першы рэйс «Сталічны Экспрэс» адправіцца ў 11:00. Ён правязе пасажыраў па маршруце ад станцыі Заслонава праз станцыю піянерская да станцыі Сасновы Бор і назад.

У маі цягнікі на Дзіцячай чыгунцы імя К.С. Заслонава будуць курсіраваць у выхадныя дні 1, 4, 5, 9, 11, 12, 19, 25 і 26 мая з 11:00 да 16:58. Штодня яны зробяць 15 рэйсаў.

У летнія месяцы «Сталічны Экспрэс» будзе курсіраваць па серадах, чацвяргах і пятніцах з 11:00 да 14:14, а па суботах і нядзелях – з 11:00 да 16:47.

У верасні можна будзе здзейсніць падарожжа на цягніку па дзіцячай чыгунцы па суботах і нядзелях з 11:00 да 16:47.

Таксама ўсе жадаючыя, незалежна ад узроўню падрыхтоўкі, змогуць паспрабаваць сябе ў ролі машыніста. Для гэтага ў зале чакання на станцыі Заслонава дзейнічае гульнявы модуль з магчымасцю імітацыі кіравання цягніком. Ён уяўляе сабой працоўнае месца машыніста, дзе на панэлі ўстаноўлены органы кіравання, а на вокнах-экранах адлюстроўваецца рух па ўчастку чыгункі. На гульнявым модулі можна выбіраць від лакаматыва, сезон і нават час сутак.

Акрамя таго, на экране інфармацыйнага кіёска госці змогуць азнаёміцца з цікавымі фактамі з гісторыі дзіцячай чыгункі, даведацца, чым адрозніваюцца розныя мадэлі рухомага саставу, што вывучаюць юныя чыгуначнікі і як прымяняюць свае веды на практыцы.

Імправізаваны цыкл работы чыгункі прадстаўлены на вялікім чыгуначным макеце, які ўсталяваны ў зале чакання станцыі Заслонава. Ён карыстаецца папулярнасцю як у малых, так і ў дарослых. Рух на ім арганізаваны цалкам у аўтаматычным рэжыме.

Да Дня Перамогі для мінчан і гасцей сталіцы на Дзіцячай чыгунцы імя К.С. Заслонава рыхтуецца канцэртная праграма. Яна будзе арганізавана 9 мая на станцыі Сасновы бор.

Больш падрабязную інфармацыю аб графіку работы Дзіцячай чыгункі можна атрымаць па тэлефоне (+375 17) 379-65-75 і на старонцы ДЧ на сайце www.minsk.rw.by.

Каса на вакзале станцыі Заслонава будзе працаваць у дні руху цягнікоў.

Таксама набыць білеты можна будзе праз інтэрнэт-сэрвісы bycard.by і 24afisha.by.

Папярэдняе браніраванне месцаў для арганізаваных груп ажыццяўляецца па тэлефоне (+375 17) 379-65-75 (серада – нядзеля з 10.00 да 17.00).

Інфармацыя падрыхтавана прэс-цэнтрам БЧ