.png)
Напярэдадні адзінага дня галасавання на вакзале станцыі Мінск-Пасажырскі 12 лютага 2024 года прайшоў святочны канцэрт зорак беларускай эстрады
13 лютага 2024
Музычны праект быў арганізаваны ў рамках культурна-патрыятычнай акцыі «Мы разам. Нас мільёны». На трэцім паверсе вакзала ў зале чакання для гасцей і жыхароў Мінска беларускія кампазіцыі і рэтра-хіты выканалі вядомыя музыканты – гурт «ByCity», заслужаная артыстка Беларусі Алёна Ланская, спявачка Ганна Благава, ансамбль «Песняры» і шоу-балет «Феерыя».
На канцэрце таксама прысутнічалі актывісты ГА «БРСМ», работнікі і ветэраны Беларускай чыгункі.
Гледачы цёпла сустрэлі артыстаў. Многія з іх падпявалі і танцавалі пад запальныя мелодыі.
У завяршэнні святочнай праграмы вядучы мерапрыемства Аляксандр Сярэбранікаў запрасіў усіх прыняць актыўны ўдзел у адзіным дні галасавання, які пройдзе ў нашай краіне 25 лютага.Інфармацыя падрыхтавана прэс-цэнтрам БЧ
