Беларуская чыгунка падвяла вынікі агляду-конкурсу на лепшы ўчастак вытворчага харчавання ў 2023 годзе

29 лютага 2024

Лепшым прызнаны ўчастак вытворчага харчавання Брэсцкага аддзялення чыгункі. Другое месца ў аглядзе-конкурсе прысуджана калектыву ўчастка вытворчага харчавання Баранавіцкага аддзялення. Трэцяе месца заняў участак вытворчага харчавання Мінскага аддзялення Беларускай чыгункі.

Усяго ў спаборніцтве прынялі ўдзел 6 участкаў вытворчага харчавання аддзяленняў Беларускай чыгункі.

Пры ацэнцы канкурсантаў журы ўлічвала выкананне планавых паказчыкаў, удзельную вагу прадукцыі ўласнай вытворчасці, рост ахопу гарачым харчаваннем чыгуначнікаў, якасць і разнастайнасць страў, захаванне культуры вытворчасці на працоўных месцах, якасць абслугоўвання спажыўцоў, павышэнне кваліфікацыі персаналу і захаванне працоўнай дысцыпліны, санітарных нормаў і правілаў, а таксама заканадаўства Рэспублікі Беларусь у галіне грамадскага харчавання.

Пераможцы конкурсу будуць узнагароджаны дыпломамі і грашовымі прэміямі.

На Беларускай чыгунцы надаецца вялікая ўвага забеспячэнню чыгуначнікаў якасным гарачым харчаваннем па даступных цэнах. З кожным годам укараняюцца сучасныя тэхналогіі прыгатавання ежы, пашыраецца асартымент вырабленай прадукцыі і павышаецца ўзровень абслугоўвання спажыўцоў.

Інфармацыя падрыхтавана прэс-цэнтрам БЧ