Беларуская чыгунка ў 2023 годзе рэалізавала больш за 10,5 млн электронных білетаў

08 студзеня 2024

Пасажыры БЧ за мінулы год аформілі больш за 10,5 млн электронных білетаў з выкарыстаннем новых інфармацыйных сэрвісаў.

На цягнікі з нумараванымі месцамі было аформлена 8,3 млн электронных праязных дакументаў, што амаль у 1,4 разы больш, чым у 2022 годзе.

На цягнікі з ненумараванымі месцамі (гарадскіх ліній і рэгіянальных ліній эканомкласа) праз адзіны раздзел «Паслугі пасажырам» афіцыйнага інтэрнэт-сайта Беларускай чыгункі pass.rw.by і мабільны дадатак «БЧ. Мой поезд» рэалізавана 2,5 млн электронных праязных дакументаў, што амаль у 1,6 раза перавысіла ўзровень продажаў 2022 года.

Папулярнасць электронных сэрвісаў продажаў праязных дакументаў працягвае ўзрастаць. Найбольш актыўны прырост назіраецца ў сегменце электронных білетаў на цягнікі з нумараванымі месцамі, доля якіх складае 77% ад агульнай колькасці прададзеных праязных дакументаў. Для параўнання – у 2022 годзе яна складала 57%.

На цягнікі з ненумараванымі месцамі найбольш запатрабаваным каналам пры афармленні праезду былі тэрміналы самаабслугоўвання, якімі скарысталіся 7,6 млн пасажыраў. Гэта на 1,3 млн пасажыраў больш, чым у 2022 годзе, што складае 15,9% ад агульнага пасажырапатоку.

Беларуская чыгунка працягвае развіваць беспапяровыя тэхналогіі і дыстанцыйныя сэрвісы, імкнецца зрабіць іх максімальна простымі, даступнымі і зручнымі.

Інфармацыя падрыхтавана прэс-цэнтрам БЧ