Гомельская лакаматыўная брыгада – пераможца конкурсу «Машыністы нашай магістралі»

24 лістапада 2023

23 лістапада 2023 года БЧ у рамках мерапрыемстваў, прымеркаваных да Года міру і стварэння, правяла конкурс сярод работнікаў лакаматыўных брыгад Беларускай чыгункі «Машыністы нашай магістралі».

У ім прынялі ўдзел 6 лакаматыўных брыгад (машыніст і памочнік машыніста), па адной ад кожнага аддзялення БЧ.

Лепшую «візітку» і фізічную падрыхтоўку, на думку журы, прадэманстравалі лакаматыўныя брыгады Мінскага і Гомельскага аддзяленняў чыгункі на этапах «Наша жыццё – чыгунка» і «Фізкульт-прывітанне!». Па выніках гэтых этапаў конкурсу яны набралі роўную колькасць балаў. Самай эрудзіраванай (этап «Веды – сіла!») была прызнана каманда Гомельскага аддзялення БЧ. Гэтая ж лакаматыўная брыгада стала лепшай на самым важным этапе «Гэта наша работа».

Падводзячы вынікі конкурсу, старшыня журы намеснік Начальніка Беларускай чыгункі Андрэй Якабсон адзначыў, што ўсе яго ўдзельнікі прадэманстравалі добрыя веды на этапе «Гэта наша работа», што сведчыць аб высокім прафесійным узроўні лакаматыўных брыгад беларускай магістралі.

Па выніках чатырох этапаў конкурсу перамогу атрымала лакаматыўная брыгада лакаматыўнага дэпо Гомель Гомельскага аддзялення чыгункі (машыніст дызель-цягніка Дзмітрый Янкоў і памочнік машыніста дызель-цягніка Аляксей Гуркін). Другога месца ўдастоена лакаматыўная брыгада лакаматыўнага дэпо Мінск Мінскага аддзялення БЧ (машыніст цеплавоза Дзмітрый Кандратовіч і памочнік машыніста цеплавоза Аляксандр Шорах). Трэцяе месца прысуджана лакаматыўнай брыгадзе лакаматыўнага дэпо Віцебск Віцебскага аддзялення чыгункі (машыністу цеплавоза Яўгену Варзобаву і памочніку машыніста цеплавоза Мікіту Арлоўскаму).

Усе ўдзельнікі конкурсу ўзнагароджаны дыпломамі і падарункавымі сертыфікатамі ад Беларускай чыгункі і Аб'яднанай галіновай прафсаюзнай арганізацыі чыгуначнікаў і транспартных будаўнікоў.

Інфармацыя падрыхтавана прэс-цэнтрам БЧ