На Беларускай чыгунцы выбралі лепшую каманду

22 верасня 2023

21 верасня 2023 года ў Мінскім Палацы культуры і спорту чыгуначнікаў прайшоў конкурс сярод аддзяленняў беларускай магістралі «Наша каманда – лепшая!». Ён праводзіўся ў рамках Года міру і стварэння ў мэтах фарміравання карпаратыўнай згуртаванасці, адзінства, прапаганды здаровага ладу жыцця ў калектыве Беларускай чыгункі, а таксама развіцця творчага патэнцыялу работнікаў БЧ.

Арганізатарамі спаборніцтва выступілі Беларуская чыгунка і Аб'яднаная галіновая прафсаюзная арганізацыя чыгуначнікаў і транспартных будаўнікоў.

Конкурс складаўся з 5 этапаў: «Маладосць у шляху!», «Рэкламны ролік», «Адгадай хіт», «Турыстычная вячэра» і «Скрыпінг».

У рамках першага этапу «Маладосць у шляху!» удзельнікі прадставілі свае каманды. На этапе «Рэкламны ролік» трэба было пераагучыць любы тэлевізійны ролік так, каб у ім прагучала чыгуначная тэматыка. Каманды добра справіліся нават з самым складаным заданнем «Адгадай хіт», па ўмовах якога пасля праслухоўвання фрагмента мелодыі неабходна было назваць твор, выканаўца кампазіцыі, а затым праспяваць адзін куплет і прыпеў. На дадзеным этапе чыгуначнікі прадэманстравалі выдатныя веды сучасных хітоў, свае вакальныя даныя і артыстызм.

Самай відовішчнай стала эстафета «Турыстычная вячэра», у рамках якой удзельнікі конкурсу на хуткасць чысцілі бульбу, нарэзалі цыбулю, адкрывалі бляшанку тушонкі і «лавілі рыбу».

Свае спартыўныя здольнасці, згуртаванасць і волю да перамогі чыгуначнікі прадэманстравалі на этапе «Скрыпінг», дзе ўсе ўдзельнікі каманды адначасова павінны былі скакаць праз скакалку, імкнучыся зрабіць як мага больш скачкоў за адну хвіліну. І тут поспех залежаў не толькі ад саміх канкурсантаў, але і ад майстэрства іх балельшчыкаў, якія выступілі ў ролі асістэнтаў.

Удзельнікі паказалі найвышэйшы ўзровень падрыхтоўкі на ўсіх этапах конкурсу «Наша каманда – лепшая!». На працягу мерапрыемства ў зале не сціхалі гучныя апладысменты, балельшчыкі актыўна падтрымлівалі свае каманды. Перад журы стаяла няпростая задача –вызначыць пераможцаў.

Па суме балаў лепшай была прызнана каманда «Фантастычная чацвёрка» Гомельскага аддзялення чыгункі, 2-е месца ў каманды «Сінэргія» Баранавіцкага аддзялення БЧ, на трэцюю ступень п'едэстала гонару паднялася каманда «Адзінства» Магілёўскага аддзялення чыгункі.

Усе каманды былі ўзнагароджаны дыпломамі і салодкімі прызамі, а пераможцы атрымалі яшчэ і каштоўныя падарункі.

Інфармацыя падрыхтавана прэс-цэнтрам БЧ