Дарагія ветэраны! Паважаныя работнікі Беларускай чыгункі, пасажыры і дзелавыя партнёры!

04 жніўня 2023

Сардэчна віншуем Вас з Днём чыгуначніка!

У гэты дзень самыя добрыя пажаданні адрасуюць адзін аднаму дзесяткі і нават сотні тысяч жыхароў Беларусі, якія па праву лічаць Дзень чыгуначніка сваім прафесійным святам – работнікі стальной магістралі і члены іх сем'яў, ветэраны чыгуначнага транспарту і тыя, хто толькі пачынае свой шлях за партамі навучальных устаноў. Гэты дзень – ваша асабістая нагода для гонару за прыналежнасць да нашай агульнай справы.

Рух цягнікоў не перарываецца круглыя суткі, з'яўляючыся адлюстраваннем напружанай работы эканомікі краіны, адклікаючыся на біццё пульса грамадскага жыцця. Найважнейшыя падзеі ў рэспубліцы адбываюцца з удзелам чыгуначнага транспарту, а рашэнне многіх дзяржаўных пытанняў напрамую залежыць ад зладжанай і плённай работы ўсяго калектыву чыгуначнікаў.

Мінулы «чыгуначны год» стаў чарговым выпрабаваннем магістралі на ўстойлівасць да глабальных геапалітычных і эканамічных выклікаў. Цяжкія часы заўсёды суправаджаюцца нараджэннем новых магчымасцяў і прыняццем эфектыўных рашэнняў.

Забеспячэнне бяспекі руху і якасці аказваемых паслуг – найважнейшыя ўмовы паспяховасці ўсяго дзяржаўнага аб'яднання «Беларуская чыгунка» і кожнага з нас на сваіх працоўных месцах. Вельмі многае залежыць ад прафесіяналізму і самааддачы. У гэтым нам дапамагаюць традыцыі адказнага і добрасумленнага стаўлення да справы, якія заклалі нашы дарагія ветэраны сваёй самаадданай працай. Нізкі паклон вам і самыя цёплыя словы віншавання з прафесійным святам.

Чыгуначны транспарт не толькі звязвае гарады, краіны, прадпрыемствы, забяспечваючы своечасовую дастаўку пасажыраў і грузаў, – ён фарміруе стыль жыцця, склад мыслення. Так, аднойчы зроблены выбар прафесіі становіцца прызваннем на ўсё жыццё, а беларуская магістраль па-ранейшаму стварае новыя сем'і, год за годам умацоўваючы працоўныя дынастыі.

Паважаныя калегі, няхай работа прыносіць усім нам задавальненне, дае дадатковыя магчымасці рэалізаваць сябе. Нашы агульныя задачы мы вырашаем разам і таму асабліва важна, наколькі выніковым будзе праца кожнага з нас. Упэўнены, што Беларуская чыгунка захавае сваю стабільнасць і паступальнае развіццё!

Са святам вас, дарагія сябры! Жадаем вам і вашым блізкім мірнага неба, моцнага здароўя, дабрабыту, новых працоўных поспехаў і плённай працы на карысць нашай роднай Беларусі!

З Днём чыгуначніка!

Начальнік Беларускай чыгункі                  У.М. Марозаў

Старшыня Аб'яднанай галіновай
прафсаюзнай арганізацыі чыгуначнікаў
і транспартных будаўнікоў                        В.М. Какора

Старшыня Арганізацыі ветэранаў
Беларускай чыгункі                                   С.П. Гогалеў