Дэлегацыя Беларускай чыгункі прыняла ўдзел у жаночым форуме ААТ «РЖД»

23 чэрвеня 2023

IV Форум па ўдасканаленні ўмоў працы, адпачынку і сацыяльнай падтрымкі жанчын ААТ «РЖД» прайшоў 20-22 чэрвеня 2023 года ў Валгаградзе (Расійская Федэрацыя). У ім прынялі ўдзел больш за 100 чыгуначніц з Расіі, Беларусі, Казахстана, Арменіі і Кітая.

Для ўдзельніц форуму арганізавалі насычаную праграму. У рамках мерапрыемства адбыліся майстар-класы і матывацыйныя сустрэчы па трох напрамках: «Жанчына – прафесіянал», «Жанчына – маці», «Жанчына – асоба», прайшлі трэнінгі і панэльныя дыскусіі, было арганізавана знаёмства з гісторыяй Валгаграда. У ноч з 21 на 22 чэрвеня чыгуначніцы прынялі ўдзел у традыцыйнай патрыятычнай акцыі «Заўтра была вайна», якая прайшла на Мамаевым кургане ў рамках усерасійскай акцыі «Свечка памяці».

Галоўнай падзеяй форуму стала пленарная сесія. Удзельніц павітаў генеральны дырэктар – старшыня праўлення ААТ «РЖД» Алег Белазёраў. Пасля гэтага адбыліся выступленні і зносіны ў фармаце пытанне-адказ, падчас якіх дэлегаты абмяняліся сваім вопытам работы па сацыяльнай падтрымцы жанчын і сям'і.

Ад дэлегацыі Беларускай чыгункі перад удзельніцамі жаночага форуму ААТ «РЖД» выступіла Алена Кірэня, намеснік старшыні Аб'яднанай галіновай прафсаюзнай арганізацыі чыгуначнікаў і транспартных будаўнікоў, якая выказала словы падзякі арганізатарам мерапрыемства за прадстаўленую магчымасць прыняць у ім удзел, а таксама падзялілася вопытам работы беларускіх чыгуначнікаў па пытаннях, якія абмяркоўваюцца ў рамках форуму.

Інфармацыя падрыхтавана прэс-цэнтрам БЧ