Беларуская чыгунка прыняла ўдзел у нарадзе па пытанні аптымізацыі лагістычных схем паставак экспартнай прадукцыі

22 чэрвеня 2023

20 чэрвеня 2023 года ва Упраўленні Беларускай чыгункі адбылася сустрэча з прадстаўнікамі рэспубліканскіх органаў дзяржаўнага кіравання, дзяржаўных канцэрнаў, прадпрыемстваў і транспартна-лагістычных кампаній. Мерапрыемства прайшло пад старшынствам Міністра транспарту і камунікацый Рэспублікі Беларусь Аляксея Аўраменкі з удзелам Начальніка Беларускай чыгункі Уладзіміра Марозава.

З дакладам аб актуальных пытаннях транспартнай лагістыкі, шляхах іх вырашэння, а таксама аб прынятых мерах па аптымізацыі механізму паставак экспартнай прадукцыі беларускіх грузаадправіцеляў па чыгунцы выступіў першы намеснік Начальніка Беларускай чыгункі Пётр Дулуб. Таксама адбыліся выступленні прадстаўнікоў органаў дзяржкіравання, канцэрнаў і арганізацый.

У ходзе сустрэчы бакі абмеркавалі рэалізацыю патэнцыялу транспартнай лагістыкі на запатрабаваных напрамках. Дыялог закранаў увесь комплекс тэматыкі транспартнага сектара, у прыватнасці, было адзначана канструктыўнае вырашэнне пытанняў па перавозках беларускіх экспартных грузаў чыгуначным транспартам. У фармаце жывых зносін адбылося абмеркаванне прапаноў, на якіх неабходна ў першую чаргу сканцэнтраваць увагу ўсім удзельнікам экспартных лагістычных ланцужкоў. Адзначана, што рэаліі сённяшняга дня патрабуюць падыходаў і рашэнняў у галіне лагістыкі, якія забяспечаць планаванне работы па арганізацыі перавозак грузаў чыгуначным транспартам на доўгатэрміновы перыяд і ролю ў гэтым пытанні грузаадправіцеляў.

Удзельнікі сустрэчы прыйшлі да адзінага меркавання аб тым, што арганізацыям, зацікаўленым у перавозках, неабходна сумесна з уласнікамі рухомага саставу больш актыўна праработаць адпаведныя пытанні, заключаць неабходныя дагаворныя адносіны. Гэта дазволіць значна пашырыць магчымасці па пагрузачных рэсурсах і вывазу прадукцыі на экспарт.

Інфармацыя падрыхтавана прэс-цэнтрам БЧ