.png)
«Адзіны дзень пасажыра» - у новым фармаце. 29 чэрвеня па нумары 151 адбудзецца прамая тэлефонная лінія са спецыялістамі Беларускай чыгункі
21 чэрвеня 2023
Беларуская чыгунка ўдасканальвае ўзаемадзеянне з пасажырамі. Для зручнасці спажыўцоў транспартных паслуг, а таксама каб вывучыць іх погляды і атрымаць эфектыўную зваротную сувязь, «Адзіны дзень пасажыра» змяняе свой фармат. Цяпер, каб задаць спецыялістам пасажырскай службы Беларускай чыгункі пытанне, якое вас цікавіць, не трэба ехаць на чыгуначны вакзал.
29 чэрвеня 2023 года «Адзіны дзень пасажыра» пройдзе ў фармаце прамой тэлефоннай лініі. У гэты дзень з 11.00 да 14.00 з любога рэгіёна Беларусі можна патэлефанаваць па бясплатным нумары 151 у кантакт-цэнтр БЧ, каб задаць свае пытанні ці выказаць прапановы, звязаныя з арганізацыяй пасажырскіх перавозак чыгуначным транспартам. Званкі даступны як са стацыянарных, так і мабільных тэлефонаў.
Інфармацыя падрыхтавана прэс-цэнтрам БЧ
