Дэлегацыя Беларускай чыгункі прыняла ўдзел у II Міжнароднай канферэнцыі і выставе «Міжнародныя транспартна-транзітныя калідоры: узаемасувязь і развіццё – 2023»

11 мая 2023

Мерапрыемства прайшло 3-4 мая 2023 года ў Ашхабадзе (Туркменістан).

Дэлегацыю БЧ узначаліў першы намеснік Начальніка Беларускай чыгункі Пётр Дулуб.

У рамках II Міжнароднай канферэнцыі і выставы «Міжнародныя транспартна-транзітныя калідоры: узаемасувязь і развіццё – 2023» прадстаўнікі беларускай магістралі прынялі ўдзел у рабоце сесіі «Транспартна-лагістычная ўзаемазвязанасць у сучаснай эканоміцы», дзе былі абмеркаваны пытанні развіцця міжнародных транспартных калідораў, у тым ліку транспартнага калідора «Поўнач-Поўдзень», роля мультымадальнасці ў спрашчэнні транспартна-лагістычных працэсаў, супрацоўніцтва з міжнароднымі арганізацыямі ў стварэнні спрыяльных умоў для транспартнай сістэмы з мэтай дасягнення ўстойлівага развіцця і многія іншыя.

Першы намеснік Начальніка Беларускай чыгункі Пётр Дулуб выступіў з дакладам «Патэнцыял Беларускай чыгункі ў забеспячэнні гандлёва-эканамічнай узаемасувязі і ўстойлівага развіцця грузавых перавозак па міжнародных транспартна-транзітных калідорах». У сваім выступленні ён расказаў аб ролі Беларускай чыгункі ў забеспячэнні ўстойлівага грузапатоку і эканамічнага развіцця міжнародных транспартных калідораў, звярнуў увагу ўдзельнікаў сустрэчы на неабходнасць рэалізацыі наяўнага патэнцыялу ў фарміраванні новых лагістычных схем для транспарціроўкі тавараў па міжнародным транспартным калідоры «Поўнач-Поўдзень», а таксама выказаў гатоўнасць беларускай магістралі да абмеркавання актуальных пытанняў супрацоўніцтва і развіцця сумесных праектаў.

У рамках удзелу ў мерапрыемстве падпісаны мемарандум аб развіцці супрацоўніцтва паміж Беларускай чыгункай і Агенцтвам «Тürkmendemirýollary» (Туркменскія чыгункі) у сферы чыгуначнага транспарту.

Інфармацыя падрыхтавана прэс-цэнтрам БЧ